فى أول تسجيل صوتى له بعد التنحى.. مبارك لقناة "العربية": لا أمتلك أنا أو أسرتى أية أرصدة أو عقارات ف

فى أول حديث صوتى له بعد تنحيه فى 11 فبراير الماضى عن منصب رئيس جمهورية مصر العربية، قال حسنى مبارك، فى تسجيل صوتى بثته قناة العربية، أنه تألم كثيراً مما سماه "الحملات الظالمة التى اعتبر أنها تسىء له ولعائلته ولتاريخه العسكرى".

وتابع "لقد آثرت الابتعاد عن الحياة السياسية متمنياً الخير لمصر.. ولكنى لا أملك أن ألتزم الصمت أمام الطعن فى سمعة ونزاهة أسرتى.. ولقد انتظرت على مدار الأسابيع الماضية ليصل النائب العام المصرى إلى الحقيقة التى تفيد بعدم ملكيتى أى أموال أو عقارات أو حسابات بالخارج".

وأضاف "قررت الموافقة على التقدم بأى مكاتبات أو توقيعات تمكِّن النائب العام المصرى بأن يطلب من وزارة الخارجية الاتصال بدول العالم، والتأكد من ذمتى وذمة زوجتى.. ليتأكد الشعب المصرى من أن رئيسه السابق لا يمتلك إلا أرصدة وحسابات فى بنك داخل مصر".

وأوضح حسنى مبارك، الذى تم خلعه إثر ثورة 25 يناير، "موافق على تقديم أى مكاتبات للنائب العام للاتصال بالخارج لاتخاذ الإجراءات المناسبة للكشف عن أننى وزوجتى أو أى من أبنائى لا نملك أى أصول عقارية بشكل مباشر أو غير مباشر".

وتابع "بعد انتهاء التحقيقات التى تجريها النيابة العامة أؤكد أنى سأحتفظ بحقى فى مقاضاة كل من تعمد الإساءة لى ولأسرتى فى وسائل الإعلام العالمية والمحلية".

بعد عن ما يحدث الان فى مصر
يا جماعه الراجل دا لو طلع فعلا زى ما بيقول كد مظلوم
والله هنندم باقى العمر عليه

مش وقتها الكلمة اللي قالها انهاردة فين الكلام ده من شهرين

لو طلع كلام ميارك صح
بجد تيقى الناس ظلمته والله وهيندمو كتير
يلا احنا مستنيين وكلها ايام وكل حاجة هتظهر

شكراا على المتابعة

صح ايه انت وهو

قال عائله شريفه قال
.سؤال بقى لولبى هل يعقل ان رئيس الحراميه مش حرامى ؟؟.
.ذكريا عزمي مش حرامي
احمد عز مش حرامي
حبيب العادلي مش حرامي
احمد نظيف مش حرامي
جيمي مش حرامي
سرور مش حرامى
...الراس الكبيره مش حرامي .

لو هو مش حرامى مين الحرامى احنا

مستنى بقى بكره خطاب من عز وسورو وصفوت
ونطلع احنا اللى نهبين البلد

.لو كنتم اجتهدتم زى جمال كنتم حوشتوا من مصروفكم زيه .

ـــــــــــــ

قالولو للحرامى احلف قالهم ايوها الاخوه المواطنون

ـــــــــــــــــــــــــــ
.بعض الناس بتقول ارحموه ده كبير صعبان علينا
والمخلوع ليه مرحمناش ليه مصعبناش عليه
ليه مصعبناش عليه لما قتل فينا
ليه مصعبناش عليه لما سرق ونهب فلوسنا
ليه مصعبناش عليه لما اكتر من 48% من المصريين تحت خط الفقر
ليه مصعبناش عليه لما اكتر من 2000 واحد ماتو في العباره وهو راح تدريب المنتخب بيضحك
ليه مصعبناش عليه لما خرب ودمر مصر وبقي كنز استراتيجي للصهاين
ليه وليه وليه .......
اقسم بالله انا بكرهك ككرهي لليهود.

.كنا متوقعين منك شيء جديد
انك تعتذر ولكل فلوسنا تعيد
كلامك هو هو بنفس النمط والتحديد
زي ما انت ما اتغيرتش لساك عنيد
زي ما انت جبار وقاسي وعربيد
نفس اسلوبك شده وحزم وتهديد
انت ايه ماهمكش الف شهيد
انت ايه مالك في قلبك حجر اكيد
انت ايه مالك احساسك حديد
زي ما انت في ضلالك وكدبك تقول وتعيد
هو ايه اللي بيجري في عروقك وفي الوريد
استحاله يكون دم اكيد صديد
فوق يا مبارك اتكشفت الاعيبك يعرفها الوليد
فوق يا مبارك كلامك فارغ مش سديد
ايامك خلاص معدوده وعذابك اليم شديد.

والله انا مع اياد فى كل كلمة قالها

امال اوروبا وسويسرا وبقية الدول جمدوا ارصدة مين ؟؟؟؟؟؟ الهوا

وكان فى مستدنات بتثبت كدة

احنا مش عايزينوا يتحكم علية بالموت وهو كلة على بعضة يومين وهودع

بس يرجع الاموال اللى اتنهبت

والى يحرق الدم انة لسة لية لسان يتكلم بعد كل اللى حصل

حاجة فعلا تحرق الدم والمرارة

اوعى حد يقول احنا هنندم............ابدا الثورة دى كشفت المستور و المستخبى

واللى واراء الستار احنا نحمد ربنا ونشكرة.......ولسة هنسمع مصايب تانية....اوعى حد يندم انة

تنحى.

وشكرا

تمام اياد و تمام موخ

بس ليا رجاء أخير

سيبوا الايام نشوف فيها ايه و اكيد ربنا هيجيب لينا حقنا و مش هيضيع سواء كان صادق او كاذب

ارحمو عزيز قوم ذل

تحياتي

يا جماعه
الراجل دا حتى لو مش حرامى مثلا
فهو مسؤل عن انه كان مش شايف شغله صح
وسايب شلته تنهب البلد
كلكم راع وكلكم مسؤل عن رعيته
دا اذا كان مش متفق معاهم اصلا

» صحيفة اخبار لاعبينا المصريين المحترفين بالخارج
» أبوسعدة: يمكن تسجيل محاكمة مبارك وإعادة إذاعتها بعد انتهاء الجلسة
» عقارات الإسكندرية تواصل الانهيار:

فى أول تسجيل صوتى له بعد التنحى.. مبارك لقناة "العربية": لا أمتلك أنا أو أسرتى أية أرصدة أو عقارات ف

فى أول تسجيل صوتى له بعد التنحى.. مبارك لقناة "العربية": لا أمتلك أنا أو أسرتى أية أرصدة أو عقارات ف

مواضيع مماثلة

مواضيع مماثلة