ثورتنا يا حلمنا يا عمرنا اللى سقناه بدمنا

السلام عليكم ورحمة الله وبركاته
احلى واجمل شئ إن ثورتنا بينتنا على اصلنا بينت اننا كنا بنكدب لما كان الواحد فينا
يقول انا خلاص معتدش بحب البلد دى وكرهتها وطلع اننا موش بنحبها بس لا دا احنا
وهبناها دمنا وعمرنا اغلى شئ عندنا حد يقدر ينكر \ انا كنت مغفل كبير اوى
انا قبل اشكر شباب وشعب مصر بشكر مبارك ونظام الفاسد انه وصلنا للحد
اللى خلانا نعرف اننا بنموت فى تراب البلد دى لما خرجنا 18 يوم ايد واحده فى
مشهد بانورامى ملحمي يعجز معاه اى كاتب ان يكتبه او يتخيله فى احلامه
18 يوم والمشهد بيمتد وبيكبر حبه بحبه صحيح ناس استشهدت وناس اجرحت
وكمان مع دا دموع اهلنا واعز الناس لنا وناس سهرانه تحرس بيوتها من بلطجية
النظام البائد حتى فيه حراميه كتير وقفت شغلها اه والله حسو فعلا ان البلد
محتجاهم وناس كل اللى يقدرو يعملوه الدعا بس (زى حلاتى كدا)
وناس كان نفسهم يكونو موجودين فى قلب الميدان بس ظروفهم مسمحتشي
بردو(زى حلاتي كدا) بس والله اللى كان يشوف منظرنا وحالنا ولون عيونا الاحمر
زى لون (الدم) اللى كان سايل فى كل مكان فيك يا بلد كان يقول موش ممكن
نكون احنا عايشين بره ابدا
وتعيشى يا ضحكة مصر
لكِ يا مصر السلامة وسلاماً يا بلادي
إن رمى الدهر سهامه اتقيها بفؤادي
واسلمى فى كل حين