هل فاقد الشىء لا يعطيه حقا ؟؟ .......للنقاش

السلام عليكم ورحمه الله وبركاته
ازيكو يا جماعه ؟؟؟؟
كنت بفكر كده مع نفسى وفضلت اجيب كل عيوبى وكتبتها ف ورقه
وحاولت اشوف هتتصلح ازاى ؟؟؟!!
جبت كل عيب وحاولت بردو اشوف انا بتعامل بيه مع الناس ازاااااااااااااااااى ؟...وده ممكن يدايقهم ولا لأ
والاهم من كده
هو انا ممكن انصح حد يعمل عكس العيب ده واكون انا مصلحتش العيب ده فيا الاول !!!!
بصراحة
لقيتنى فعلا بعمل كده !!
استغربت جداااااااااااااااااااااا
ازاى انصح حد بحاجة وانا مبعملش بيها !!
طب ليه مبقوش لنفسى
طب وجملة " فاقد الشىء لا يعطيه " دى لزمتها ايه بقى ؟؟؟؟
دايما نقول انها صح مليوووووووووووون ف المية
طب ازاى هننصح حد بحاجة واحنا معملنهاش لنفسنا الاول ؟؟ او يمكن حاولنا كذا مره بس لسه متصلحتش !!
طب ازاى احنا كشباب مثلا بنعمل اكيد تصرفات غلط طب ازاى لما هنكون اب وام هنربى ولادنا ع الصح واحنا مش بنعمله ؟!!!!
والله دى مشكلة فعلااااااااااااااااااا
طب مثلا الطفل اليتيم ..هل هيقدر انو يدى حنان وطيبته للناس ولاولاده ؟؟ بالرغم انو اتحرم من الاحساس ده ؟؟
..
طبعا انا بفضولى مسكتش عن التفكير ههههههههه
فضلت اجيب كتب واشوف الموضوع ده ودخلت ع النت دورت كمان
فى بعض المحللين النفسيين شايفين ان ممكن يكون فاقد الشىء يعطيه وكمان ممكن يعطيه بشده لانو بحرمانه منه بيحاول يأثر ع اللى حواليه بشكل ايجابى تعويضا للنقص ده
وابسط مثال ليها "اليتيم " بيحاول يتعامل برقه وحنان اكتر يمكن من الناس العاديين لانه اتحرم من النعمة دى من اهم اشخاص ف حياته لانه مفتقدهم
رأى تانى قاله محللين تانيين : ان فاقد الشىء لا يعطيه وده لانو ميقدرش يأثر ف الناس بحاجة وخاصة لو حاجه ايجابية وهو مش عنده الحاجة او الصفة دى
وابسط مثال ليها بردو الانسان اللى معندوش قدر كافى من الاحترام اكيد مش هيعرف يغير شخصية واحد للاحسن او يعلمه قيم واخلاق تفيده
...
ويبقى السؤال ليكم
هل فاقد الشىء يعطيه أم لا يعطيه ؟؟؟

ياريت يكون فى مشاركة يا تريكاوية
أميره

موضوع جامد جدااا ياميرو بيحيكى عليه

تختلف وجهات النظر
تجاه هذا المثل من شخص لآخر فلكل إنسان وجهة نظره سواء كانت صح أو خطأ .

أي إنسان يستطيع العطاء مهما كانت
الصعاب أمامه إذا توفرت الإرادة القوية والإيمان
بتحقيق الهدف, لننظر لإنسان فقد حنان والديه منذ صغره وعاش وكبر وأصبح له

أسرة وأطفال سنجده
يفيض حنانا وحبا لهم لأنه عرف معنى الحرمان فكان سبب حرمانه دافعا لعطاء أكثر.

إنسان فشل في إدارة عمل ما وضاقت
الدنيا في عينيه فهل ستتوقف الحياة ؟ أم سيكون هذا
الفشل دافعا لبذل مجهود أكبر وتطلع لنجاح أكثر من ذي قبل فيكون

ذلك الفشل سبب للنجاح والتفوق.

هذه أمثله بسيطة جدا من الحياة
المليئة بحياة الأبطال الذين كان تعثرهم سببا لتفوقهم
ونجاحهم, يستطيع الإنسان أن يستفيد من أخطائه وفشله ولكن يحتاج لقوة

إرادة تدفعه
لمواصلة الكفاح والوصول لغايته مهما طالت.

ودوى فى حياة معظم
المشاهير في أي مجال فسوف تجدين أن سر نجاحهم هو التعثر أو ربما الفشل ثم النهوض
بعزم وصبر فتحققت أمانيهم

إذن فاقد الشيء لا يُعطيه مثال يقوله ضعاف النفوس ليبرروا سبب فشلهم.

فاقد الشئ لا يعطيه
لان فى حاجات ممكن الواحد يفتقدها مايقدرش يعطيها

بس انا عجبتنى فكرة الورقة والقلم وكتابة الاخطاء اللى بنعملها زى ما اميرة عملت فكرة جميلة جدا خصوصا فى التوقيت ده احنا محتاجنها عشان نعرف اخطأنا ونفكر ازاى نصححها
عشان بلدنا تبقى احسن لازم نحاول نصحح اخطأنا
ونغير من تصرافتنا الخاطئة

السلام عليكم ورحمة الله وبركاته

اولا بحيكى يا اميره على الموضوع الجميل دا

تاني حاجه انا رايي انو ممكن دا يحصل بس دا بيرجع للشخص نفسه
هل هو انسان عارف انو اللى حصل معاه مكتوب ومقدر ولا هيقول
انا مقدرش عطى حاجه اتحرمت منها
ولنا فى الرسول محمد صلى الله عليه وسلم خير وافضل قدوه
مات اباه وهو فى بطن امه وماتت امه وعمره 6 سنين
ومع ذلك وهب عائلته واصحابه بل واعدائه الحب والحنان
اللى اتحرم منه

اولا ده شرف ليا ان التوبيك عجبكوووووووووو ميرسي اوى لردودكو
انا متفقة مع اياد ف رأيه جدااااااااااااااااااا لانى شفت مواقف زى دى كتير وسعات كمان بتحصلى انا انى بكون مش عندى حاجة معينة بس بقدر اديها للناس ومش لازم يكون مش عندى الحاجة دى عشان اديها للناس
بصراحة يا محمود انا مش متفقة معاك كتير لان فى امثله كتير عكس كده وزى ماقلت اقربها "اليتيم"
بس ميرسي ليك وده طبيعى ان كل واحد فينا يحاول يصلح من نفسه
وعندك حق يا احمد جدا لانو لو فى تحدى واصرار اننا نقدر نوهب الحاجة دى لحد وهى مش عندنا هنقدر اوى بس يكون ع اقتنااااااااااااع
نورتوا التوبيك يا تريكاويه

فكرة التوبيك هايلة
المقولة دى نصها صح ونصها غلط زى ما انىتى قولتى حالات وحالات يعنى انا ممكن يكون عندى صفة معينة بس مبقدرش اوصلها للناس وافيدهم بيها او ممكن العكس انى اقدر اوصلهم حاجات يمكن متكنش عندى اساسا لان ده بيختلف من شخص للتانى ومن طباع واحد للتانى
ميرسي على المناقشة اللذيذه دى

تمام يا بسمة
عندك حق هى بتبقى ف حالات وحالات مينفعش نعمم المقولة او نفيها
نورتى التوبيك

Refresh

موضوع جميل جدا يا ميرا

انا من رايى ان فاقد الشئ هو الاقدر على اعطاؤه
لانه هيبقى حس بحرمانه من شئ معين وعرف قد ايه هو مهم فى حياته
واكيد مش هيبقى عايز غيره يحس بالحرمان زيه

مش عارفة اوصل فكرتى كويس لانى مش مجمعة بس حاولى تفهمى انا عايزة اقول ايه

تسلم ايدك يا حبى

Mohamed Makawey

انا اسفه رد حضرتك مش ظاهر مش عارفه حضرتك كتبت حاجة ولا ؟

لؤلؤة التريكاوية كتب:: موضوع جميل جدا يا ميرا

انا من رايى ان فاقد الشئ هو الاقدر على اعطاؤه
لانه هيبقى حس بحرمانه من شئ معين وعرف قد ايه هو مهم فى حياته
واكيد مش هيبقى عايز غيره يحس بالحرمان زيه

مش عارفة اوصل فكرتى كويس لانى مش مجمعة بس حاولى تفهمى انا عايزة اقول ايه

تسلم ايدك يا حبى

لا مفهووووووووم يا الوشا
تمام وصلت جداا
نورتى التوبيك =))

بيعطيه يا ميرو بيعطيه احسن من اى حد

و لما يكون ف عيب ف شخصيتك مش لازم تصلحيه عشان تنصحى حد
انتى بتنصحى باللى فيه الخير لعل اللى بتنصحيه ربنا يهديه بيكى
حتى المشاعر و اكبر دليل انتى عارفاه
انا مبحبنيش و مع ذلك بحبك جدا فعادى بتحصل

foaa zamalek كتب:: بيعطيه يا ميرو بيعطيه احسن من اى حد

و لما يكون ف عيب ف شخصيتك مش لازم تصلحيه عشان تنصحى حد
انتى بتنصحى باللى فيه الخير لعل اللى بتنصحيه ربنا يهديه بيكى
حتى المشاعر و اكبر دليل انتى عارفاه
انا مبحبنيش و مع ذلك بحبك جدا فعادى بتحصل

تمــــــام يا فوءا
وجهة نظرك وصلت
وانا كمان بحبـــــــك =))
نورتى يا حبى