جربت هيييييييييييييييييييه
كان احسن شعور فى الدنيا
كنت حاسة انى مالكة العالم كله بين ايديا
جربته مرتين بس للاسف
مرة لما كانت تعبانة وكنت اعدة بعيط اعدت ابوس فيها اتمنيت لو اموت تحت رجلها ومشوفهاش وهى تعبانة
المرة التانية كانت فى ايام امتحانات تالتة اعدادى كنت انا بمووووووووت وهى كانت اعدة تجرى وتعملى كل اللى انا عايزاه وتذاكرلى وكله مكانتش حرمانى من حاجة فبوست ايديها ورجلها بس مش بضمير للاسف لانها بتتحرج وشدتهم مش عارفة انا ايه ده
بس تصدق والله لقوم حالا ابوسها وهى نايمة الحق ده انت فكرتنى باحسن شعور

شكرا يا احمد على التوبيك

ربنا يبارك فيكي يا لؤلؤه
ويخليلك والدتك

وربنا ميحرمكيش منها ولا يحرمها منك

ويارب كل اللي يدخل يعمل زي لؤلؤه ويقوم يقبل قدم والدته

الصراحة انا جربت مرة وحدة بس وانا فى الثانوى تقريبا

كان يوم عيد الام

وقعدت يومها اعيط جامد اوى

حسيت انى مهما عملت لامى عمرى مهقدر اوفى جميل واحد

من جمايلها عليا

بجد ربنا يخليلنا امهاتنا وربنا يقدرنا على رضاهم يارب

جزاك الله خيرا يااحمد

سؤال وجيه من شخص وجيه بجد

الله يرحمها
جربتها يا احمد قبل امى ماتتوفى باايام كنت كل يوم
ادخلها الغرفة ابوس رجليها واللة يا احمد كانت فى غيبوبة بس
لما ابوس رجليها اشوف رموش عنيها بتتهز يعنى حاسة بيا يااحمد
هما 12 يوم بس اللى قعدهم معاها بعد غربة 4 سنين متصلين اما نزلت من الكويت من سنة
كنت كل يوم ابوس رجليها اةةةةة
اللة يرحمها ويرحم امواتنا المسلمين

ادعولها بالرحمة
وجزاكم الله خيرا

ربنا يرحمها يارب ويرحم كل اموات المسلمين

ربنا يرحمها ويدخلها فسيح جناته
واكيد هيا ام مثاليه لانها ربت انسان محترم زيك


شكرا يا شيماء لمرورك الغالي ده

ياريت تجربي تقبلي رجلها قريب
حرام عليكي تحرمي نفسك من الاحساس ده

جزاكم الله خيرا