بيت الارقم بن ابي الارقم.كن داعيا لله تكن عبدا ربانيا

السلام عليكم

طول ماانت بتقرأ في سيرة النبي صلي الله عليه وسلم في مكه تجد اسم

بيته بيتكرر خصوصا عندما تقرأ قصة اسلام صحابي

يمكن مانعرفش كتير عن الصحابي الارقم بن ابي الارقم غير انه جعل بيته

ليلتقي فيه المسلمين الجدد مع الرسول صلي الله عليه وسلم والذين لم

يسلموا يذهبوا ليعلنوا اسلامهم من هذا البيت بعيدا من بطش قريش

حد فكر يكون بيته هو بيت الارقم بن ابي الارقم فكرتوا تقعدوا انتوا واصحابكم

او جيرانكم تتكلموا فيه عن ربنا اصل الواحد لما يحب بيحب يعلن حبه لكل

الناس ويحب يشوف كل الناس بتحب اللي يحبه خلي علاقتك بربنا عشق بلاحواجز

كان فيه ملك ليه عبدين بيحبوه اوي ففي يوم جيه الملك وقال للعبدين لو

بتحبوني روحوا لاهل القريه قللهم يحبوني فالاول انطلق يخلي الناس تحب الملك

والتاني فضل يبقي جنب الملك تفتكروا مين فيهم اقرب لقلب الملك؟

كان ليا واحده صحبتي يمكن مابتعرفش تعبر عن حبها لربنا بالكلام لكن كان

تعبيرها بالفعل كنا نلتقي في بيتها نتكلم عن ربنا ونتعلم قران ونجمع لبس

ونكويه ونوزعه ونعمل افطار صائم وكنا كل يوم بنزيد وكل يوم بنات جديده

بتلتزم اصلها كانت بتحب ربنا اوي وكان نفسها تشوف كل الناس بتحبه

فسمينا بيتها بيت الارقم بن ابي الارقم

كن دعوه متحركه لحب الله كن منبر متحرك صحي الناس علي الفجر روحي

انتي وصحبتك اعملوا خير عدي علي صاحبك تروحوا المسجد مع بعض كن

داعيا لله كن ربانيا

جزاكى الله خيرا

ربنا يجازيكي كل خير علي افعالك

جميل جدا يااميرة
جزاكى الله كل خير

جزاكى المولى عنا خير الجزاء

وجعل الله هذا الموضوع فى ميزان حسناتك

رائع جدا
جزاك الله كل خير وجعله فى ميزان حسناتك
اللهم ارزقنا حبك وحب من يحبك
اللهم امين

وجزاكم مثله باذن الله
نورتوا التوبيك