السلام عليكم
ازيكوا يا جماعه
ممكن ناس تزعل مني ف الموضوع ده
بس متزعلوش مني لاني مخنوق من الي بيحصل

لما كنا بنتسرق وبعض الاسر بتجوع وكله ملوش لزمه

كنا عايشين كويسين ومحدش يقدر يتكلم

ولما ربنا انعم علينا بالحريه والعيشه الهنيه
حصل كالاتي

1.الاسعار كانت عاليه بقت اعلي اكتر

2. السلفيين كانوا بيناموا بعد العشا بقوا بيناموا بعد الفجر

3. كل واحد عايز دلوقتي يعمل نفسه قائد مظاهره الي يطلع بورقتين
والي يطلع بخشبه عليه كتابه


معلش بقي الموضوع الي مدايقني

وهو السلفيين

ايه يا سلفيين مش انتو اللي كنتوا بتقولوا ملناش دعوه بالسياسه
وزم نفصلها عن الدين

مش انتو اللي كنتوا بتناموا بعد العشا وتقولوا سنه عن الرسول

خلاص طلعلكوا صوت
وبقيتوا بتخانقوا المسيحين وبقيتوا بتقتلوا

فين كلام الرسول
فين المحافظه علي اهل الذمه

وحده مش مسلمه لازم يعني تحرقوا عشان كده

حرام عليكوا
فعلا مينفعش فيكوا غير جمال وعلاء والعادلي
كانوا بيخرصوكوا
وعمرنا ما سمعنا عنكوا غير بعد ما هما اتزلوا



بجد انا مستاء من اللي بيحصل
والله واحد النهارده قايلي ولا يوم من يومك يا مبارك
مع انه كان كله شويه يهزء فيه

بس لما لقا ان الموضوع فيه خراب قال كده

ربنا يستر عليكي يا مصر

والله للاسف عندك حق
كلنا كنا فرحانين بالثورة وشايفين فيها فى بكره اه نجحنا ف تحقيقها بس نسينا ان زى ما كل حاجة ليها مميزاتها كمان ليها عيوبها
ربنا يستر علينا ويارب كلنا نجتهد عشان مصر مش ضد مصر
سلمت يداك
موضوع مهم

وهو المطلوب اثباته

الكلام ده كله بيحصل .. علشان الناس الغلبانة اللى زينا تطلع تقول فينك يا مبارك .. كان الامن مستقر وعايشين سمن على عسل

كانوا ناهبين كل حاجة وفى الظاهر كانوا بيعملوا شعارات وحدة وبتنجان وفى الحقيقة بيبقى طالع عينا .. وكان اى مشكلة بيداروها فى الحال

لكن اللى بتشوفه دلوقتى علشان بقى فى نزاهة فكل حاجة بتحصل بتوصلك اول بأول

وبعدين يا سيدى انت مفكر ان اول ما الثورة ما هتخلص هتلاقى البلد بقت فل والشباب كله اشتغل واتجوز

مفيش ثورة بتبان نتائجها فى اقل من سنتين

لازم نلاقى عدم استقرار ومشاكل .. المهم اننا نتصدى ليها ومنستسلمش ونصدق اى كلام بيتقال

مش احنا يا شعار اللى نقول الكلام ده .. انت نسيت ان العدلى هو اللى قتل فى شباب الثورة ؟؟

والله احنا شعب ب مليون رأي
مره نقول اهو غار مبارك وارتحنا منه ومره نقول ولا يوم من ايامك يا مبارك
معلش يا احمد اللي بيحصل ده مش سلفيين وبس ده بواقي من النظام السابق
كل يوم في الحلو والمر
لكن ايام مبارك وعلاء وجمال والعادلي وعز والناس دي بيتهيألي احنا لو بنفكر صح
هنفول ان ربنا كان واقف مع الشعب من غير ما حد يحس ان احنا كنا عايشين ناكل ونشرب ونام غيره كده مفيش
كنا بنتهان من كل الشعوب وكان اي كلام يتقال من امريكا واسرائيل كانت حكومتنا تقول علم وينفذ
يأذن واحد أحد الايام دي هتعدي علي خير
ومصر هتبقي احسن
بس احنا ندعي ونقول ربنا يحمي مصر من كل سوء
وشكرا ليك يا احمد

والله يا احمد ومن غير مكدب عليك
انا بدأت احس ان الثورة كانت غلط او بمعنى اصح اننا نطلع مبارك بالطريقة دى غلط

تخيل بقى بعد اللى عملته هنا وعلى الفيس وفى المنتديات التانية ارجع اقول كدة
يافضيحتى اللى بقت على كل لسان هههههههههههه

لا بجد والله فعلا انا حاسة اننا غلطنا
كان عندنا خطبة ابو بكر كان بيلقيها فى المؤمنيها لما مسك الحكم عليهم
كان بيقول فيها :ان احسنت فاعينونى وان اسأت فقومونى
والمعنى انه لو اساء نوجهه ونرشده ونحذره وده الاوووول
وبعد كدة لو تمادى نقوم بقى بشن المعركة عليه
لكن اللى احناعملناه ده غلـــــــــــــــط

تخيلوا بعد مرور كام شهر انتبه انى كنت غلط يلا مش مشكلة

المهم بقى مهما كان برده عمرى ماهقوم يوم من ايامك يا مبارك ده راجل زبااااااااااااااالة

شكرا يا احمد على التوبيك

السلام عليكم
يا جماعه الموضوع مش موضوع معاكم معاكم عليكم عليكم

البلد عمرها ما كان فيها حرق لاماكن العباده
حتي ايام ناصر والسادات

انا بنتقد السلفيين لان الي كان خارسهم العادلي
ولما اتسجن بداوا يخرجوا
وعملوا العار ده للاسلام

اه ايام مبارك وغيره ايام سوده
لكن مكنش فيها حرق كنايس
وعدم احترام للديانات الاخري


والله العظيم السلفيين دول هيخربونا
والنهارده حرقوا كنيسه بكره مش عارفين ايه هيحصل
واحنا معندناش ثقافه الديمقراطيه

احنا عاملين زي الواحد الي عايز يشرب ميه وواحد تاني بيشربه
بس بيديله الميه مره وحده ولو شرق يموت ملناش دعوه


وشكرا لارئكم الي علي راسي
بس البلد لو الجيش مش مسكها صح وبايد قويه
الشرطه ترجع قويه يبقي عليه العوض ف البلد