مبارك - فتحى سرور - الوليد بن طلال - فساد توشكى

السلام عليكم ورحمة الله وبركاته

بكل وقاحه واستمراراً من قيادات فساد النظام السابق فى محاولة اخفاء
كل اركان جرائمهم الجنائيه والمدنيه والاجتماعيه بكل الطرق سواء
بطريقة الهجوم خير وسيله للدفاع او بغسل ايديهم من النظام السابق
والهجوم عليه وكأن كلا منهم كان يعيش فى كوكب اخر
فتحى سرور
فى الايام الماضيه خرج كام مره فى وسائل الاعلام المختلفه سواء
تليفزيون او اعلام مقروء وشاركت معه فى محاولة منها لتلميع صورته
جريدة المصري اليوم(رأى شخصى)بعرض مقابله معه على ثلاث حلقات
وملخص كلامه الغير مسئول بالمره (والغير محترم)لأنه بذلك يقول انتم
شعب مغفل فكل اعمى واصم وطفل وحيوان يدركون ويعرفون حجم
الفساد الذى شارك فيه سرور بتمريره القوانين المفصله سلفا لحسب
بعض الاشخاص
وهذا مثال ومن اكبر مشاريع الفشل والفساد فى تاريخ مصر
مشروع توشكى
اولا بعد ان وافق مبارك على عقد الوليد بن طلال مع وزارة الزراعه
وهذا العقد الوليد بن طلال هو من كتبه بنفسه طبقا للدستور يرفع
العقد لمجلس الشعب للموافقه او الرفض عليه شكلا فقط
بالطبع اطلع فتحى سرور على بنود هذا العقد قبل طرحه للاعضاء
للمناقشه وهذا بنود العقد

وتحدث خبراء واناس من كل الاطياف بعد الكشف عن بنود هذا العقد
انه يمس بالسياده المصريه يعنى بلغتنا العاميه كدا(ضرب على
القفا) اسف على التعبير لكن هذا ما كان يفعله النظام السابق
ومنها
عدم تضمين العقد نصا يفيد خضوع الشركة لأحكام القانون رقم ١٤٣ لسنة ١٩٨١
بشأن الأراضى الصحراوية فى حين تم تضمين هذا النص عقدى شركتى

جنوب الوادى للتنمية الزراعية والمصرية لاستصلاح وتنمية الأراضى
ومنها تضمين العقد نصا يقضى بأن جدول تنفيذ تطوير المشروع سيكون بناء على مطلق إرادة
الوليد بن طلال وسيتم إعلام الطرف الأول بهذا الجدول فى الوقت المناسب

وذلك بالمخالفة للأحكام العامة التى تضمنها القانون
ومنها لم يتضمن العقد أى شروط جزائية للتأخير فى الاستصلاح والاستزراع
أو تحديد أى فترة زمنية للانتهاء منهما
ومنها لم يتضمن العقد أى شروط جزائية فى حالة التأخير فى سداد الأقساط وكذلك
الفوائد الواجب إضافتها كعائد استثمارى يضاف إلى قيمة القسط أسوة بما تم تضمينه بعقدى
الشركتين التابعتين للدوله
انفرد هذا العقد بالنص على حق الشركة فى إدخال شركاء آخرين فى ملكيتها وعدم خضوعها
لأى قيود تنظيمية أو إدارية أو أى حظر فيما يتعلق بحقها فى التأجير من الباطن
أو التقسيم الجزئى أو بيع الأرض فى حالة موافقة الطرف الأول على بيعها

ومنها انفرد هذا العقد دون غيره من العقود التى أبرمتها الهيئة مع غيرها من الشركات
بنص يقضى بعدم خضوع الطرف الثانى لأى قيود تتعلق بالحجر الصحى، بالإضافة إلى
حق الشركة فى استيراد أى فصائل أو أنواع نباتات وبذور، أو حيوانات أو أى مدخلات
مطلوبة دون موافقة رسمية موثقة من الدولة، «بند العمليات الزراعية بملحق العقد - ص١١

ومنها لم يتضمن العقد أى أحكام تلزم الشركة بتركيب محصولى يتفق مع خطة الدولة
فى سد احتياجاتها من المحاصيل الزراعية، ولا بنوعية المحاصيل التى
تتناسب مع الموارد المائية بالدولة

هذه النقاط السبعه كشفها جودت الملط رئيس الجهاز المركزى للمحاسبات وبعث
ب 9 تقارير لمبارك ومجلس الشعب ورئاسة الوزراء والوزارء المعنيين
كما انه ارسل بمذكرتين عاجلتين الى مبارك بتاريخ
الأولى فى ١٠/٧/٢٠٠٦ والثانية فى ٩/٧/٢٠٠٨

حيث اوضح المستشار جودت
العيوب الفادحة فى نصوص العقد الذى أبرمته الهيئة العامة لمشروعات التعمير
والتنمية الزراعية مع شركة المملكة للتنمية الزراعية
وفى المذكرة الثانية أوضح رئيس الجهاز أن معدلات الاستزراع بالشركة مازالت متدنية للغاية
وتمثل حتى شهر مايو ٢٠٠٨ نسبة واحد فى المائة فقط من الأراضى المخصصة للشركة
مع عدم التزام الشركة «شركة المملكة للتنمية الزراعية» بالبرنامج الزمنى الذى سبق أن تقدمت به

ملحوظه المساحه التى زرعت حتى الان من المساحه الكليه التى استهدفها هذا
المشروع (600)الف فدان زُرع (3000)الاف فدان فقط
زرع منهم الوليد بن طلال 600 فدان من 100 الف فدان
بمعنى اننا بالمعدل التاريخي دا اننا نحتاج الى 2400 سنه
كى نحقق اهداف هذا المشروع
وربنا يعطينا ويعطيكوا طولة العمر

مبارك كان عاوز يعمل مشروع قومى يمجد فيه نفسه علشان يمسح
تاريخ عبد الناصر والسادات فى مكان يستحيل فيه التنميه

ياللى اتحرمتوا من رغيف العيش روحوا اسئلوا عن مليارات توشكى

ستة مليارات جنيه انفقتها الحكومات المتتاليه على مشورع توشكى
وعجبى

وياما لسه هنشووف
مهما سرور يتكلم محدش هيصدقه
ورغم انى بحترم المصرى اليوم جدااااا بس استغربت من الحوار دا قوى

اما مشروع توشكى بقى
فده عامل زى القلم اللى الشعب اخده
ازاى مشروع زى دا بعد السنين دى كلها ومش حقق اى حاجه من اللى كان بيتقال عليه
وتنميه ومش هنحتاج نستورد قمح تانى وكلام كتير عيش الناس فى اوهام وبس
وكمان المفروض مشروع زى دا يبقى للمصرين ماله الوليد بن طلال بيه
وحتى لو هياخد ارض تبقى تبع القانون المصرى
بس نقول ايه بقى يا احمد
كله كان سلطه
وطالع فى الاخر سرور اللى هو اسم مش على مسمى خااالص
بيحاول يبرأ نفسه بس خلاص الكلام دا مبقيناش ناكل منه
ربنا المنتقم

ربنا مش هيسيبهم ان شاء الله يا احمد
هما فاكرين حتى لو القضاء هنا معملهومش حاجة وطلعو منها هيعدو لا طبعا دا ربنا انتقامه كبير اوى
وحقنا كلنا مش هيضيع ابدااااااااااااااا وهناخده من عنيهم باذن الله
احنا زى مانكون كنا نايمين فى سبات عميق وصحينا منه بس المرة دى مش زى كل مرة
الكلام الكتير اللى بقالنا اكتر من تلاتين سنه بنسمعه وشبعنا منه مبقاش يجيب معانا خلاص احنا حتى لو كنا نايمين بس الحمد لله صحينا وخلاص اللى فات مش هيرجع ولا هيتكرر تانى ابداااااااااااااااااااااااا
دول يدعو ربنا ان الانتقام يجى هنا فالدنيا وبردو ربنا مش هيسيبهم فالاخرة بس عذاب الدنيا اخف كتيييييييييييييييييير من عذاب الاخرة
ودول ان شاء الله يعنى اخرتهم هتبقى سودة على دماغهم هما واللى زيهم من المفسدين واللى بوظو وخربو فمصر ربنا ينتقم منهم
تسلم يا احمد عالموضوع

السلام عليكم ورحمة الله وبركاته

شكرا يا ايمان شكرا يا ريم على المناقشه الجميله
نورتوا
على فكره يا ايمان جريدة المصري اليوم موش اسم على مسمى
بالنسبه لي انا بعتبرها جريده منافقه وان ظهر العكس من وقت طويل

وفعلا يا ريم احنا موش نفرط فى حقنا تانى ابدا

فتحى سرور هو رجل القانون اللى كان بيفصل القانون على قد مبارك وعيلته ومصلحتهم ......نصدقه ازاى

السلام عليكم ورحمة الله وبركاته

متشكر على المرور الجميل دا يا روبي
بس تقولى لمين ومين يسمع
نورتى