خليها تاكلكـ

موضوع: خليها تاكلكـ 2011-01-14, 1:08 am

السلامـ عليكمـ

معذرة ع العنوان اللي شوية غامض

الموضوع عبارة عن رسالة .. حابب اوجهها

لمين ؟ مش مهم .. المهم انها واصلة

(( خليها تاكلك ))

بالصدفة البحتة اكتشف انه علي الموقع الخاص بالدعم للشركة المستضيفة لموقعنا

مكتوب ( ومن الاكونت الخاص بي ) طلب بحذف المنتدي نهائياً

ماتفاجئتش .. بس سألت نفسي سؤال
معقول تفكيره يوصله لكده ... (( هو مين ده ؟؟ ))
ده حد جواه كمية حقد وغل .. قد خماشر كيلو كدا ولا حاجة + نص كيلو غباوة مشكل

عاوز اقوله لو شغلت مخك شوية كنت هتكتشف الاتي
- لو الاكونت دا مهم وممكن يعتد باي رسالة منه ماكنتش هاخلي الباس وورد بتاعه معروف لطوب الارض
زي مانت عارفه كده
- ان الاسلوب الساذج المكتوب بيه طلب حذف المنتدي لا يدل ابدا علي ان اللي كاتبه ( أحمد مدين )
مش غرور بس رحم الله امرئ علم قدر نفسه
- وانه حتي لو الخطوة دي تمت - وده مستحيل - فيه نسخة باك اب فـ خلال 24 ساعه ترجع وكان شيئا لم يكن

فليه بقي ؟؟

ليه تصغر نفسك فعنيا اكتر ماصغرت

بالمناسبة (( لما تحب تقدم شكوة ضد المنتدي اختار سبب مقنع
مش معقول منتدي رياضي ولابوتريكه يبقي منتدي ذو طابع اباحي مخل .. ولا ايه ))

معلش لو ازعجتكم برسالتي

كان ممكن ابعتها للشخص المراد مباشرة
بس انا حبيت انها تكون من هنا وكمان حبيت يشوفها اي حد تاني مريض بنفس المرض
ربنا يعافينا جميعاً

و

خليهـــا تاكلكـ

موضوع: رد: خليها تاكلكـ 2011-01-14, 1:15 am

ههههههههههههههههههههه كلب لطيف

بس سبب مقنع صحيح فى حذف المنتدى

خليها تاكلكـ 34242

خليها تاكلك التريكاويه سيدك وسيد...............
كلمها انت بقى بما انك عارف الاباحيه
خليها تاكلكـ 870595

موضوع: رد: خليها تاكلكـ 2011-01-14, 1:45 am

ياترى مين الى تعبان من المنتدى جامد دة

علم واتعلم و تريكة هوة الملعم

احنا الاصل والباقى فى الكرتونة
ههههههههههههه

موضوع: رد: خليها تاكلكـ 2011-01-14, 2:03 am

هههههههههههههههههههههههه جامد اوى يا احمد
على فكرة انا عارف الشخص الحقير ده
وبجد لو هو شايف الموضوع ده ... بقوله انى ندمت كتير على معرفتك .. وبقوله يتقى ربنا ويبطل يخدع الناس ... فاكر يا مدين لما كنت بقولك متسكتلهوش ووقفه عند حده ... بس انت بطيبتك مرضتش وقلتلى ده كان شخص قريب ليا فى يوم من الايام ... بجد انت انسان صعب نلاقى منه كتير يا مدين ... والكلام ده مش مجاملة انا بقول عيوبك قبل مميزاتك .. بس دى حقيقة
فى الاخر انا حاسس انه هيطلع حد غير اللى فى بالى هههههههههههههههههههههههههههههههههه
المهم بقول للشخص ده خليها تاكلـــــــــــــــــــــكــ مدين سيدك وسيد اهلك :D

موضوع: رد: خليها تاكلكـ 2011-01-14, 2:44 am

ههههههههههههههههههههههههههه
والله انت جامد يا احمد
وبجد ضحكتنى فى وسط غم الامتحانات اللى انا عايشة فيه
بس بجد سبب مقنع جدا علشان المنتدى يتحذف وانا بضم صوتى لصوت العبيط التانى ده على اساس انى الاولانى يعنى ههههههههههههههههه
معلش يا اونكل سامحه ملقاش اللى يوديه مستشفى المجانين وحاول يستلف ملقاش اللى يحن عليه هههههههههههههههههه

موضوع: رد: خليها تاكلكـ 2011-01-14, 7:58 pm

لا دة بجد مايقالوش غير ربنا يهديييييييييييييييييييه ويصلح حاله
ولو مش عاجبه المننتدى ومش داخل دماغه يتكل ع الله منه
هو متخيل يعنى ان كلامه قران منزل اول مايقول كدة كلامه حيمشى
وكمان رايح يعمل كدة من اكونت المدير هو يعقل ان صاحب المنتدى حيقدم طلب
ويقول ان المنتدى اباحى بجد فعلا دماغه صغيرة اوى وتافه كمان ومش موضع ولا محل ثقة
خالص وبجد ربنا يهديه ويصلح حاله الا شكله تعبان ف دماغه

موضوع: رد: خليها تاكلكـ 2011-01-14, 8:19 pm

الكبير كبير يامدين وانت طووووول عمرك كبير وهتفضل كبير
الناس التافهه دى ولا تستاهل انك تبص لكلمها اصلا لانها احقر من كدا بكتير
كل اللى فالمنتدى عارفين كويس مين احمد مدين وعارفين المنتدى عامل ازاى
واللى مش عاجبه يتكل على الله احنا اللى ميشرفناش يكون وسطينا
وزى ماقلتلك يا احمد الصغير قبل الكبير هنا عارف مدين كويس اوى
والتعبان يروح يتعالج بعيد عننا

موضوع: رد: خليها تاكلكـ 2011-01-15, 11:24 pm

لالالالالالالالالالالالالالالالالا

يحذف ايه ويلغي ايه ؟؟؟؟؟
مين ده وايه اللي بيقوله ده

يا عم مش عاوز المنتدي المنتدي كمان مش عاوزك اتفضل يا عم ومش هنقول غير ربنا يسهلك

قال طلب حذف المنتدي قال

لا غريبة فعلا

اظن رد التريكاوية واضح وبعد كده مفيش كلام

ومشكور يا مدين علي التنبيه ده

موضوع: رد: خليها تاكلكـ 2011-01-16, 12:29 am

ولا يهمك يامدين من كل الحاقدين دول

اللى كلامهم لا بيقدم ولا ياخر على راى جورج وسوف ههههههههه

وزى مقالوا

الذئاب تعوى ومدين يسير

وادلع يامدين ياكايدهم هههههههههههههههه

موضوع: رد: خليها تاكلكـ 2011-01-16, 1:01 am

اى واحد مشهور وناجح ليه اعداء وحاقدين يابنى هههههههههههه
فده عادى ومتحطش فى دماغك
واللى يعمل كده التركاويه يقطعوه ويطخوه بالنار

وبضم صوتى لصوت شيمو وبقول
كلام الناس لبيقدم ولا ياخر على راى المعلم جورج وسوف خليها تاكلكـ 870595

ال اباحيه ال
ههههههههههههههههههه

موضوع: رد: خليها تاكلكـ 2011-01-20, 9:34 pm

بجد وانا بقرا الموضوع مستغربه جدا معقول فيه انسان توصل بيه الدرجه

انه يعمل حاجه زى ديه كده معقول بجد !!!

على العموم ده ان دل على شىء فهو يدل على انك انسان ناجح جدا وديه حقيقه

ولان المنتدى ما شاء الله جميل اوى فهو غيران من المنتدى وعاوزه يتحذف

وانا فعلا كنت لسه هسال حضرتك ازاى هو عرف الباس وورد لقيت

حضرتك بتقول ان الاكونت ده مش مهم علشان كده الباص وورد فعلا معروف

وهل من الذكاء انسان بنجاحك استاذ احمد ونجاح المنتدى كده هيسيب الباص وورد

لاى حد كده يدخل بيه ؟؟!!! كان لازم الشخص ده يفكر فى الموضوع الاول

على العموم تاكد استاذ احمد ان المنتدى ده ناجح وهيفضل ناجح وهو كده اى

شىء ناجح لازم يكون له اعداء كتيير عاوزين يدمروا الشىء ده

بس طريقه اسلوبك استاذ احمد عجبتنى جدا فى كتابه الموضوع والعنوان

عاجبنى اكتر مع اعتراضى على الكلمه الا انها لايقه اوى على الموضوع Smile

موضوع: رد: خليها تاكلكـ 2011-03-18, 2:16 am

معلش انا عارف ان التوبيكـ استخدمت فيه الفاظ كتير
انا اتضايقت من نفسي بعد كدا علي استخدامها
عموما شكرا لكلامكم الجميل جميعاً
وباذن الله المنتدي يفضل منور بيكم
تقبلوا تحياتي