كلنا بنقول "يبقى انت اكيد فى مصر" .. بس عارف معناها ايه بعد الثورة ؟؟ "كوميديــــــــا"

يبقى انت اكيد في مصر

لما تلاقى واحد واقف الساعة 7 الصبح بينظم المرور ومش مستنى... فى المقابل حاجة ..

لما حمادة هلال يحضر اغنية شهداء زلزال اليابان ماتو فى زلزال اليابان

لما نجم الجيل فى هذه اللحظة العظيمة من تاريخ مصر يبقى عصام شرف مش تامر حسنى ..

لمل يبقى يوم الجمعة أوله ترانيم وبعد كدة صلاة جمعة وبعدها أغانى وطنية و كله فى مكان واحد ..

لما رئيس وزراء دولة يصلى جنبك ع الرصيف ..

لما تسمع واحد فى الشارع بيقول تعدى اول دبابة تانى دبابة تالت دبابة تدخل يمين فى شمال

لما هدايا عيد الأم هذا العام تبقى سبراى سيلف ديفنس...صاعق كهربائى...مسدس صوت

لما أبوك يقولك كفاية نت بقى هفصله عنك..ترد تقوله إنت عارف أخر واحد عملها عملنا فيه إيه ..

لما الناس لسة لاقية تاكل فى بلد بتتنهب بقالها 30 سنة ..

لما أبوك يسيب أخبار التلفزيون ويجى يقولك شوفلى الناس بتقول إيه على تويتر

لما زمان كان عندى القدرة أتفرج على تلت ولا أربع ماتشات كورة ورا بعض و مزهقش...ودلوقتى أزهق من شوط واحد ..

لما الجيش يبعتلك مسجات أكتر من خطيبتك

لما الإخوان المسلمين يجتمعوا بالمجلس العسكرى, وأمن الدولة يصبح تنظيم محظور ..

لما أهلك يفتخروا بيك قدام الناس ويقولو ده مش بيقوم من عالفيس بوك

لما العالم كله يتابع السباق الرئاسى فى مصر كأنه إنتخابات أمريكا ..

لما نبقى طول عمرنا بنقول نفسنا نبقى زى أمريكا وبعدين أوباما يطلع يقول نفسنا ولادنا يبقوا زى المصريين
..

يبقى انت أكيد فى مصــــــــــــــــــــــــر

يسلمووووووووووو محمد
توبيك جاااااااااااااااااامد
ربنا يحمى مصر واهلها

هو مكرر بس مش فاكر فين

كلنا بنقول "يبقى انت اكيد فى مصر" .. بس عارف معناها ايه بعد الثورة ؟؟ "كوميديــــــــا" 116283

بس تسلم يداك ياكبيررررررررر

ههههههههههههه

جميل يسلموووووووووووووو

نورتوا التوبيك يا شباب ... ايدو انا جايبه من الفيس ممكن تكون شوفته هناك معرفش هو هنا ولا لأ

جمييييييييييل اوىىىىىىى يامحمد
تسلم ايــــــــــــــــــــــــــــــــــــديك