السلام عليكم ورحمة الله وبركاته

فى مصر فتنه طائفيه

قالوا واد من هنا وبنت من هنا

واتعهدا على الحب سويا

هو دا الحب

ولا دا قلة تربيه

هى الست موش عارفه انه مسلم

وانها يا حبة عيني مسيحيه

والفتنه تبقى اتنين

لو صحبنا مسيحي وهى

لدينها مستعده ومتخلييه

قفلت عليه بالضبه

ورمت المفتاح فى الميه

حيرتونا واحتار معاكوا مليون دليل

مين بيضرب فى مين

ومين اعتدى على مين

ومين ماسك حجاره

ومين ماسك فى ايديه بندقيه

عشنا زمان نغنى سوا

عاش الهلال مع الصليب

وتحيا الوحده الوطنيه

دا كان كلام فى كلام

ولا هى ايه العمليه

كان حنا بيحب محمد

وخالد صاحب مرقص

ولا هى احقاد داخليه

فى مصر فتنه طائفيه

مره فلول ومر حَبيبّهْ

ومره اجندات خارجيه

فى مصر فتنه طائفيه

منها اللى من زمان نعرفه

ومنها اللى كتير حركاته مستخبيه

مسيحي بينده يلا يا امريكا

وسلفي عاوز نظام السعوديه

اظبط اخوانى عميل لأيران

وكمان علمانى كافر

عاوز دوله مدنيه

اضحك والحزن بيقتلنى مليني

من كُتره غطى راسي ورجليا

مسيحي سلفي اخوانى

علمانى ليبرالى

هما منها عاوزين ايه

كفايه البلد منكوا مستكفيه

خدوا بالكوا بجد زهقنا

هى الحلول بقت عن الحل مستعصيه

فى مصر فتنه طائفيه

فى نفسى فى يوم اسمع

انها بقت للنسيان

منسيه

قولوا معايا كتير ورددوا

تحيا مصر

بالاسلام والمسيحيه

تحيا مصر

بالاسلام والمسيحيه