السلام عليكم ورحمة الله وبركاته

ناس غريبه واصحاب صحابى عالفيس بوك

فى ناس كتيره عالفيس بوك
ناس اعرفهم .....وناس يا اخواتي
فى عمري ما شوفت اللوكْ

بعتين لي اضافه متوصى عليها
فيهم اللى صاحب صاحب
او من جيراني
وفيهم اللى شايف ..فى السياسه
اني بعرف اعجن والوكْ

ولو مره إني بصراحه..خليت على
جنب واحد
لحد ماعرف مين هو
او حتى يجى منه اى ردْ

أعرف يعنى.....وقوله يعنى
يا سيدي اصلي
طب ايه الحكايا
اتقل شويه
وفجأه...يقولك
اما إنك موش ولابُدْ

يا سيدي شكراً
يا عمي اهلاً
وانا مقدرش منك....اى صدْ

دنا حتى شايف....إني غلبان
ولا اعرف والله ازعل حدْ

ولا اعرف...اهبب معاك
ولا اذوقْ

وبنات كتيره....مورهاش سيره
غير الشات والحب

بنات فايقه وتعمل مضايقه
لو تطنش إنك تردْ

تلقى بوست مالى الصفحه
بطول الصفحه
إنتَ فين
روحت فين يا عم الحج

وتبقى فضيحه....ايوا فضيحه
وقدام صحابى ...يبقى منظري
ميصرش عدوْ

عامل حكايه...كبيره وعريضه
ولو حكمت على النائب العام
اقوله يا عم اكتبلي
عريظه
ماهى كل حاجه فى البلد دى
بقت والله هيصه
وانا النهارده جايي يا سيدي
اقدم بلاغ فى قضية سبْ

منا واد مؤدب ....ايوا مؤدب
وعند اللزوم جد الجد

صحصح معايا...وانت
فضيلي ولا لأْ

طب سيبك منها ....ومن كلامي
همكَ كبير...ونومك يادوب على الاقدْ

بس يا بختك ....ايوا يا بختك
اسمك بقى....ولا توم هوك

واقولك امانه....حملتك امانه
متفوت شعْره....ولا اصغر غلطه
وهانستنا ....لو طال الوقت

ونقول ساعتها .......الله اكبر
رجع الحق

ناس غريبه واصحاب صحابى على الفيس بوك