عاجل .. الإسماعيلى ينسحب رسميا من بطولة الدورى بسبب التحكيم

قرر الإسماعيلى الانسحاب رسميا من بطولة الدورى المصرى الممتاز لكرة القدم بسبب الظلم التحكيمى الذى تعرض له الفريق فى مباريات الدورى العام، وآخره فى مباراة اليوم أمام فريق طلائع الجيش.

وقال الكيلانى فى تصريحات خاصة لموقع إسماعيلى أون لاين معظم أعضاء مجلس إدارة الإسماعيلي قرر اتخاذ هذا القرار وإعلانه رسمياً فى ظل العوائق التى يضعها المسئولون القائمون على لعبة كرة القدم فى مصر أمام الإسماعيلي لعدم الفوز بالبطولات المحلية.

وأكد الكيلانى أن الجميع شاهد ما تعرض له الإسماعيلي اليوم على يد فهيم عمر حكم المباراة والذى ظلم الفريق بشكل واضح ومبالغ فيه، مشيراً إلى أنه إذا لم يتخذ مجلس إدارة الإسماعيلي فعلياً قرار الإنسحاب من الدورى، فسيتقدم رسميا بالإستقالة من مجلس إدارة النادى الإسماعيلى.

من جانبه، أعلن المحاسب حماد موسى أن مجلس إدارة الإسماعيلي بالإجماع قرر الانسحاب من بطولة الدورى وذلك لإفساح المجال أمام الأهلى والزمالك للمنافسة على بطولة الدورى بمفردهما دون الانشغال بالإسماعيلي، موضحاً ان القرار ليس بسبب التحكيم وإنما بسبب النية المبيتة لدى اتحاد الكرة ولجنة الحكام للتربص بالإسماعيلي.

اول مرة اعرف الخبر ده

مش مشكلة اهم حاجة ان الدروى ان شاء الله اهلااااااااااااااوى

MiCoN كتب:: طظ

ههههههههههههههههههههههههههه

والله بجد .. اسماعيلى مين ده اللى ينسحب ولا مينسحبش .. وهو من امتى بينافس اصلا !!

وبعدين ما الظلم ده على كل الفرق الاهلى والزمالك وكله بيتظلم .. معنى كده اننا ننسحب ؟

دى حجج فاضية

فاكس

وعملوا زيطة وزومبليطة وفي الاخر جابوا ورا
وقاللك دا مجرد توصية للجنة الشئون القانونية وهيدرسوا القرار
وطبعا مش ممكن يتم لانه لو حصل الاسماعيلي يهبط درجة تالتة

بس بغض النظر
منظومة فاشلة وطبيعي نشوف كل يومين شوية هبل بيتكلموا في الشاشات
قدام الملايين وبيخبطوا باي كلام والناس بتسمع

علي فكرة الاسماعيلي انهاردة ماتظلمش فـ اوت حتي

كل اللي حللوا الماتش وشافوه قالوا الاسماعيلي فلت من خسارة باربع اجوال بالميت

دي كلها استهبالات .. ايوة يافندم .. استهبالات

وانا من موقعي هذا باقول المفروض نلغي دوريتوس بالشطة والكمون

وقد اعذر من انذر :D

يعنى هو انسحب ولا لا برده
انا كنت نايمة ومش فاهمة حاجة

ههه احسن حتي الاهلي ياخد 3نقاط ويحط رجل ع رجل ويبقو 5 متشات
شكرا ع الخبر