مرتضى منصور: نظيف يبكي في «طره» وعلاء وجمال مذهولان وعزمي قال«كنت عارف إنك جاي»

«ربنا نجانى من الأسر»، هكذا بدأ المحامى المعروف مرتضى منصور حديثه لـ«المصرى اليوم» عقب إخلاء سبيله على ذمة التحقيقات بعد 17 يوما من الحبس فى القضية المعروفة إعلاميا بـ«موقعة الجمل».. تختلف أو تتفق مع مرتضى منصور لكنه لا يتغير.. نفس وجهات النظر.. رؤيته للأح...داث كما هى لم يغيرها 17 يوما فى مزرعة طرة. اتهاماته للآخرين لا تتوقف.. بلاغاته تزداد يوما بعد يوم وصلت مثلا إلى 6 بلاغات ضد قاضى التحقيق، المستشار سامى زين الدين، المكلف بالتحقيقات فى موقعة الجمل. مرتضى يروى شهادته وهو القادم للتو من «بورتو طرة»، وكان جارا لـ«حكومة طرة» وعلى بعد خطوات من أعتى رجالات النظام السابق وعلاء وجمال، ابنى الرئيس السابق حسنى مبارك. وأعلن مرتضى ترشحه لرئاسة الجمهورية حال رفض أحمد شفيق، رئيس الوزراء السابق، الترشح.

يقول مرتضى: الأخبار المنشورة فى الصحف عن المحبوسين فى سجن المزرعة غير صحيحة.. أو أغلبها لا يمت للحقيقة بـ«صلة».. فلا صفوت الشريف عنده صحة يلعب كرة قدم ولا نظيف قادر «يحكم» بين فريقين فى مباراة لكرة السلة.. صفوت مش قادر يمشى وقابلته فى مسجد السجن ومتكلمش عن قصة سيدنا يونس وهو «فى بطن الحوت».. ولا خطب بالناس ولا كلم حد.. يادوب صلى ورجع للعنبر.. اللى اتكلم وروى قصة سيدنا يونس هو الخطيب، الذى أم الجميع يومها.. وبالنسبة لـ«علاء وجمال» فنظرات عينيهم بتقول كتير.. أنا متكلمتش معاهم نهائى، لكن كنت قريب منهم وهما فى ذهول مش مصدقين اللى حصل.. وحاسين إنهم فى حلم أو كابوس.. أحمد عز اللى سقطنى فى الانتخابات قاعد فى حاله داخل العنبر.. شافنى كام مرة لكن كان بيبص بعيد وأحيانا كان بيبص فى الأرض. أما المهندس أسامة الشيخ فهو حاسس بالقهر.. ده اللى ممكن أقوله عنه.

رئيس الوزراء الأسبق أحمد نظيف هو «الأصعب حالا» - الكلام على لسان مرتضى - الراجل بيعمل حاجة واحدة.. ليل ونهار بيبكى فى العنبر ومش بيكلم حد.. وأنا قالوا لى إنه اتكتب عنه فى الصحف إنه حكم مباراة كرة سلة.. والمباراة انتهت دون أهداف.. مع إنه مستحيل أن مباراة سلة تنتهى دون نقاط.. وكمان أصلا أصلا مفيش ملعب سلة فى السجن نهائى.. واللى كتب ده واضح إنه كان بيحلم أو «خياله واسع» لأقصى حد.. زكريا عزمى زى ما هو.. وأول ما شافنى قالى: عارف يا مرتضى كنت متوقع إنك تشرف هنا فى السجن يوم الثلاثاء أو الأربعاء.. أنا شفت حوارك لبرنامج «مصر النهارده» وهاجمت عصام شرف وقلت إنه صاحب «قبضة حريرية» وليس حديدية وأنا مش معنى إنه راح التحرير وهتف ياخدوه رئيس وزراء.. وأنا قلت الرجل ده يومين وهيشرفنا قريب.. حمد الله على السلامة.. وأنا فعلا دخلت السجن يوم الثلاثاء بالليل

ثانكس ع الخبر روبى
ويارب نشوف احكام عادله

[color=violet][b][b]ميرسى ياايمان نورتى
ان شاء الله