لو سألت أي بنت ايه مواصفات فتي أحلامك ؟؟
..
..
..
..
.........قبل ما تقولك طيب وحنين ووسيم وكل الصفات دي

هتقولك " عايزاه راجل بجد " ....

قعدت أفكر كتييييييير يعني ايه واحد "راجل بجد "؟؟!!!

ووصلت لشوية اجابات ..


• الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..

• الراجل اللي بجد .. تقدري تعتمدي عليه وتغمضي عنيكي وتمشي وراه ومتبقيش خايفه لأنك عارفه وواثقه انه عمره ما هيتخلي عنك

• الراجل اللي بجد .. عمره ما يطلع سر بينه وبين واحد صاحبه

• الراجل اللي بجد .. عمره ما يتخلي عن مسؤليه أو يتهرب منها

• الراجل اللي بجد .. عمره ما يصاحب بنت ويروح يتكلم عليها مع أصحابه

• الراجل اللي بجد .. هو اللي أول ما الدنيا تقفل في وشك تلاقيه جنبك ضهرك وسندك

• الراجل اللي بجد .. مبيبقاش فرحان بيكي وهو ماشي جنبك وأمة لا اله الا الله بتتفرج عليكي

• الراجل اللي بجد .. هو اللي عمره ما يمد ايده علي واحده لأنه مش محتاج يعمل كده عشان يثبت رجولته

• الراجل اللي بجد ...هو اللي يقول الحقيقه ولو علي رقبته

• الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات (لأن الرجوله جواه شئ أكبر من مجرد جيم وعضلات )

• الراجل اللي بجد .. عمره ما يفرض نفسه علي واحده رافضاه

• الراجل اللي بجد .. هو اللي هتحسي معاه انك انثي .. عمرك ما هتقدري تعلي صوتك قدامه .. في شئ جواه هيجبرك انك تلتزمي الصمت

• الراجل اللي بجد .. هو اللي يقدر يستوعبك وقت ضعفك ..

• الراجل اللي بجد .. عمره ما يستغل حب واحده ليه عشان يضغط عليها

• الراجل اللي بجد ...ممكن ميجيبلكيش كل حاجه بس وجوده جنبك هيخليكي حاسه انك ملكتي كل حاااااااااااااااجه

• الراجل اللي بجد ... عمره ما يكون محبط ولا يائس ولا شايف الدنيا سوده

• الراجل اللي بجد مش شنب ولا عضلات ولا طول وعرض !!!!

• الراجل اللي بجد مواقف وأفعال ... حاجات كده أكبر من أنها تتوصف بكلااااااااام
منقول بصراحه عجبتنى جداااااااااااااااااااااااااااا

• الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..

ومن هنا انعدمت الرجووووووولة

الراجل اللى بجد هو اللى يكون عارف ربنا فى المقام الاول

لانه لو عارف ربنا هيعاملنى زى الشرع مابيقول

ربنا يكرم كل بنت بواحد عارف ربنا كويس اوى

الراجل بجد لاياتي بنظره المرأه فيه
الراجل بجد يعني الصدق الشجاعه المرؤه تحمل المواقف الصعبه الصبر هذه الصفات الاساسيه
اما الصفات السابقه هي صفات عرضيه
ولكن هذا موضوع رائع جدا بس حبيت اعرض وجهه نظري

ميرسى اوى على ردوركم نوتوا التوبيكوالحمد لله انه عجبكم

جميل بجد
تسلم الايادي