السلام عليكم ورحمة الله وبركاته

شوفتى \ عرفتى \ اتأكدتى
قد ايه اني بحبك

ختي بالِك لما كنت أقولك
إنِك حبيبتي

كنت أحب ديما
إني اقولهالك على طرقتي

ايو صح كنت ديما عالطول مِكشر

معرفش فى الحب إني اهزر

اعمل ايه إذا كان مبعرفشي اعبر

لما بشوفِك
كلمتين على بعض ليكى
إنى اكرر

امسك ايديا واعمل فيها
إني بدوُر

عذبتيني بحبك وقالولي
من سُكات يلا ارحل

اعتبِك على السُكات
اللى طعمه كان مِرَر

سنين طويله قولت
إنى عالبعد هاقدر

وسُكاتك فى الاصل
اصله مُبرر

بس مين اللى عالذل يتحمل اكتر

ولما نديتى \ قام شبابك
قام شعبك يقول عالظلم
الله اكبر

شوفتى \ عرفتى \ اتأكدتى
قد ايه إني بحبك

ختى بالك لما كنت غرقان فى دمي

كنت من الالم و الفرحه بضحك
اصلك عذابي وكل همي

قُومت و اتسندت على دراع اللى جنبى

قال كفايا بزياده يا بني

ضِحكتْ من الالم والدمعه تقوله
لا يا عمي

انا جاي النهادره اغسل بالدم ذنبي

ابوس ايديها احضن عنيها
ما هى اللى فى الاصل شايله
كل يوم همي

شوفتى \ عرفتى \ اتأكدتي
قد ايه إني بحبك

مخلصتش كلامي لقيته فى ثانيه مرمى جنبي

فجأه لئيت روحى فى دنيا تانيه

فكرت روحي راحت للى خلقها

بس الروح ليكى بسبع تِرْوَاح

وأمي كانت ديما تقول
عمرك طويل

ربنا يجعله ديما عيد فى عيد

موش عارفه إني ليكى
كانت ثانيه وابقى شهيد

فتحت عينيا عالدنيا تانى

قولت راح فين اللى كان واقف جنبي

ولا واحد فيهم بَصِلي
والكل دارى عينيه عني

مشيت جريت لحد الميدان
انادي عليكى
واقول
انا ليكى بغنى

سمعتى صوتي اللى موش واصل ولا
مِسَمعْ حتى اللى جنبي

كنا قبلها فى النهار واحنا قعدين
نسئل بعض
منين الاستاذ يقولك
مصري

طب الاصل منين يقولك مصري

منين فيها يقولك مصري

شوفتى \ عرفتى \ اتأكدتى
قد ايه إنى بحبك