30 سر عن الشباب

موضوع: 30 سر عن الشباب 2011-03-10, 2:40 pm

+
----
-

30 سر عن الشباب

1-شاب بيبص على البنت الحلوة
(لان الله جميل يحب الجمال)
بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .

3- ممكن الشاب يعجب بيكي للحظة و ينساكي بعديها ولا كأنه شافك قبل كده .

4- لما الشاب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيه .

5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .

6-
صحيح ممكن الشاب تكون عينه زايغة على البنات اللي رايحة و اللي جاية بس
صدقيني قبل ما يجي ينام بيفكر في البنت اللي بيحبها و يحب يبقى آخر صوت
سمعته ودانه قبل ما ينام صوتها .

7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك وحشة ) .

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .

12-
الشاب بيبقى نفسه يقول ويقول عن نفسه .......... بس مبيعرفش يقول غير عن
مغامراته اللي تتصدق بالعافية أو عن شجاعته في خناقة في فلم أكشن

13- على فكرة الشاب بيعيط

(مهما بان جامد و قوي مهوا بني آدم برضو) .

14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

15- الشاب ميعرفش يحلم و يتأمل كتيير زيك و معندوش صبر عايز كل اللي يتمناه يتحقق في ثانية .

16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب شاب أنتي كده دخلتي سكة مفيهاش رجعة
(دخول الحمام مش زي خروجه) .

18-
اوعي تدي شاب رسالة متعلقة زي " عارف... " أو " عايزة أقولك حاجة.... " و
تسيبيه كده عشان كدة دماغه هتنط لاستنتاج بعيد أوييييييي عن اللي في دماغك

19- الشاب بيتجنن لما بيلمس ايدك .

20-
الشاب لما يكون بيلعب بكلامه و بينقط كلام زي العسل يدوخ بيه اجدع بنت بس
تعالي حطيه قدام واحدة بيحبها هيتأتأ و كأن القطة اكلت لسانه

21-
لما الشب يقولك " اااممممم " أو يديكي أي عذر لما تطلبي منه حاجة اعرفي انك
مش عاجباه ومش مستعد يديكي (الكريديت كارد) أو حتى يدفع فيكي قرش واحد .

22- قولي للشاب أنتي عايزة إيه منه بالضبط من الاول قبل ما تقع الفاس في الراس و بعدين يقول باريت اللي جرى ما كان .

23- لما تقولي لشاب " لأاااه " بيسمعها هوا حاول تاني بكرا
(معلش أطرش هههههههههههههه) .

24- الشاب بيكره الشاب الفافي .

25- الشاب بيموت في أمه (يعني كلوا الا هيا) .

26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الشاب إلا لو سمعتيه كويس
(فبلاش بقاه تنزلي لوك لوك لوك لوك و اديه فرصة ينطق) .

29- الشب لو قالك بحبك مرة واحدة في القرن اعرفي انو فعلا بيحبك
(بس مفيش مانع حضرته يسمعك شوية كلام حلو عشان يحسسك بأنوثتك) .

30-
حاسبي ........ الشاب احسن واحد ينشر الإشاعات يعني في خلال ساعة واحدة
شباب مصر كلها هيعرفوا اللي عايز يقوله من غير ما يعرفوا صدق والا كذب .

________________

موضوع: رد: 30 سر عن الشباب 2011-03-18, 12:27 pm

جميل خالص

يسلمووووووووووووووووووووووو

موضوع: رد: 30 سر عن الشباب 2011-03-18, 1:05 pm

شكرااااااااااا ايمى على مرورك الجميل
نورتـــــــــــــــــــــــــــ يا قمراية ـــــــــــــــــى

موضوع: رد: 30 سر عن الشباب 2011-03-18, 2:40 pm

هههههه
توبيك جميل يا حبيبه

موضوع: رد: 30 سر عن الشباب 2011-03-18, 3:24 pm

شكراااااااااااااااا امرورك الجميل احمد
نورت

موضوع: رد: 30 سر عن الشباب 2011-03-20, 11:16 pm

افترى علينا هههههههههههه

تسلمى يا حبيبة

موضوع: رد: 30 سر عن الشباب 2011-03-22, 6:03 pm

ههههههههههههه ليه يا مخ دى الحقيقة بس انتو مش عايزين تعترفوا
نورت يا باشا

موضوع: رد: 30 سر عن الشباب 2011-04-10, 12:52 am

ههههههههههههه جميل جدا
يســــلـــــــــــــــمو

موضوع: رد: 30 سر عن الشباب 2011-04-10, 4:44 pm

شكرا يا قمراية على مرورك الجميل
نوووووووووورتى

» شوفوا الشباب يقولوا ايه عن البنات البنات بيقولوا ايه عن الشباب
» الشباب الهااااااااااااااااااااااااااااااااااااااااايف
» هما الشباب بيعكسونا ليه؟؟؟

30 سر عن الشباب

30 سر عن الشباب

مواضيع مماثلة

مواضيع مماثلة