اشترى دماغك
كلمة بنسمعها كتير أوى الأيام دى
كلمة بتحمل فى طياتها جمود وإستفزاز للمشاعر
كم مرة أسمعها وأنا ماشى فى الشارع وتكون بين
واحد وصاحبه
وممكن جدا بين زوج وزوجته
وأحيانا بين أخ وأخته
الكلمة دى بتعبر عن اللامبالاه يعنى الواحد يبقى بيعمل حاجة غلط وواحد صاحبه ينصحه يرد عليه وبكل وقاحة ويقوله ياعم
نفض واشترى دماغك
لو كل واحد اشترى دماغه يبقى مفيش مشاكل هتتحل ولا هنتقدم خطوة فى حياتنا للأمام وستظل مشاكلنا تنمو وتنمو حتى تصبح مصائب لا نقدر طبعا على حلها ويزداد التخلف يوما بعد يوم
إيه رأيكم تشتروا دماغكم ولا أقرأ ردودكم ؟؟؟