----



للاسف ده حال ناس كتير نفسهم يبقوا كويسين

وقريبين من رب العالمين بس مش عارفين يبدأو ازاي او يعملوا ايه

تعرفوا بجد ان من اكتر العبادات اللي بتخليك تقرب من ربك حبيبك هي قيام الليل

ماهو صلاه القيام بتكون في وقت تقريبا معظم الناس فيه نايمين

وربك حبيبك بيتنزل نزول يليق بجلاله لينا احنا عباده
وبيقولنا هل من سائل لاعطيه؟؟ هل من مستغفر اغفر له؟؟ هل من تائب لاتوب عليه؟؟

يعني بيكون قدامك الفرصه تختلي بملك الملوك لوحـــــدك

تشكيله وتحكيله وتدعي من قلبك وتقوله يارب يا كريم اهديني وقربني ليك

ويوم على يوم هتلاقي نفسك ادمن قيام الليل

ولوعدى عليك يوم من غير ما تصليه هتحس كأن ناقصك حاجه كبيييير ه اوي

ايه رأيكم اللي مجربش قبل كده صلاه القيام يجرب النهارده ويبدأ معانا؟؟

واللي مجرب وعارف حلاوتها يلااا اتفضل مستني ايه الوقت خلاص بيجري

بس عاوزه اقولكم نصيحه من قلبي بجد ليكم

وانت بتصلي القيام خلي نيتك انك بتصليها علشان تتقرب من رب العالمين

وخلي كل هدفك ارضاء ربك الرحمن الرحيم مش مطالب دنيويه وحاجات بتتمناها وبس

ووانت ساجد ادعي من قلبك وقول اللهم اهدني وارضني واضى عني يا ارحم الراحمين

وان شاء الله ربنا سبحانه وتعالى يكتبنا جميعا من عباده المقربين

قولوا بســـرعه اللهم اميـــــــــــــــن

دمتم بعفو الرحمن

اللهم امين
جزاك الله خيرا يا همسات على الموضوع القيم

امين
بارك الله فيك

امين
بارك الله فيكى يا همسات
وجزاكى خيراااااااااااا

اللهم اميـــــــــــــــن
بجد نصيحه جميله جدا
ربنا يجعلها من ميزان حسناتك