السلام عليكم ورحمة الله وبركاته

بحر الشمال

على بحر الشمال ياما عشت امانى واحلام كتير
/
منها اللى راح وخده الموج لبعيد بعيد
/
واحلام وامانى فضلت ترقص مع الموج الصغير
قدامى تزيد فى حيرتي وعذابي
/
ومنها اللى اتدارى فى عقلي من خوفي
ليروح لبعيد بعيد
/
ومنها اللى مات قبل ما يكون
حتى مجرد فكره
/
على بحر الشمال ياما رسمت ايديا
قلوب مجروحه ملهاش دوا
/
ووجوه ساكنه الذاكره سافرت
لبعيد بعيد تزورنا كل حين وحين
/
على بحر الشمال ياما رست سفن
ومراكب ناس نازله وناس يا بحر
بتودع ناس
ضحكه دمعه
بس الكل على وعد باللقا
/
على بحر الشمال ياما كتبت
حكايات تحكى زمن فات
ملهاش نهايه
يا بحر منتا اللى عارف
كل حاجه
انت اللى عارف يا بحر
/
فين الصداقه يا بحر لصاحب
غرق على شطك
بيدور على شئ مالوش وجود
عالى صوتك واصرخ
يا بحر
/
على بحر الشمال ياما نزلت دموعنا
على رمل شطه
دموع كتبت وحفرت قصتنا على
صخور شاطه
/
على بحر الشمال ياما جه علينا
الليل يواسينا ونغنى ونقسم
الجرح سوى

ونجوم ليلك يا بحر مخنوقه ضحكتها
دا القمر راح وغاب نوره