الطبيب النفسى يعالج أبوتريكة بعد "صدمة" شحاتة

يعيش محمد أبوتريكة لاعب النادى الأهلى حالة نفسية سيئة بسبب استبعاده من قائمة المنتخب الوطنى استعداداً للقاء جنوب أفريقيا، المقرر إقامته 5 يونيه المقبل ضمن منافسات الجولة الرابعة للتصفيات الأفريقية المؤهلة لأمم 2012 بغينيا والجابون.

من جانبه، أكد أبو تريكة لبعض المقربين منه أنه "زعلان" من إعلان حسن شحاتة المدير الفنى للمنتخب الوطنى، فى وسائل الإعلام عن قرار استبعاده من قائمة هذه المواجهة، قبل الموعد المحدد للإعلان القائمة، مضيفاً أنه حزنه يعود إلى أنه غير معتاد من المدير الفنى على تلك المعاملة، فضلاً عن أن القرار وضعه فى موقف لا يحسد عليه.

أضاف أبوتريكة أن كان يأمل من شحاتة الانتظار لحين الانتهاء من مباراة الأهلى أمام حرس الحدود، ثم الإعلان بعدها عن القائمة، موضحاً أنه كان لن يشعر بالحزن آنذاك لقناعته بأن الجهاز الفنى للمنتخب يبحث فى المقام الأول على مصلحة الفريق.

فى ذات السياق، كثف الجهاز الفنى للأهلى بقيادة البرتغالى مانويل جوزيه جلساته مع أبو تريكة من أجل الشد من أزره بعد استبعاده من صفوف المنتخب الوطنى، خاصة بعدما نما إلى علمه حالة الحزن التى تسيطر على نجمه المفضل، والذى يسعى إلى تجهيزه للمباريات المقبلة عقب عودته من الإصابة، فى ظل احتدام المنافسة على لقب الدورى مع الزمالك المنافس التقليدى.

كما كلف جوزيه الدكتور محمد يحيى أخصائى الطب النفسى للفريق بعقد جلسات مع اللاعب حتى يخرج من الأزمة التى يمر بها حاليا، لاسيما أنه يخشى من تأثر اللاعب نفسيا قد يؤثر بالتبعية على الفريق بأكمله.

والله العظيم مامستاهل ان ابوتريكه يزعل نفسه
ان شاء الله ابوتريكه يرجع احسن من الاول ويغيظ كل واحد اتكلم عليه وحش او استبعده من حضوره للمباريات او طلب منه يعتزل
وبعدين ياابوتريكه مش يهمك كلامهم
انت امير القلوب
مشكور اخى على الخبر

والله ربنا معاة ويفك عقدتة

ويعمل ماتش حلو انهاردة مع السالمية ان شاء الله

ربنا معاك يا تريكة ان شاء الله ازمة وتزول يااااارب
وترجع احسن من الأول بكتير
شكراااااا ع المتابعة

ربنا هيقف معاه ان شاء الله
ربنا يقويه ويصبره

قدر الله ماشاء فعل وانشاء الله ترجع أحسن من الأول يا تريكه

حسبى الله ونعم الوكيل

والله اللى بيعملوه فى ابوتريكه ده حرام

الراجل لسه راجع من اصابه يقوموا يتعبوا نفسيتوا

كان لازم يعنى التصريح اللى عمله الكابتن شحاته ده يعنى

كان يستنى شويه على ما يرجع من الاصابه ويعود للعب تانى وبعدين

يحكم عليه اذا كا يلعب مع الامنتخب والا لا

ربنا معاك يا تريكة

اكيد الجهاز الفني ماكنش يقصد حاجه
ولازم الكابتن محمد ابو تريكه يعزورو لانو عليه ضغط كبير
وحصل خير والف سلامه ليك ياكابتن وبالتوفيق

زائر

ولا يهمك يا ابو تريكة
اهم حاجة ربنا يشفيك
وترجع بالسلامة

حسبك الله و نعم الوكيل يا تريكة لا تحزن يا امير القلوب انك في بلاء من وقت اصابة وجه القدم و ندعوا الله ان يعفوا عنك و يقوي ظهرك
مش انت اللي تحزن
كل ما ياتي به الجميل جميل يا بركة