فكرة جديدة يا احمد
شكرااا ع الموضوع وفي انتظار جديدك
وفي انتظار اميرة

التطوير فكرة جميلة اوي
شكرا يا ابو حميد

فكرة جميلة
حاااااااااضر
هفكر كويس وهجاوب ان شاء الله

شكرا يا ساره لمرورك الي شرفني ده
وان شاء الله الجديد قادم

ـــــــــــــــــــــــــــــــــــ
ياريت دايما نتطور ف المنتدي ده
لان ليه فضل علينا

شكراي ا وفاء لمرور الجميل ده
ــــــــــــــــــــــ
يالا يا اميره فكري براحتك
بس مش براحتك اوي يعني

ربنا يعينك
ـــــــــــــــــــــــــــــــــ

جزاكم الله خيرا

توبيك هائل

شكرا يا اسلام لمرورك القيم ده
جزاك الله خيرا

ربنا معاك يا اميرة

بالتوفيق لكل اعضاء ومشرفي المنتدي
وان شاء الله المنتدي بئا من المنتديات المتميزه
وفي انتظارك يا اميره وانتظار اقتراحتك
وميرسي علي الفكره يا استاذ احمد لانها جميله جدا

الفكرة حلو اوى
مستنيينك يا اميره متتأخريش

مقهي التريكاويه

اه سورى نسيت اختار
هختار أحمد الشعار

ماااااااااااااااشي يا اميره
وماله


انا اختار الاسلامي العام

القسم ده انا بعتبره حياتي
اه بكل امانه منصب المراقب العام بعدني عنه شويه
بس بحاول والله اكون متواجد ع اد ما اقدر

اتمني اني اشوف فيه كذا جزء
يعني
حاجه خاصه بالتاريخ الاسلامي
حاجه خاصه بالشبهات واتعملت الحمد لله
حاجه خاصه ب الرقيه الشرعيه
وبما اننا بنتكلم ف الاسلام
ياريت اشوف التاريخ الهجري ف المنتدي
بدل الميلادي الي زهقنا منه
دا احنا منعرفش النهارده كام هجري يا جدعان

والقسم الحمد لله من اكبر الاقسام في المنتدي


واختار بعدي
Basma Mostafa

تماااااااااام يا أحمد
ان شاء الله مدين يحط التاريخ الهجرى لانه فعلا لازم نمشى عليه
وبالنسبة للتاريخ الاسلامى فوالله انت بتعمل توبيكات جميلة ماشاء الله ربنا يوفقك
يلا مستنيينك يا بسمة

ربنا يخليكي يا اميره
ياريت مدين يحطه

وان شاء الله ف المقهي نظبط نفسنا
ونبدا نعمل توبيكات بنفسنا ونتناقش

ان شاء الله ده هيحصل
جزاكي الله خيرا

تمام
انا تحت امركم
القسم اللى هختاره هو تريكيبديا
والله لو الاعضاء اهتمو بالقسم ده هيبقى من اهم الاقسام فى منتدى تريكة لان القسم ده موسوعة ثقافية شاملة لاى مجال سواء علمى او عملى او ادبى او تاريخى
اى حاجة
ياريت بجد نهتم بيه
لانى لما دخلته لقيت عدد الصفحات فيه قليلة والتوبيكات كمان قليلة
هختار بعدى لؤلؤة التريكاوية

الااااااااء
مستنيينك

والله اول مرة اشوف التوبيك واول ما ادخل الاقى كدة
ااه دنيا ههههههههههههه
بجد فكرة التوبيك جميلة جدااااااااا
وان شاء الله نقدر نطلع منها بحاجة تفيد المنتدى

اصبروا عليا بقى لحظات افكر كدة بتمعن شوية الواحد مهدود اصلا ومش قادر يفكر بس ثوانى

فكره جميله اوي بجد
وياريت اللي هنقوله بتنفذ ونغير حجات كتير في المنتتدي
ربنا معاكم

بسم الله الرحمن الرحيم
بصوا بقى انا مش هتكلم عن قسم واحد كدة وخلاص لان اللى كنت ممكن اتكلم عنه احمد وميرا قاموا بالواجب فيهم
فمعلش يا احمد انا عارفة انك هتقتلنى علشان بوظتلك فكرة التوبيك بس هكون قولت رايى خلاص

بصوا بقى اولا كدة القسم الاسلامى :
انا بحب القسم ده جداااااااا
بجد قربنى اكتر من ربنا
فادنى فى حاجات كتيرة جدا
بيبقى فيه قصص بتعلم منها الحكمة والذكاء وفيه نصايح اسلامية واى حاجة ممكن الواحد يتمناها وهو مسلم
بس بلاحظ كدة ان لما التوبيك بيبقى طويل بحس ان الاعضاء بيستسهلوا ومبيكملوش قراءة ويردوا يقولوا جزاك الله خيرا طيب ماهو ان شاء الله هيجازى اللى حاطه وده اكيد لانه يقصد بكدة منفعة الناس بس هو اللى رد ده استفاد ؟؟؟ معتقدش
فالناصح بقى لو لقى توبيك طويل ممكن هو يحاول ينسقه شوية يشيل كلام لو حاسس انه مش مأثر فى الموضوع او يقسمه على ردين علشان الناس متزهقش او حتى لموضوعين مختلفين
بس كدة واسفة انى رغاية كدة شكلكوا انتوا اللى هتزهقوا ومش هتكملوا قراءة

لو جينا بقى لقسم على خطى الحبيب انا بحس انه نااااااايم ومش بيتكلم عن الرسول زى ما المفروض والمواضيع اللى فيه مش اللى هى يعنى اعتقد ان المفروض يبقى احسن من كدة
وكمان ممكن يبقى فيه كل يوم مثلا قصة عن الرسول او كدة مثلا حكايات زوجات الرسول صلى الله عليه وسلم حاجات يعنى نستفاد منها

المقهى بقى واخر حاجة هتكلم عنها
المواضيع اللى فيه اغلبها مش للنقاش
يعنى اغلبها ماينفعش يترد عليها غير جميلة وشكرا وكدة
لكن ان يبقى فيه فكرة والواحد يناقشها قليل
وكمان لو الموضوع فيه نقاش
بعض الاعضاء بحس انهم بيقرؤوا اول رد ويكتبه زيه بصيغة تانية بس مش بيقولوا رايهم او لو عندهم راى مختلف بيتحرجوا يقولوه طب ليييييه يعنى ؟؟؟ انا مش عارفة
فنفسى لو النقاشات تبقى مفتوحة شوية وتبقى جريئة وكل واحد يقول رايه الخااااااااااص بيه

بس كدة بقى ده انا رغاية اوى
شكرا بجد مرة تانية يا احمد ع التوبيك بجد جميل

اختار بعدى محمد جاد

عندك حق يا الوشا ف كل اللى قولتيه والله
يارييييييييييييت يتغير بقى
يلا يا محمد مستنيينك

متشكر ليكي يا الاء لاختيارك ليا
انا هتكلم عن القسم الاسلامي
وبالاخص قسم شبهات وردود من ساعة ما اتعمل شبهات وردود عملنا فيه كام موضوع وكلنا نمنا في الخط
طيب احنا عملناه علشان نسيبه او ننساه يبقي مكنش اتعمل مفيش تفاعل نهااااائي في ياريت يعني نحاول علي قد ما نقدر نشارك فيه وانا من اول المقصرين في القسم ده
فياريت يعني تساعدونا في نشاط القسم
.................
ومعلش زي ما قالت الاء في قسم علي خطي الحبيب
انا عن نفسي هحاول علي قد ما اقدر انزل فيه قصص عن الرسول والصحابه وزجات الرسول عليه الصلاة والسلام
لانه بردو نايم خالص ومفيهوش غير عند دخولك سجل بكذا وكذا...
فياريت بردو ننشطه ونعمل فيه جانب خاص بمواضيع اللي هيا عند دخولك سجل بالشهاده بالصلاه علي رسول الله
علشان المواضيع دي بتغطي علي المواضيع الجديده اللي بتنزل ومحدش بيشوفها
بس كده معلش طولت جامد في الكلام
واختار من بعدي مروه عادل

السلام عليكم
بصراحه انا مكنتش عارف ان الفكره دي هتعمل كده

كلامك صح يا الاء
فعلا معظمنا بيطنش يقول رايه
لدرجه انه بيخلي اللي عايز يقول رايه يكسل هو كمان
لان مفيش نقاش مفتوح

طب ايه رايكوا

متيجوا نعاهد نفسنا كده اننا نتناقش ونسيبنا من مووضع شكرا وربنا يبارك فيك

اه نقول بس ف الاخر بعد النقاش
ايه رايكوا
ــــــــــــــــــــــــــــــــــــــــــ

كلامك سليم يا جاد
شبهات وردود نام
وانا اعتقد ان السبب
انه مش متشاف صح
يعني تحس انه مركون شويه

مش ظاهر للاعضاء

ودايما العضو بيدور ع الي ظاهر وقليل لما حد يدور

اعتقد حله انه يظهر شويه
والنومه دي هتتحل ان شاء الله

_________________
ايوه كده فرحتوني والله بالنقاش الي بنتكلمه مع بعض
ربنا يبارك فيكوا

تماااااام يا محمد عندك حق والله
ان شاء الله يا أحمد يكون فيه تفاعل اكتر من كده
يلا مستنيينك يا مروة