مشاهد من الحياه ... الحلقة ال 4

اهلا بكم اعضائنا العزاء في برنامجكم (تريكاويه اون لين )

وان شاء الله تستمتعوا معانا
فى برنامج .. للتريكاويه وبس..

معاكم اياد المصرى في..التريكاويه اون لين
مستنين تليفوناتكم علي الحلقه
لو حابب تفضفض من قلبك
ومش لاقى حد يسمعك...شاركنا
ولو مش قادر تقول المشكله ع الهوا مباشرااااااا
ابعت رساله خاصه
او علي ايميلى eyad_elmasrey@yahoo.com
وسوف يتم طرح المشكله بدون اسم.

ـــــــــــــــــــــــــــــــــــــــــــــ

مشــــــــــــــــــــــاهد من الحياه

الحلقه النهارده مختلفه شويه وطبعا واضحه من الاسم.. لان زى الحلقات السابقه كنا بنعرض مشكله عامه فى جيلنا

المره دى معانا مشكلتين من مشاكل الحياه ولكنها تعبر حالات نارده لكن بتحصل

ــــــــــــــــــــــــــــــــــــــــــــــــ

ومعانا اول مشهد من مشاهد الحياه

:: ياتره هتكمل ولا هتراجع نفسك ؟؟
"" فتاه جامعيه علي خلق تعرفت علي شاب زميل لها في الجامعه
من خلال تبادل الحوار علي منهج الدراسه
(( يعني كان حوار مش من باب التعارف ))
المهم اتكلموا مع بعض اكتر من مره واكتشف كل واحد فيهم انه بيهتم بالاخر
وعلي حسب كلام البنت ان الولد مثال للطالب المجتهد جدا ملتزم بحضور كل المحاضرات تقريبا
وبيشجعها ع كده زائد انه محترم جدا وبيخاف عليها جدا جدا ارتبطوا ببعض اتعهدوا انهم يحافظوا علي علاقتهم
اتعهد انه هيحافظ عليها بافضل شكل ممكن ويحترمها الي ان تمر سنوات الدراسه
(( يعني يا عالم باللي هيحصل بعد كده ))
عرفت والدتها بعلاقتهم اتعهد هو لوالدتها انه هيحافظ عليها ع قد ما يقدر
(( مفيش مقابلات خارج الجامعه ... كلام في التليفون للاطمئنان ))
وبالفعل مرت سنوات الجامعه وهما ملتزمين جدا
حان وقت الاخذ بخطوه ايجابيه لتتويج علاقتهم

طلب منها انه يتقدم ... بلغت اهلها ووالدتها رحبت جدا لحسن اخلاقه
ولكنه طلب منها ولاول مره منذ ان عرفها ان يتقابلا بالخارج في اي مكان هي تختاره
لانه يجب ان يبلغها شئ مهم علي اساسه تقرر هي
وكانت المفجأه ....

هذا الشاب

بني نفسه بنفسه اشتغل ليكمل تعليمه (( مش عيب دي ميزه اكيد ))
احترم علاقتهم وحافظ عليها (( دي ميزه تانيه ... صعب نلاقيها دلوقتي ))

ولكن فيه حاجه مهمه تنقصه

هذا الشاب هيتقدم لاهلها بمفرده

.
.
.
.
.
.

ليه ؟؟
لا أب ولا أم له
واتربي في الملجأ
البنت اتصدمت ولكن ليس في اخلاقه

طيب هو
مش كدب عليها + احترم علاقتهم + حافظ عليها

لو حد فيكم مكان البنت سواء فتيات او شباب
هتوافقي انه يكون زوجك ابو اولادك تربيه ملجأ . .
هتوافق تكون مراتك تربيه ملجأ . .
مع العلم انه ده الشئ الوحيد اللي يعيب الشخصيه
هتقدر او هتقدري تواجهوا اهلكم والمجتمع وتتحدوا كل العواقب علشان الحكايه تكمل
هتقدروا تكونوا للشخصيه دي العوض عن الاب والام

ــــــــــــــــــــ

.كل واحد عنده سر جوه منه ومداريه
ميت حقيقه ومداريها عن اقرب الناس ليه
وانت اقرب حد ليا
يا حبيبى لو عليا كنت اقولك
بس خايف ايوه خايف واعمل ايه

كل ماجى عشان اصرحك فجاه انا بيمنعنى شوقى
ده اللى انا بنيته فى ليالى كل ده يتهد فوقى
كل ما اتقدمت خطوه فى لحظه برجع خطوتين
خايف احكيلك حقيقتى تيجى تسالنى انت مين

نفسى اشوف نفسى فى عينيك ان انا صعبان عليك
واللى فات من عمرى مات واتولدت انا بين ايديك

كل ماجى عشان اصرحك فجاه انا بيمنعنى شوقى
ده اللى انا بنيته فى ليالى كل ده يتهد فوقى
كل ما اتقدمت خطوه فى لحظه برجع خطوتين
خايف احكيلك حقيقتى تيجى تسالنى انت مين.

والله قصة مؤثرة فعلا

والمشكلة انه ياحرام مش ذنبه انه يتيم

انا شخصيا مادمت واثقة فى اخلاقه واحترامه وانه بجد شارينى

ممكن اوافق طبعا لانه مدام محترم هيعلم ولادنا الاحترام

ويربيهم على اصول دينية

لكن المشكلة كلها فى اهلى وانا واثقة انهم مش هيوافقوا على كدا

لانهم لما يفكروا يناسبوا هيناسبوا عيلة كاملة

لكن هو للاسف معندوش عيلة واعتقد دى هتكون عقبة كبيرة اوى

فى حياة كل شاب بيعانى من المشكلة دى

بجد موضوع ومشهد جميل جدا

دايما افكارك متميزة يااياد

جميل اوى يااياد موضوع االحلقه انهرضه
وللاسف اللى خلاه يمثل طول الاربع سنين دول ومش محسسها باى حاجه
ممكن تكون بردو الاخلاق والادب والكلام ده كلو تمثيل
ايه اربع سنين ضميرو مش وجعو انو يعترفلها
صعععععب اوى
مش عيب انو يتيم او تربيه ملجا بل بلعكس ده كافح ودخل كليتو وشكلو انسان ملتزم يعنى وغير ده كلو متربى من غير اب وام وفى منتهى الادب وربى نفسو بنفسو دى حاجه كبيره اوى بس للاسف كذب اربع سنييين لا وغير كده كلم امها بكل ثقه طيب ليه اخاف يكون الاخلاق والادب والكلام ده تمثيل
وفى نفس الوقت مش هقدر ابعد عنو دول سنين مش شهر ولا شهرين
صعب اوى
مش عرفه
العيب الوحد انو كدب عليها وكمان قدر يدارى كذبتو كل ده
انا اعتراضى مش على انو يتيم وتربيه ملجاء دى حاجه ملهوش زمب فيها
اعتراضى على ازاى قدر يدارى كل ده

حلقه متميزه جداااااااااااااااااا يااياد يامبدع
تسلم ايدك Exclamation

وارجع اقول علشان منظلمش الراجل بس
كويس بردو انو قالها قبل ميخطبها
مهو ملوش زمب فى كده ممكن يكون كان خايف تبعد عنو وده اكيد
وغير كده ربنا يعينو على الموقف اللى اعترفلها فيه ده
بردو مشكله صعبه
ولون لو بصنلها من ناحيه تانيه هنقول انو انسان عادى زى بقيت الناس يعنى ملوش زمب فى اى حاجه وغير كده متعلم ومحترم وملتزم وحافظ علها
والله منا عرفه بقى ربنا يعنهم على اللى هما فيه
مقدرش احكم الصراحه انا اتشتت
ميرسى يااياد على الحلقه المحيره دى ههههههههههه

اولا موضوع الحلقه كويس جدا
ثانيا
انا لو مكانها وشوفت الاخلاق والاجتهاد دا
اوافق طبعا واحاول اقنع اهلى يوافقوا
بس هو غلطان فى حاجه واحده بس
انه مقالش من الاول
كان ممكن قال وهى عرفت وفهمت مامتها
بس هو استنى للحظه اللى هيتقدم فيها
بس رغم دا برضوا
ميعيبوش اى حاجه
الانسان بنفسه مش هو ابن مين
______________________
ميهمناش اسمك واهلك موطنك ميهمناش
مدام خطاوى الناس مصاحبه خطوتك ميهمناش
دا اللى عاش للناس والخير سكته هو اللى عاش
قولى فعلك اصل فعلك هو اسمك هو اصلك
هو فصلك
_____________________
يعنى باختصار الانسان بافعاله
مش بهو ابن مين فى مصر

شكرا ع الحلقه يا ايدوووووووووووو

السلام عليكم ورحمة الله وبركاته

اولا وقبل اى حاجه انا مازلت عند رايي المتواضع
انك استاذ تحياتى وارفعلك القبعه يا اياد

تانى حاجه صحيح انا موش ناقد ولا حاجه بس انا ليا
تعليق صغير يا اياد انت قولت

"لو حد فيكم مكان البنت سواء فتيات او شباب
هتوافقي انه يكون زوجك ابو اولادك تربيه ملجأ . .
هتوافق تكون مراتك تربيه ملجأ . .
مع العلم انه ده الشئ الوحيد اللي يعيب الشخصيه"
رغم ان انت قولت كدا من حيث انك لمس الخطأ عند
الناس فى الحاله اللى انت وصفتها
لكن دا موش عيب ابدا ولا ينقص منه اى شئ اطلاقا
ومجرد اننا نقول هو او هى ملهمش ذنب فى دا
يبقى هو اهى بيتحملوا جزء من شئ ملهمش يد فيه

تحياتى يا اياد

انا من وجهة نظرى انه مش عيب خالص
هو ماترباش ف الشارع دة بردو اتربى ع ايد ناس
ومدام هو كويس ومحترم يبقى خلاص ماظنش
انها ممكن تكون محتاجة شئ تانى وهى متاكدة من دة
وكمان هو مكذبش عليها هو صارحها قبل كل شئ
يحصل بينهم فانا شايفة انها مش مشكله ولا حاجة

حلقة متميزة اوى يااياد تسلم

السلام عليكم
حلقة فى قمة الرررررررررررررررررروعه يا ايدو وحيات ربنا

انا بقى رأيى انه ملهوش ذنب فى اى حاجة ومفيش اى سبب تخليها متوافقش عليه
هو مش ذنبه انه طلع ملقاش لو اب ولا ام ولا اهل
وبعدين ايه المشكلة انه اتربى فملجأ
المهم شخصيته واحترامه واخلاقه وغير كدا قدر يكمل تعليمه ويوصل للجامعه دا احسن من واحد عندو اهل وطلع حشاش ولا صايع ولا فاشل فالتعليم واعتقد دول مليين البلد
وبعدين موضوع انه اتأخر على ماصارحها بيتهيألى بردو شخص زى ده اتحرم من باباه ومامته واهله خاف يقولها من الاول ليتحرم من الانسانه الوحيدة اللى حبها وحبته واعتبرها اهله وكل حياته وبعدين هو مستناش لما اتجوزو وبعدين قالها بردو قالها قبل اى ارتباط رسمى عشان مايبقاش خدعها
دا رأيى المتواضع وكل الاحترام لكل الاراء

موضوع راااااااااااااااااائع يا ايدو
وانت اكتر من رااااااااااااااااااااااااااااااااااااااااااااااائع ودايما بتخلينا مستمتعين بمواضيعك كلهااااااااااااااااا

والى اللقاء فالحلقة القادمة ههههههههههههههههههه

مشاهد من الحياه ... الحلقة ال 4 868544

كويس جدااااااااا انه قالها كل حاجة بوضوح وصراحة ومكدبش عليها ولا خبى عنها حاجة وده دليل انه فعلا محترم وكويس ومفيش اى سبب مقنع يخليها متوافقش هو حد لا قى ههههههه
مميز جداااااااااااا التوبيك
تسلم ايدك

نورتــــــــــــــــــــــــــوا والله ياتريكاويه

وبتشرف برد كل واحد والله

يعنى اعتقد اغلبنا موافق بالشخص وانه مش عيبه فيه واذا كان فى اعتراض جايز يكون من قبل الاهل بس

انا بردو راى مشابه لرائكم .
بصراحه انا مش شايف مشكله طالما محترم وعلى خلق وكان بيحافظ عليها
يبقى ايه المشكله
ممكن اوى انه يكون والده ووالدته متوفيين مش شرط حاجه تانيه
وكمان انا شايفه انه افضل من انها مثلا تتزوج من شاب محترم وليه شغلانه
كويسه وتكتش مؤخرا بان والده مثلا تاجر مخدرات او موظف مرتشى او اى حاجه مش
كويسه
وكمان المفروض ان اللى بيتربوا فى الملجأ دول بنى ادمين
واحنا بنى ادمين يبقى فين المشكله
وكفايه انه بنى نفسه بنفسه
انا لو مكانها وبفرض انى بقيم الموضوع فهو 9على 10 كل حاجه كويسه الا الحاجه ديه ولوانها مش تعيبه لانه اتولد لقى نفسه كده.

وده كان رائى

ــــــــــــــــــــــــ

ايمان ايه توافق الافكار ده هههههههههههههههههه
تعرفى انا كنت هحط الاغنيه دى بدل اغنيه كل واحد عنده سر

بس قولت اجيب الاول اغنيه كل واحد عنده سر هى لايقه اكتر وفى الحل احط الاغنيه بتعتك

بحيكى ايمو

ــــــــــــــــــــــــــــــــــــ

استاذى واخويا الكبير احمد مرعى

دايما كده حرجنى والله

بس زى ماحضرتك قولت فعلا
انا قولت عليه ان دى عيبه من وجهه نظر المشكله مش وجهه نظرى ابدااا

ــــــــــــــــــــــــــــــــــ

دومتم بود يااحلى تريكااااااااويه

ايمان ايه توافق الافكار ده هههههههههههههههههه
تعرفى انا كنت هحط الاغنيه دى بدل اغنيه كل واحد عنده سر

بس قولت اجيب الاول اغنيه كل واحد عنده سر هى لايقه اكتر وفى الحل احط الاغنيه بتعتك

بحيكى ايمو
_________________
هههههههههههه
شوفت بقرا افكارك اهو
اى خدمه
بس انا شفت ان دى انسب
تسلم يا ايدو

ناسف ع التاخير

نرجع ونكمل حديثنا .... انا كنت قولت ان معانا مشكلتين

الاولى وتم عرضها

اما الثانيه هى مش مشكله اوى بقدر ماهو زى ماتقولو كده كلام ع القهوه

يعنى فقره جديده معانا فى البرنامج وهى حوار مفتوح وهنعمل بقى احمد يونس و ع القهوه ههههههههههههههههه

وابدا بنفسى مااقدرش اقول مشكله نقول تجربه عشتها

ــــــــــــــــــــــــــــــــــــــــــ

.اخر اكبر مشكله واجهتني ..كانت لما بدأنا ف الحياه العمليه بجد.
شفت وجه تاني للتعامل بين البشر.
شفت ناس كنت فاكرها محترمه اوي بتكدب,بتهرب من المواجهه,بتخاف تتحسد ولو
علي اقل حاجه ولو من اقرب صديق,شفت حاجات كتير مكنتش اتوقعها...
لاول مره اشوف بعنيا ازاي واحد يدوس علي اي حد حواليه في سبيل انه يظبط
نفسه ف شغل وكمااااااان شغل مؤقت مش ثابت.يعني عشان اتفه الاسباب..
شفت ناس نسيت ان الرزق علي الرازق.وان الناس ماهي الا مجرد اسباب ف تيسير الحصول علي الرزق..
ف الاول اتصدمت ومكنتش مصدق ان فيه ناس المفروض انها فاهمه الدنيا الي حد
كبير تعمل كده..لكن لما استوعبت الموضوع..استهوتني حاجه تانيه خالص..بقيت
عندي هوايه الفرجه علي ردود افعال البشر اللي حواليا..مش بتفرج عليهم بنظره
المنتقد(لا سمح الله).لكن بتفرج عليهم بنظره المتفحص المراقب.وف كل مره
بشوف رد فعل جديد كنت بتمني ان ربنا يعافيني ومبقاش كده ف يوم من
الايام..ربنا يستر..
انا عارف ان موضوع الرزق ده شائك عند ناس كتير...لكن اللي انا مستغربله
بجد.هو ازاي ناس في مستوي علمي وفكري معين توصل بيها الحياه انها تتعامل
بالطريقه دي مع موضوع خطير زي الرزق..
...اللهم اكفنا بحلالك عن حرامك واغننا بفضلك عمن سواك..

ـــــــــــــــــــــــــــــــــــــــــــــ
الحوار مفتوح ياتريكاويه

موضوع مهم جدااااااااا وفعلا عندك حق سعات ببقى بتفرج على تصرفات الناس الغريبة بنظرة المراقب لتصرفاتهم ودى اكيييييييييد بتكسبنا خبرة ف الحياة بس حاجة صعبة انك تنخدع ف حد وتكون واخد عنه فكرة ويطلع غير كده
...اللهم اكفنا بحلالك عن حرامك واغننا بفضلك عمن سواك..
اميييييييين يارب
ميرسي ليك

بجد حلقات روعة يااياد تسلم عليها
حكم الزواج من فتاة لقيطة نشأت في أحد الملاجئ
السؤال س: هل يجوز الزواج من فتاة لقيطة وقد نشأت في أحد الملاجئ أو دور الرعاية للفتيات؟ وهل يتعارض مع حديث رسول الله صلى الله عليه وسلم: اختاروا لنطفكم فإن العرق دساس .
الاجابـــة يجوز ذلك، فإنه لا ذنب لها، وإنما الذنب لأبويها إذا كانت من وطء غير شرعي، فإذا كانت صالحة ذات خلق ودين ومعتقد سليم وفطرة حسنة وجمال وعلم، فإنها لا عيب فيها، وتدخل في قوله: اختاروا لنطفكم وتصلح للاختيار. الله أعلم.
الشيخ عبد الله بن عبد الرحمن الجبرين رحمه الله
واعتقد ان نفس الحكم للشاب

[b]اما عن موضوع الرزق فلو الانسان بس يقتنع بأنه هياخد من الدنيا اللى ربنا بس قسمهوله مش هنشوف الاشخاص اللى بتتفرج عليها يااياد لان ربنا مقسم الارزاق ومن قبل مانبقى نبته فى ارحام امهاتنا ربنا قاسملنا من رزقه اللى مش هنزيد ولا نقل عليه وربنا يغنينا بحلاله عن حرامه اااااااااامين

السلام عليكم ورحمة الله وبركاته

مساء الخير يا استاذ اياد انا مبهزرش
من اليوم هناديك يا استاذ ودا حاجه بسيطه
فعلا الحياه العمليه حاجه تانيه خالص
انا ديما بقول الاحتكاك بالناس بيظهر معادنهم الاصليه
من الناس اللى لما الغبار بيروح من عليهم بيبان اصلهم الحقيقى
لكن تأكد ديما وكن على ثقه انو فى كل مكان ناس مستعده لفعل
الخير ومساعدة الاخرين بدون مقابل
تسلم الايادى وتحياتى اليك