السلام عليكم ورحمة الله وبركاته

باركولي اخويا دخل الجيش

كعاتى كل يومين بتصل بالاهل للاطمئنان عليهم وكمان الواحد
يشوف اخر مستجدات الوضع على ساحة الاسره ههههه
طبعا كلام جامد وكبير
المهم قالى الوالد انو محمد اخويا الاوسط هيدخل الجيش
محمد طبعا زيه زى كتير من الشباب رفض يدخل الجامعه
وكان فى ثانويه ازهرى علمى فقرر انو يدخل معهد خاص
سياحه وفنادق
ماهو التعليم موش جايب همه وملايين على القهاوى
ومئات ماتت فى البحر وكمان موضوع اخوه الكبير
واللى حصله مسيطر عليه شويه
المهم المعاهد الخاصه القوات المسلحه لا تعترف بها
ودخل محمد الجيش وانا فرحان انو دخل

طبعا ممكن حد يقول ايه البنى ادم دا اللى فرحان علشان اخوه
دخل الجيش
ودا الوضع اللى كلنا عايشين فيه واللى ميدخلش الجيش يبقى فرحه
عنده وعند اهله كبيره و فيه ناس تعمل ليله لله
موش عارف ليله وكمان لله طب ليه وعلشان ايه
هى الخدمه الجيش مصيبه ولا عار
الله يرحم ايام ما كان اللى يدخل الجيش الناس تزفه كأنه هيتجوز

فيه حاجات كتير فى حياتنا لازم نغير نظرتنا ليها بجد
وبجد انا فرحان والخدمه فى جيش بلدنا شرف وعزه

لكِ السلامة يا مصر وسلاماً يا بلادي
إن رمى الدهر سهامه اتقيها بفؤادى
واسلمي فى كل حين