جهزى نفسك عشان فى عريس جاى يتفرج عليكى بليل!....مناقشةمفتوحة عن جواز الصالونات

يلا يا بنتي جهزي نفسك عشان بكره الساعه 8 جاي عريس يتفرج عليكي!!!!!!!!!!

تصوروا إن الجمله دي فيه امهات بتقولها فعلا

جمله بترخص اى بنت!
عجبته هيشيل
معجبتوش هيكبر
ولو مدخلتش مزاجه يدور علي غيرها ما هو مش خسران حاجه!

يااااااااااااااااااه
للدرجادي غلا الجواز ورخصت البنات!

العنوسه زادت ومش زادت وبس
لا
دي بقت الاساس والباقي اللي بيتجوز بيكون هو الاعجوبه في زمننا ده

*اسئلتي للبنات*

1_ترضي ان عريس ييجي يشوفك ف بيت اهلك وانتي عمرك ما شفتيه؟

2_وهيبقي احساسك ايه وهو هيشوفك لاول مره؟

3_ولو رفضك هتحسي بإيه؟

4_وياتري هتعيدي التجربه دي مره تانيه؟

*اسئلتي للشباب*

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

2_هيكون احساسك ايه وانت رايح تشوف عروسه لاول مره؟

3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

*****************

طب ولو افترضنا ان العريس وافق علي العروسه والجوازه مشيت
طب الحب هيروح فين؟
ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟

معلش اسئلتي كترت
بس بجد الموضوع ده شاغلني اوى
وحبيت اخد رأيكم
على فكرة يا جماعه انا مقصدتش بكلامى ده ان البنت والولد قبل كده يكونو مع بعض تليفونات وكده لالا خالص انا بتكلم ف نقطة معينة وهى انك كبنت تقبلى تكونى سلعة كده الناس تتفرج عليكى وياتعجبى يامتعجبيش ؟!!!!

السلام عليكم ورحمة الله وبركاته

والله شكلك هتودينا فى داهيه يا بسمه هههههههههههه
وهتخلى مدين يرفدنا من المنتدى
بس يلا رزقنا على الله
توكلنا عليه ايه يا ستى محتاره ليه قولى
طب ثوانى

يلا يا بنتي جهزي نفسك عشان بكره الساعه 8 جاي عريس يتفرج عليكي!!!!!!!!!!

تصوروا إن الجمله دي فيه امهات بتقولها فعلا

معتقدش انو فيه ام تقول كدا لبنتها ولو قلتها يبقى متقصدش هى تقصد
انو فيه واحد هيجي يتقدم وبعدين فى الئرع انو يشفها ولا لا ها
موش كدا ولا ايه وهى كمان من حقها ترفضه
*اسئلتي للشباب*
هتودينا فى داهيه معاكى هههههه
1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
اولا دى بترجع لعقلية كل واحد مننا وظروفه اللى حوليه
موضوع نلغى الحب مين قال نلغيه بس تخديها حكمه
بجد نسبه كبيره جدا جدا من اللى حبوا بعض قبل الجواز بيبقى حالات الطلاق
اعلى على مستوى العالم موش فى الدول العربيه بس بعكس اللى اخدو بعض
عن اقتناع يعنى شافها فى بيت اهلها وهى كمان وافقت عليه بيقى جوزهم انجح
ليه بقى يا ستى قولى ليه هههههههههههه
علشان طل طرف هيحاول يساعد الطرف التانى باقصى ماعنده
ودا بيتحول االى حب كبير وموش بياخد وقت
بعكس اللى اخدو بعض عن حب كل طرف بيعتمد على تضحية الطرف
التانى ديما لأنه بيحبه وبعدين تيجي مرحلة الصدام وبتبقى عنيفه جدا
موش معنى كلامى انو كل اللى اخدو بعض عن حب جوازتهم فشله لا
بس فيها نسبه كبيره جدا
على فكره اللى بقول رايه دا حب حب كبير اوى
بس العيشه بتكسب الواحد خبرات تانيه
2_هيكون احساسك ايه وانت رايح تشوف عروسه لاول مره؟
عادى ايه المشكله ياما صدف كانت احسن من ناس تعرف بعض
3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟
دى بترجع لكل واحد بس اعتقد شخصيا فوق التلاتين تبقى صعبه
افضل شئ
يعنى من 25 سنه علشان لما ربنا يرزقه بالذريه يعرف يربيها ويكون قادر
بدنيا لتربيتهم لأن التربيه مرهقه جدا كمان لما اولاد الواحد يكبرو وهو سنه صغير
يفضل شباب هو وزوجته موش معنى كدا يخلف زوربة عيال يعنى

*****************

طب ولو افترضنا ان العريس وافق علي العروسه والجوازه مشيت
طب الحب هيروح فين؟
ما قولنا بقى نقول تانى
ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟
يا ستى الحب بيجي فعلا انا كنت موش مقتنع بالكلام دا زيك بس اتضح العكس
معلش اسئلتي كترت
بس بجد الموضوع ده شاغلني اوى
وحبيت اخد رأيكم
والله فعلا هههههههههههه
على فكرة يا جماعه انا مقصدتش بكلامى ده ان البنت والولد قبل كده يكونو مع بعض تليفونات وكده لالا خالص انا بتكلم ف نقطة معينة وهى انك كبنت تقبلى تكونى سلعة كده الناس تتفرج عليكى وياتعجبى يامتعجبيش ؟!!!!
يا نهار ابيض تانى سلعه وبطيخه وكلام من دا هههههههههه مين قال كدا بس
سيبى البنات فى حالهم هههههههههههههههه موش كفايه
على فكره لو حصلى حاجه يبقى انتى السبب ههههههههههههه
سلام عليكم

afa"]
[/size][/center][/quote]

انا ضد الجواز ده جداااااااااااااااااااااااااااااااااااااااااااااااا
وف نفس الوقت مش مع التسيب يعنى
بس فى حاجة اسمها احترام للبنت هو ايه يعنى يجى يشوفوها لاول مرة ولو عجبتهم تمام لو معجبتهمش يمشو !!
طب وكرامة البت فين ؟؟؟ههههههههههههههه
احنا نقعد ف البيت احسن بدل ما نتبهدل كده
بصى انا مش هرد على اسئلتك عشان انا ادايقت جدا ومستاااااااااءة دلوقتى :P
ميرسي يابوسى ع التوبيك

انا مقتنع بكلام احمد جدااااااااااااااااااااااااااااااااااااااا

وتفنكري ان الجواز الناجح هو ازاي

التعرف في الكليات يعني وفارس الاحلام

السلام عليكم ورحمة الله وبركاتة
...............
ربنا يجزيكى يا بسمة هههههههههههههههه
خلتينى غصب عنى اتناقش فى موضوع فى المنتدى
مع انى موش حابب كدة
بس موضوعك لفت نظرى فعلا . لانة مهم جدا وانا مريت بية حقيقى
لكن الحمد للة مبدئى ان البنت لازم تكون مخيرة موش مختارة بس
يعنى من المواقف اللى مرة عليا زى ماقولتى (عجبتك هتشيل . معجبتكش هتكبر)
انا رفضت الموضوع دة جدا. والحمد للة ربنا وفقنى با نسانة الحمد للة كانى عايش معها
من سنين موش قبل ما ارتبط بيها بشهر مثلا. المهم
هجاوب على اسئلتك ومن وجهت نظرى طبعا.

Basma Mostafa كتب:: *اسئلتي للشباب*

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

طبعا لا لان يامها ورا الحلاوة والجمال .. شخصية مترحش معاها واكيد انتو عارفين كدة
فلازم اعرفها بطريقتى موش شرط نخرج مع بعض او تليفونات او من ذلك القبيل.

2_هيكون احساسك ايه وانت رايح تشوف عروسه لاول مره؟

هههههههه كنت قوى جدا جدا لانو كان موقف لازم اخد فية قرار .. والحمد للة.

3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

والله انا افضل العشرينات . اما بالنسبة ليا كان عندى ظرووف فخطبت اكبر من كدة شوية . بس النصيب طبعا..

*****************

طب ولو افترضنا ان العريس وافق علي العروسه والجوازه مشيت
طب الحب هيروح فين؟

الحب ؟؟؟ موش فاهم اقصدك . بس صدقونى حالات كتيرة اجوزو موش على حب وكون حياة فى منتهى الروعة...

ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟

لالالا . الحب دة اساسى . بس لو هنقول اللى نحبة نجوزة . يبقى فين القسمة والنصيب .
الحب شيئ. والجواز شيئ تانى خالص

معلش اسئلتي كترت
بس بجد الموضوع ده شاغلني اوى
وحبيت اخد رأيكم

ولا يهمك. بس موضوع جميل واسئلة اجمل . وربنا يوفقكم كلكم . وكل واحد ياخد اللى يتمنى . امين يارب

على فكرة يا جماعه انا مقصدتش بكلامى ده ان البنت والولد قبل كده يكونو مع بعض تليفونات وكده لالا خالص انا بتكلم ف نقطة معينة وهى انك كبنت تقبلى تكونى سلعة كده الناس تتفرج عليكى وياتعجبى يامتعجبيش ؟!!!!

هههههههههه. الحمد لله دلواتى معدش فية كدة. ابنت دلواتى ليها رائيها . حتى لو الاب والام صارمين فى الرائ . البنت
بتعرف تخلص من الامور دى كويس. ان كيدهن عظيم ههههههههههه . ولا اية؟؟؟

شكرا على الموضوع اللى بجد مهم جدا
بالتوفيق للجميع

معلش سؤال بسيط
ازاى يا استاذ وليد بتقول الحب حاجة والجواز حاجة تانية ؟؟؟ معلش ممكن افهم ازاى ؟؟؟؟؟

صراحة اجابة رائعة من احمد مرعى انا متفقة معاه جدااا
ومشكورة على التوبيك يا قمراية

AmiRa 3mR كتب:: معلش سؤال بسيط
ازاى يا استاذ وليد بتقول الحب حاجة والجواز حاجة تانية ؟؟؟ معلش ممكن افهم ازاى ؟؟؟؟؟

السلام عليكم ورحمة الله.

موش علاقات الحب بتنتهى بالجواز.
حتى الروايات الكتيرة اللى فى تاريخ البشرية.. 90% منها منتهتش بالزواج
الحب . شيئ لا يعرف بداية علاقة او نهايتها
..لكن الحب هو الشيئ الهى اللى الانسان بيعيشة غصب عن اى ظروف
لانه موش مرئى. دى حاجة جواى اى شخص

الزواج. دة قسمة ونصيب بكل احتمالات الكون .. كتير اتزوجو على غير حب . والحب بيجى بعد الزواج او ميجش بس متزوجين
وقليل اتزوجو على حب . وبعد كدة الامور اتغيرت كتييييير

الحب ملهوش عقد واتنين شهود . الحب ساكن فى القلوب

ارجو ان اكون اوصلت المعلومة

ايه الكلاااام الكبير والجامد ده يا ولييد
تمام معاك حق
بهنيك على الكلام الجميل ده من زمان عيزين المواضيع دى علشان نتفرج على الاراء الجميلة دى
تسلم الايادى بجد

مممم اوك
شكرا

انا زى ميرا بالظبط ومعنديش رد تانى
ثانكس يا بسمة ع التوبيك

تريكة عشق الحياة كتب:: ايه الكلاااام الكبير والجامد ده يا ولييد
تمام معاك حق
بهنيك على الكلام الجميل ده من زمان عيزين المواضيع دى علشان نتفرج على الاراء الجميلة دى
تسلم الايادى بجد

ربنا يخليك . ياحبيبة
فعلا موضوع مهم جدا. وبيحصل كتير افراض الرائ على البنت
وانا واحد من الناس رافض دة للبنت . لانة بالتاكيد هى انسانة لازم تحس بوجودة وبكيانها
وطبعا انا ضد كل من يحاول ان يدخل الحب بالدين[/color]
(عيب _ وميصحش _ وحرام)
[color=cyan]الصح موجود والغلط موجود . لكن تصرفاتنا بس هى اللى بتحدد حياتنا
وربنا يهنى الجميع

مش عارفة اقول اي؟؟؟؟!!!!!!!
يمكن عشان سني صغير فا مش عارفة ارد
بس اكيد مش كل الامهات بتقول لبنتها كدا حتى لو في ام قالت لبنتها كدا بيبقا خطأ في التعبير مش اكتر
كنت كمان عاوزة اقول ان الرسول (ص) لما اتجوز السيدة عائشة رضي اللع عنها مكنش يعرفها ولا كانت شافته قبل كدا
واحنا المفروض نمشي ع سنة الرسول (ص)

شكرا على التوبيك يابسمة

انا لن اري اشاهد البنت مره واحده ثم اخطبها مع ان لسه بدري لازم اكون عرفها جيدا
ولكن هناك ما يعرف بالرؤيه الشرعيه وهي سنه موكده فليس عيب ان تذهب لبنت لتراها ثم تتزوجها زغم اني لا افضل ذلك

اولا انا بجد بحييكى على جرائتك فى مواضيعك يابسمة
واسمحيلى انا بالنسبالى الموضوع ده يتلخص فى كام كلمة
اولا ان يكون الجواز عن حب او جواز صالونات احنا مش لينا ايد فى كده لان ربنا هو اللى
بيألف القلوب يعنى بيألف قلب فلان على فلانة ويحبوا بعض وربنا بيكون قاسملهم انهم يتجوزوا
وبرضو بيألف قلب فلان وفلانة اللى بيروح يتقدم لها فى بيتها وبيشوفها لاول مرة وتشوفوه لاولة مرة وبرضو ربنا بيقسملهم انهم يكونوا نصيب بعض الامر محسوم ومعروف كل واحد هيكون مين نصه التانى بس بتختلف الطريقة وفى الحالتين ربنا اراد يبقى هيبقى فى حب سواء يعرفوا بعض او صالونات
امانقطة يشوفها الشرع بيقول يرى وجهها مش سلعة ولا حاجة
وادخلوا البيوت من ابوابها
دينا جميل وسهل مبسط كل الامور دى المهم احنا مش نحط فى دماغنا مفردات تخلينا نرفض شرعنا
وتسلمى مرة تانية ياقمراية على موضوعك الجميل والمفيد بجد

اللهم صلى اللهم صلى هههههههههههههه
كل ردودكو جامده سواء متفقة معاها ولا لانى اكيييييييد عارفة كل حد فينا ليه بيئته اللى اتربى فيها وليه طريقة تفكير معينة بس اهم حاجة انى عرفت ردودكو
نورتووووووووووونى يا اجمد اعضاء