بجد ياجماعة بقت مشكلة كبيرة قووووووووووووى عند ناس كتير جدا فى مصر

حكاية ان البنت لازم تتجوز من ابن عمها

لانه اولى بيها من الغريب

والظاهر ان الحكاية دى منتشرة بشكل كبير جدا فى الصعيد وفى بلاد الفلاحين

بس الحمد لله انا ليا ابن عم واحد واتجوز من زماااااااااااااان




مش عارفة ليه الاهالى بيفضلوا القرار ده رغم انه للاسف جواز القرايب

بيسبب مشاكل كتير فى العيلة



وممكن جدا ان الاهل يخسروا بعضهم بسسب جواز القرايب


انا اعرف بنات كتير قوى اتفرض عليهم القرار فرض

وهما مساكين مش قادرين يتكلموا ويقولوا لا

كانهم لو رفضوا هيتحكم عليهم بالاعدام شنقا


وبالرغم من ان البنات دى متعلمة وفاهمة الدنيا كويس

الا ان اهاليهم بيفرضوا عليهم القرار الصعب ده

من غير ميبصوا لبنتهم وحياتها اللى جاية وانها هى اللى هتتجوز مش هما


قد ايه الموقف ده بيبقى صعب فعلا على اى بنت


وللاسف محدش قدر يلاقى حل للموضوع ده

ولو فكرت البنت تقول لا الدنيا تتقلب فوق دماغها

ويقولوا عليها انها عاصية لوالديها


فعلا ربنا يكون فى عون كل بنت تتحط فى الموقف الصعب ده


ربنا يحمينا ويحميكم من الجهل وشره

ده نوع من الجهل الاجتماعى طبعا وياريت نقدر نتغلب عليه ومعظم المواقف دى بتكون من الناس اللى مش متعلمة او ومش واعية لانها تفكر صح
ربنا مع كل بنت تكون ف الموقف ده وياريت الاهل دول يحاولو يفهمو ان الدنيا اتغيرت والشباب اتغير وان تفكير ولادهم غير تفكيرهم تماما
ميرسي ع التوبيك يا جميل

كل شيء قسمه ونصيب
لكن معاكي حق في ان ده جهل وعدم فهم
تسلم الايادي يا شيماء

اتمنى ان صوتى وصوتكم يكون وصل لكل الاهالى الظالمين لبناتهم

وبقول لكل بنت وقعت فى المشكلة دى لازم تتكلم ومتسكتش عن حقها

ابدا وتطالب بحرية الاختيار زيها زى اى وحدة من بنات جيلها

وربنا يحمى شباب وبنات المسلمين

جزاكم الله خيرا

تسلم ايدك يا مشمش علي الطرح المميز ده
المشكله دي منتشره ف الصعيد بس اعتقد انها بدات ف الانتهاء ف الارياف

فعلا شئ مش كويس جدا لما تجبر بنت تتجوز واحد لمجرد انه ابن عمها
وكل المشكله ان الي بيعملوا كده بيبقي عندهم ايمان قوي جدا بالموضوع ده
شكرا يا شيماء لطرحك المميز ده
جزاكي الله خيرا