مصائبنا بسبب ذنوبنا

موضوع: مصائبنا بسبب ذنوبنا 2011-02-26, 11:05 pm

*قال
الشيخ العلامة محمد بن صالح العثيمين رحمه الله (( فاتقوا الله عباد الله
وانظروا في أمركم وتوبوا إلى ربكم وصححوا إليه مسيرتكم واعلموا أن هذه
العقوبات التي تنزل بكم أيها الأمة وهذه الفتــــــــن التي تحل بكم إنما
هي من أنفسكم وبذنوبكم فأحدثوا لكل عقوبة توبة ورجوعا إلى الله ))

*يقول الشيخ العلامة محمد زكريا الكاندهلوي في كتابه القيم (( أسباب سعادة
المسلمين وشقاوتهم )) : - ( فالعلاج لتوقي الأمة المحمدية من
المصائـــــــــــب والحوادث ومواجهة النكبات والخسائر إنما هو تركيز
عنايتها بالاحتراس من المعاصي فإذا ما صدر منها شيء من الذنوب تندم عليه
وتستغفر الله منه وتتوب إليه ).

وقد قال تعالى: فَكُلًّا أَخَذْنَا بِذَنْبِهِ فَمِنْهُمْ مَنْ أَرْسَلْنَا
عَلَيْهِ حَاصِبًا وَمِنْهُمْ مَنْ أَخَذَتْهُ الصَّيْحَةُ وَمِنْهُمْ
مَنْ خَسَفْنَا بِهِ الْأَرْضَ وَمِنْهُمْ مَنْ أَغْرَقْنَا وَمَا كَانَ
اللَّهُ لِيَظْلِمَهُمْ وَلَكِنْ كَانُوا أَنْفُسَهُمْ يَظْلِمُونَ

موضوع: رد: مصائبنا بسبب ذنوبنا 2011-02-26, 11:16 pm

جزاكى الله خيرا وجعله فى ميزان حسناتك

موضوع: رد: مصائبنا بسبب ذنوبنا 2011-02-26, 11:55 pm

السلام عليكم ورحمة الله وبركاته
اولا انا اسف انى هدخل فى حاجه شخصيه دا اذا سمحتى
الشيوخ اللى انتى ذكرتهم دول بيحرموا الغناء وانت كتبه الهويات الغناء
انا اسف مره تانيه وتالته بس مينفعش انى اخد بعض اراء الشيخ اللى انا متبعه
واسيب البعض الاخر انا اسف طبعا دى حاجه شخصيه
وبعدين مسالة مصائبنا بسسب ذنوينا موش ديما وموش فى جميع الاحوال
ممكن تكون المصيبه لكى يرفع الله وهو قد عرف فى علمه المسبق صبر عبده
هل سيصبر ام لا وهل صبره برضى ام لا
وممكن يكون ان الله يريد ان يرفع قدر ودرجة صاحب المصيبه فى الجنه
ربنا ابتلى الرسل وكان على راسهم اولى العزم عليهم جميعا الصلاة والسلاه
وابتلى سيدنا ايوب فى ثروته واولاده ومرضه
وبعدين بكل وضوح لو تقصدى انو الشعب اللى عمل الثوره كان شعب كله ذنوب
والوقتى بقينا من غير حاكم ظالم يعنى الشعب فجأه اتحول من الذنوب للحسنات؟!!!!

موضوع: رد: مصائبنا بسبب ذنوبنا 2011-02-27, 2:17 am

احمد مرعى كتب:: السلام عليكم ورحمة الله وبركاته

وعليكم السلام ورحمة الله وبركاته

اولا انا اسف انى هدخل فى حاجه شخصيه دا اذا سمحتى
الشيوخ اللى انتى ذكرتهم دول بيحرموا الغناء وانت كتبه الهويات الغناء
انا اسف مره تانيه وتالته بس مينفعش انى اخد بعض اراء الشيخ اللى انا متبعه
واسيب البعض الاخر انا اسف طبعا دى حاجه شخصيه

والله انا محتفظة بصوتى دة لنفسى لانا رحت غنيت فى فرقة ولا رحت عملت كليبات ولا سجلت اغانى
ولا اشتركت فى كورال ولا كلام من دة وصوتى محدش سمعه يعنى من الاخر مارتكبش بيه معصية
ولا حد شال منه وزر ف سماعه ولا حاجة وكمان انا واحدة صوتى كويس اكتب ايه ؟؟؟
مش مقصود من انى كاتبة الغناء انى بالفعل بغنى وانا ماخدتش براى شيوخ وسبت شيوخ
عشان انت تقولى بتاخدى وبتسيبى اظن انت ماشوفتنيش عملت حاجة غلط عشان تقول اخدتى وسبتى

وبعدين مسالة مصائبنا بسسب ذنوينا موش ديما وموش فى جميع الاحوال
ممكن تكون المصيبه لكى يرفع الله وهو قد عرف فى علمه المسبق صبر عبده
هل سيصبر ام لا وهل صبره برضى ام لا
وممكن يكون ان الله يريد ان يرفع قدر ودرجة صاحب المصيبه فى الجنه
ربنا ابتلى الرسل وكان على راسهم اولى العزم عليهم جميعا الصلاة والسلاه
وابتلى سيدنا ايوب فى ثروته واولاده ومرضه

انا معاك ان المصائب فى حالات بتكون ابتلاءات انما مش كله ابتلاء وكل واحد بيقدر يعرف دة ذنب ولا ابتلاء
من عمله لان الحلال بين والحرام بين ومعروف الصح من الغلط وكل واحد ادرى بتصرفاته طبعا
وحكاية انها ذنب او ابتلاء دة عند ربنا بقا مش عندنا والهدف من الموضوع هنا هو ان الناس تخفف من
ذنوبها لان فى بعض الاوقات بتكون ذنوب مش ابتلاءات
وطبعا الرسل عليهم الصلاة والسلام مفيش ادنى شك ان اللى كان بيحصلهم دة ابتلاءت لانهم معصومييييييين من الخطا يعنى مفيش اى كلام فى النقطة دى انما احنا خطائين وبنذنب طبعا فوارد جداااااا
انه يكون ابتلاء ووارد بردو انه يكون ذنـــــــــــب
يعنى مش حتجبلى واحد بيتقى الله وماشى صح وتحصله مصيبة وتقولى دة عقاب اكيد هو حيفهم انه ابتلاء
لكن واحد عايش حياته غلط ف غلط وتجيله مصيبة ايا كانت وتقولى ابتلاء وربنا يعظم قدره ف الجنة اظن مش منطق وحنا مش ملايكة خلاص وبطلنا نغلط

يقول الله –تعالى-:"كَدَأْبِ آلِ فِرْعَوْنَ وَالَّذِينَ مِنْ قَبْلِهِمْ
كَذَّبُوا بِآيَاتِنَا فَأَخَذَهُمُ اللَّهُ بِذُنُوبِهِمْ وَاللَّهُ
شَدِيدُ الْعِقَابِ" [آل عمران:11]

وقال –تعالى-:"أَلَمْ يَرَوْا كَمْ أَهْلَكْنَا مِنْ قَبْلِهِمْ مِنْ
قَرْنٍ مَكَّنَّاهُمْ فِي الأَرْضِ مَا لَمْ نُمَكِّنْ لَكُمْ
وَأَرْسَلْنَا السَّمَاءَ عَلَيْهِمْ مِدْرَاراً وَجَعَلْنَا الأَنْهَارَ
تَجْرِي مِنْ تَحْتِهِمْ فَأَهْلَكْنَاهُمْ بِذُنُوبِهِمْ وَأَنْشَأْنَا
مِنْ بَعْدِهِمْ قَرْناً آخَرِينَ" [الأنعام:6]
،
وقال –تعالى-:"أَوَلَمْ يَهْدِ لِلَّذِينَ يَرِثُونَ الأَرْضَ مِنْ بَعْدِ
أَهْلِهَا أَنْ لَوْ نَشَاءُ أَصَبْنَاهُمْ بِذُنُوبِهِمْ وَنَطْبَعُ عَلَى
قُلُوبِهِمْ فَهُمْ لا يَسْمَعُونَ" [الأعراف:100]

قال –تعالى-:"وَلَوْ أَنَّ أَهْلَ الْقُرَى آمَنُوا وَاتَّقَوْا
لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالأَرْضِ وَلَكِنْ
كَذَّبُوا فَأَخَذْنَاهُمْ بِمَا كَانُوا يَكْسِبُونَ" [لأعراف:96]

وفي الحديث القدسي، أن الله –تعالى- يقول:"أذنب عبدي ذنباً فعلم أن له رباً يغفر الذنب، ويأخذ بالذنب ...".
وفي حديث بعض أصحاب النبي – صلى الله عليه وسلم – أنه قال: "لن يهلك الناس
حتى يعذروا من أنفسهم" أخرجه الإمام أحمد (4/260) (5/293)
وأبو داود رقم
(4347) بإسناد صحيح، وفي تفسير قوله –صلى الله عليه وسلم-:"حتى يعذروا" قال
أبو عبيد في غريب الحديث (1/131) يقول:"حتى تكثر ذنوبهم وعيوبهم".

وبعدين بكل وضوح لو تقصدى انو الشعب اللى عمل الثوره كان شعب كله ذنوب
والوقتى بقينا من غير حاكم ظالم يعنى الشعب فجأه اتحول من الذنوب للحسنات؟!!!!

اولا انا مجبتش سيرة ثورة ولا شعب ولا غيره دة موضوع عاااااااام
وكمن هو الحاكم الظالم هو اللى كان منعك انك تمشى صح
هو الناس اللى بتذنب وبتعمل كبائر كان بسبب الحاكم الظالم
موضوعى مالوش دعوة بحد
وكمان انا مقلتش ان الشعب اتحول من ذنوب لحسنات لان احنا مش انبياء حتى خلاص
نبطل نذنب ونبقى كلنا معندناش غلطة احنا حنفضل خطائين لحد يوم الدين
حتى لو ماشى صح وع قد ماتقدر بردو حتذنب لانك بنى ادم
و ( كل بن آدم خطاء وخير الخطائين التوابون )
وياريت ماتقولنيش كلام مصدرش منى
ومتدخلنيش فى مواضيع ومتاهات ملهاش لزمة
التوبيك الهدف منه والمقصود ان الناس تخفف من ذنوبها
عشان المصائب دى تخف بردو
والمصائب المقصودة هنا المصائب الناتجة عن الذنوب
ومليش دعوة بابتلاءت لان دة موضوع تانى خالص

وشكرااااااا

موضوع: رد: مصائبنا بسبب ذنوبنا 2011-02-27, 3:22 am

جميل اوي التوبيك يا مروه
وجزاكي الله كل خير

موضوع: رد: مصائبنا بسبب ذنوبنا 2011-02-27, 4:48 am

جزاكي الله كل خير

موضوع: رد: مصائبنا بسبب ذنوبنا 2011-02-27, 11:27 am

السلام عليكم ورحمة الله وبركاته

اولا يا مروه انا بكرر اسفى على التدخل بصرف النظر سواء
الغتاء كان بينك وبين نفسك او قدام الناس لكن المبدأ عند الشيوخ دول حرام
حتى فى الخفاء دا مكنش اللى انا قصدته لكن يا مروه معلش بردوا انا اسف
انى اقول انو فيه ناس كتير بتردد كلام الشيوخ دول من غير ما تفهم او تراجع وراهم
على اساس انهم اشخاص مقدسين وانتى عارفه مفيش قداسه فى الاسلام الا لمحمد
صلى الله عليه وسلم
المهم انا بعتبر انو الشيوخ دول ومنهم مشايخ كتير من السلف(اللى انا موش محتاج اقسم
انى على المستوى الشخصى باحبهم فى الله وبجلهم وباحترمهم)لكن يا مروه
بعض المسلمات اللى بيؤمنوا بيهم هى اللى خلت الناس تسكت على الظلم بردوا
مع انو الناس اصلا من الاصل نايمن وموش عاوزين يعملو حاجه وابائنا اتربوا
على كدا
والدليل انو الشيخ محمد حسان طالب مشايخ السلف بمراجعة بعض الاشياء المتعلقه
بالانتخابات والاشياء المتعلقه بالسياسه عامة انا لا اتصيد الاخطاء لا والله
لكن رجوع الشيخ محمد حسان للحق وقال انو ممكن اخطأ وهو انسان معرض لذلك
وطالب ومشايخ كتير بالنظر فى كتير من المسلمات وينبذوا الفرقه والاختلاف
ودعى الى تكوين هيئة علماء تقوم باصدار الفتاوى مكونه من الازهر وعلماء السلف
و(الاخوان)اللى مشايخ السلف بيعتبروهم خطر على الاسلام والمسلمين
وانا حسيت انو فيه ناس كتير بدون حساسيه فى المنتدى كانت بتردد كلام مشايخ
السلف من غير فهم ولا وعى واللى كان بيخلهم الراى يعنى كانو بيعتبروه متخلف
عقيدته موش سليمه ودا اللى للاسف بيؤمن بيه غالبيه كبيره من الناس العامه
اللى بتسمع بس من غير ما تدور اذا كان دا صح ولا غلط
انا اسف انى طولت
واسف لو كنت تعديت خصوصيتك ومستعد انى اقولها امام الناس فى المنتدى

موضوع: رد: مصائبنا بسبب ذنوبنا 2011-02-27, 11:34 am

جزاكى الله كل خير يا مروة

موضوع: رد: مصائبنا بسبب ذنوبنا 2011-02-27, 9:17 pm

احمد مرعى كتب:: السلام عليكم ورحمة الله وبركاته

وعليكم السلام ورحمة الله وبركاته

اولا يا مروه انا بكرر اسفى على التدخل بصرف النظر سواء
الغتاء كان بينك وبين نفسك او قدام الناس لكن المبدأ عند الشيوخ دول حرام
حتى فى الخفاء دا مكنش اللى انا قصدته لكن يا مروه معلش بردوا انا اسف
انى اقول انو فيه ناس كتير بتردد كلام الشيوخ دول من غير ما تفهم او تراجع وراهم
على اساس انهم اشخاص مقدسين وانتى عارفه مفيش قداسه فى الاسلام الا لمحمد
صلى الله عليه وسلم
المهم انا بعتبر انو الشيوخ دول ومنهم مشايخ كتير من السلف(اللى انا موش محتاج اقسم
انى على المستوى الشخصى باحبهم فى الله وبجلهم وباحترمهم)لكن يا مروه
بعض المسلمات اللى بيؤمنوا بيهم هى اللى خلت الناس تسكت على الظلم بردوا
مع انو الناس اصلا من الاصل نايمن وموش عاوزين يعملو حاجه وابائنا اتربوا
على كدا
والدليل انو الشيخ محمد حسان طالب مشايخ السلف بمراجعة بعض الاشياء المتعلقه
بالانتخابات والاشياء المتعلقه بالسياسه عامة انا لا اتصيد الاخطاء لا والله
لكن رجوع الشيخ محمد حسان للحق وقال انو ممكن اخطأ وهو انسان معرض لذلك
وطالب ومشايخ كتير بالنظر فى كتير من المسلمات وينبذوا الفرقه والاختلاف
ودعى الى تكوين هيئة علماء تقوم باصدار الفتاوى مكونه من الازهر وعلماء السلف
و(الاخوان)اللى مشايخ السلف بيعتبروهم خطر على الاسلام والمسلمين
وانا حسيت انو فيه ناس كتير بدون حساسيه فى المنتدى كانت بتردد كلام مشايخ
السلف من غير فهم ولا وعى واللى كان بيخلهم الراى يعنى كانو بيعتبروه متخلف
عقيدته موش سليمه ودا اللى للاسف بيؤمن بيه غالبيه كبيره من الناس العامه
اللى بتسمع بس من غير ما تدور اذا كان دا صح ولا غلط
انا اسف انى طولت
واسف لو كنت تعديت خصوصيتك ومستعد انى اقولها امام الناس فى المنتدى

بصراحة ياحمد انا مش فاهمة كلامك دة ماله ومال التوبييك وماله ومال انى كاتبه غناء
يعنى ياريت تفهمنى انت بتتكلم ع ايه وتقصد ايه

وجزاك الله كل خير وشكرا للمرور

موضوع: رد: مصائبنا بسبب ذنوبنا 2011-02-27, 9:21 pm

اميرة واحمد مختار ومحمد وسرة
شكرا جد لمروركم الكريم

جزاكم الله كل خييييير

» مات بسبب...
» زواج بنت بسبب كيس زبالة
» كم من رزق حرمنا بسبب معصية؟!

مصائبنا بسبب ذنوبنا

مصائبنا بسبب ذنوبنا

مواضيع مماثلة

مواضيع مماثلة