ابليس مش عاجبه حالنا

موضوع: ابليس مش عاجبه حالنا 2008-07-02, 4:12 am

للشاعر علي سلامة

على باب سفارة كندا
..لمحت ابليس و ف ايده استماره
..بقول له على فين
..قاللي بص
..يا هجره يا اعاره
..يا عم زهقت كفرت
..الاقيش معاك سيجاره
..انا انتهيت خلاص
..لا نافع وسواس ولا خناس
..ولا ليا عيش وسط الناس
دي عالم مجرمين
..عندكوا فائض ف الفساد
..في كل البلاد
..ومش محتاجين شياطين
..مليش عيش ف البلد دي
....بقالي سنين عاطل
...و انتوا بتعرفوا
..تقلبوا الحق باطل
..و تسلكوا القاتل
..و تمشوا ف جنازة المقتول
..ومفيش مشاكل
..يا عم ده انا بقيت أوسوس بالمقلوب
...و أقول للحرامي كفايه بقى توب
..انت هاتعمل كل الذنوب لوحدك
...و أنا ابليس
أشتغل واعظ
..ولا كمساري ف اتوبيس
..يا عم ده انا زمان
..كنت استنى حد ينسى
يسمي
..وهو بياكل لقمته
..دلوقتي كل اكلكم ملوث
..و بصراحه الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت ف مظاهره
..مع الناس اللي بتقول كفايه
...و برضه مفيش فايده

موضوع: رد: ابليس مش عاجبه حالنا 2008-07-02, 5:39 am

جاااااااااااااامد التوبك
تسلم ايدك يا عسل
Exclamation

موضوع: رد: ابليس مش عاجبه حالنا 2008-07-02, 12:05 pm

جزاكي الله خيرا حبيبتي

اسعدني مرورك الكريم

موضوع: رد: ابليس مش عاجبه حالنا 2008-07-02, 7:15 pm

مشكووووووووووووووووووووووووورة على التوبك الهايل ده

موضوع: رد: ابليس مش عاجبه حالنا 2008-07-02, 10:19 pm

جزاكى الله خير
ودلوقتى فى نا فعلا بقت اكتر من الشياطين لكن الكويسين كتير ربنا يجعلنا منهم ويرحمنا من الزمن اللى احنا فيه وربنا يصلح الحال ولو كل واحد بدأ بنفسه هينصلح الحال

موضوع: رد: ابليس مش عاجبه حالنا 2008-07-03, 1:19 am

بارك الله فيكي
جميييييلة جداااااااااااا

موضوع: رد: ابليس مش عاجبه حالنا 2008-07-04, 2:55 am

روووووووووووووووعه يا حبيبتي
بجد توبيك جميل أوي عجبني
تسلم ايدكـــ ع الموضوع المميز ..

موضوع: رد: ابليس مش عاجبه حالنا 2008-07-04, 2:59 am

جزاكم لله خير الجزاء اخواني

اسعدني مروكم الكريم