خالد الغندور ودفاعه عن الزمالك على قناة دريم

خالد الغندور غريب جدا الانسان ده
كل حلقه بيعملها بتكون دفاع عن نادى الزمالك وابناء نادى الزمالك ولعيبة نادى
الزمالك سواء كان فى صح او غلط
والله انا اوقات كتير بقول ان الراجل ده عامل البرنامج ده لانتقاد النادى الاهلى
والدفاع عن نادى الزمالك
والله بعد ماتش الاهلى وانبى شوفته بالصدفه هو ومحمد حسام بيحللو الفقره
التحكيميه كان شاكله باين عليه الزعل جدا
على فكره هو بيحب لقب المحايد المحايد اوى المحايد جدا
انا شوفشته وهو بيكلم مخرج مبارة الزمالك والمصرى وازاى بيلوم المخرج انه جاب
محمد ابراهيم وهو بيشاور لجمهور المصرى
وبياكد عليه ان لو لاعب فى نادى تانى كان برضه جابها عايز يطلع الراجل غلطان باى
طريقه
والله انا كنت بقول انه ناقص يقول للمخرج انت اهلاوى ياريت الراجل ريحوا
وخلصنا
ولما المخرج فكره بحركة شيكابالا فى مبارة الاهلى والزمالك وانه مارضيش يظهر ه
وهو بيوجه اهانه لجمهور الاهلى علشان ما يتعقبش برضه انتقد المخرج
علشان مظهرش المقطع ده
مش بقولكم غريب بجد
يعنى هو مع ان المخرج يظهر الخطاء ولا لا ولا هو تبع كله بتاع وقته ومصلحته
واغرب حاجه انه بيدافع عن الزمالك ولما واحد من اولاد الاهلى الاعلاميين يدافع
عن الاهلى يطلع يقطع فيه طب ليه
يعنى هو حلال ليك حرام لغيرك
وافيش عنده غير كلمتين اصل الاعلامى فلان علشان بيشتغل فى النادى الاهلى او على
قناة الاهلى فده بياخد اجره من النادى وحضرتك فى دفاع عن الزمالك على قناة دريم ده
اسميه دفاع تطوعى