علمتني امي ان اكون انسان

موضوع: علمتني امي ان اكون انسان 2011-03-27, 12:18 am

السلام عليكم ورحمة الله وبركاته

علمتني امي عندما يسقط عدوٌ لي ان احترم سقطه حتى وان كان هذا السقوط على يدي
وعلمتني ايضا ان الترفع عن اذلال هذا العدو فى سقوطه هو من شيمة الكبار
ومنتخب مصر لم يكن عدو لي لكى ارى هذا الاذلال له وشعب مصر عنده من
شيمة الكبار الكثير

بلاش نجرّح فى منتخب مصر يا شباب هو مبارك اللى كان بيقولهم اكسبوا البطولات
وكان بيرشى الفرق التانيه علشان تخسر امامنا هما ذنبهم ايه ويعنى انتو فاكرين
انو البلد هتبقى احسن لو المنتخب خسر ومرحش بطولة افريقيا البلد الناجح هو
اللى ينجح فى كل المجالات وان كانت الكوره موش هى الرياضه بس

المانيا الغربيه لما خسرت من ايطاليا فى نصف نهائى كاس العالم 1970 مخرجتش المانيا
الشرقيه تفرح فيها وتشمت وتقول عالم زباله ومقلوش انهم منتخب الحلفاء

دا اسمه منتخب مصر فى الصحف العالميه هتقول منتخب مصر موش
منتخب مبارك ياريت نبعد عن النقطه دى

انا كتبت الكلام دا علشان انا شايف على الفيس بوك كلام موش محترم(شتيمه) والفاظ
موش من اخلاق شعب مصر والموضوع كتر وكبر بسرعه جدا وانا زعلان جدا جدا
زى ما قولت دا اسمه منتخب مصر وثانيا الناس دى عندها اسر واطفال
وبلاش تجريح ياريت نقف جنبهم بصرف النظر عن اللى حصل من الجهاز الفنى وبعض
اللاعبين
واعتقد ان الكل هنا عارفين موقفى من النظام السابق واتباعه

والله صح فعلا يا احمد
انا زعلت جدا من هزيمه المنتخب
حتى لو انا مش مبسوطه من ناس فيه
بس دا اسمه منتخب مصر
منتخب بلدى
ازاى بعد الثوره عشان مصر اشتم فى حاجه بتحمل اسمها
وبعدين ليه الشتيمه بقت منتشره قوى اليومين دول
عيب دى مش اخلاق مصر ولا اخلاق الميدان اللى كان زى المدينه الفاضله
يا جماعه ياما فرحتوا مع المنتخب
فى اوقات كنا بنحلم بلحظه واحده نفرح فيها
عيــــــــــــــــــب كده
وفعلا هو مش منتخب مبارك ولا غيره ولا حتى منتخب شحاته الناس بيتمشى ومصر هى اللى باقيه
وفى النهايه المنتخب مصرى مهما يعدى عليه اشخاص مبنحبهمش
شكرا يا احمد
خلتنى اقول اللى غايظنى هههههههههههههه

السلام عليكم ورحمة الله وبركاته

فعلا يا ايمان معاك حق فى كل كلمه
ياريت الناس تعرف كدا
شكرا على مرورك الجميل
نورتى

معاك يا احمد فكل كلمة
انا كل مرة المنتخب يخسر فيها بزعل وبتقهر واحتمال اقول يمشو بس فنفس اللحظة بقول لا دول ولاد بلدى مصريين من اول حسن شحاته لحد اصغر واحد فالمنتخب مبقدرش ازعل منهم ولا اشتمهم والله حتى لما خرجنا من كاس العالم مقدرتش اشتمهم
حاجة جوايا دايما بترفعهم لأعلى الدرجات لانهم ياما فرحونا فالوقت اللى كنا بنحلم بس نكسب فماتش واحد من البطولات اللى خدناها كلها
وكلنا عارفين من اول بطوله 2006 هنا فمصر كنا قبلها بنقول ايه والعالم كله كان بيقول علينا ايه والمنتخب خلانا بعدها نقول ايه وخلى العالم كله يتكلم علينا ازاى ونظرة الدنيا كلها تتغير لمصر ومنتخبها ازاى
اللى اقدر اقوله ان قدر الله وماشاء فعل ومهما حصل ومهما كان دول مصرييــــــــــــن بصرف النظر عن اى حاجة واى انتماء مينفعش نجرح فيهم ولا نهينهم
ولازم نقف وراهم وقت الخسارة زى مابشيلهم فوق راسنا فوقت المكسب
المصريين عمرهم ماكانو ناكرين الجميـــــــــــــل
تسلم يا احمد على الموضوع المهم اوى ده واللى جه فوقته
دايما متميز ومبدع يا احمد تسلم ايديك

السلام عليكم ورحمة الله وبركاته

ولازم نقف وراهم وقت الخسارة زى مابشيلهم فوق راسنا فوقت المكسب
المصريين عمرهم ماكانو ناكرين الجميـــــــــــــل
كلامك اللى اجمل والله يا ريم ودا فعلا اللى المفروض يحصل
ومتشكر على ذوقك ديما يا ريم
نورتى

تسلم الايادي
موضوع جميل

السلام عليكم ورحمة الله وبركاته

شكرا على المرور الجريحه السمراء
نورتى

عندك حق والله ف كل كلمة قلتها
احنا بردو لازم ييجى وقت علينا ونخسر لانها طول عمرها
مكسب وخسارة والمفروض دة يكون من اوائل التغيير اللى فينا
تسلم يااحمد للــلفتة الجميلة دى

السلام عليكم ورحمة الله وبركاته

الله يخليك يا مروه
متشكر على المرور الجميل