ماذا فعلت لناديك لكى تكون افضل لاعب ؟؟

هل كنت
صاحب الفضل فى فوز الزمالك ببطولة الدورى عدة مرات متتالية ؟؟
هل كانت اهدافك
المؤثرة و التاريخية فاصلة فى مشوار الفريق فى البطولات المختلفة ؟؟
هل احرزت
هدفا فى الوقت بدل الضائع خارج ملعبك لتفوز بدورى ابطال افريقيا ؟؟
هل ساهمت
بمجهوداتك فى صعود الزمالك الى كأس العالم للاندية و تحقيقه لانجاز عالمى بها
؟؟
هل كانت تمريراتك القاتلة فى الاوقات الذهبية للمباريات سببا رئيسيا فى حسمها
للزمالك ؟؟
هل كان التزامك الخططى فى الملعب و قيامك بتنفيذ دورك التكتيكى على
اكمل وجه عن طريق صنع الفرص والاهداف مع الارتداد للدفاع عن مرمى فريقك موجودا
؟؟
هل بخبرتك العالية وتمرسك الشديد كان لك دور فى توجيه شباب الفريق و نقل
خبراتك اليهم ؟؟
هل احرزت اهدافا مؤثرة فى مرمى الاهلى لتحسم الدربى
الملتهب..وتظل هذه الاهداف حاضرة فى اذهان عشاق ناديك ومخلدة فى تاريخ ناديك
؟؟
هل كنت سببا فى فرحة جماهيرك بعد مباراتهم مع الاهلى..و سببا فى نكد جماهير
الاهلى المستمر ؟؟
هل كانت اهدافك وسيلة جماهير الزمالك لمعايرة جماهير الاهلى و
تأكيد تفوق ناديهم؟؟

ماذا فعلت لمنتخبك لتكون أفضل لاعب
؟؟

هل ساهمت مع مصر فى فوزها بكأس الامم الأفريقية فى اى من
مراتها الثلاثة الاخيرة ؟؟
هل أحرزت هدفا فى مرمى الكاميرون فى النهائى الساخن و
تفض الاشتباك الدائر حول الكأس وتحسمه لصالح مصر ؟؟
هل أحرزت ولو هدفا يتيما فى
مرمى أى منتخب إفريقى فى اى من البطولات الثلاثة ؟؟
هل انضممت اصلا لتشكيلة
المنتخب الاساسية فى اى مباراة من مباريات البطولات الثلاثة ؟؟
هل اجبرت حسن
شحاته بمستواك و عطائك فى الملعب على ان يضمك لصفوف المنتخب بل و يقحمك فى تشكيلته
الاساسية ؟؟
هل كنت الورقة الرابحة للمنتخب والتى يفاجئ بها خصومه كبديل تكتيكى
رائع يستطيع قلب موازين الامور فى الشوط الثانى ؟؟
هل احرزت هدفا فى ايطاليا او
البرازيل فى كأس العالم للقارات..وتم تخليده كهدف مصرى فى مرمى منتخب عالمى لن
ينساه لك أحد ؟؟
هل كنت سببا فى صعود منتخب مصر لكأس العالم ؟؟
هل احرزت هدفا
لمنتخب مصر فى مرمى الجزائر لتحسم بطاقة الوصول للمونديال لصالح مصر
؟؟

ماذا فعلت لنفسك لتكون أفضل لاعب
؟؟

هل فزت بلقب افضل لاعب فى افريقيا او كنت ضمن الترشيحات اساسا
؟؟
هل انهالت عليك عروض الاحتراف لتلعب فى افضل اندية العالم بعد الانجازات التى
حققتها مع ناديك ومنتخبك ؟؟
هل ارتديت قميص شيلسى او برشلونة او الانترميلان او
حتى بلاكبرن ؟؟
هل كانت اخلاقك العالية سببا فى حب واحترام جماهير ناديك لك
؟؟
هل كان احترامك لنفسك و لجماهير النادى المنافس سببا فى حبهم لك واحترامهم لك
؟؟
هل بعقليتك الناضجة وأدبك الشديد استطعت ان تحتوى قلة من جماهير ناديك كانت
تسب المنافس وبدلا من ان تشتم معهم تهدئ من روعهم وتعلمهم كيف يكون التشجيع المثالى
؟؟
هل كنت تمتلك من الحكمة ما يكفى لتركز فى ادائك فى الملعب بدلا من ان تنجرف
لتبادل السباب مع قلة من جماهير نادى منافس ؟؟
هل أجبرت جماهير لا تشجع ناديك
على احترامك و رفع القبعة والتصفيق لك بعد ادائك الممتاز فى المباراة ؟؟
هل كنت
قدوة حسنة للاعب صغير فى السن مازال يخطو خطواته الاولى فى عالم الكرة و يشاهدك
ليحتذى بك ؟؟
هل سيتذكرك التاريخ الكروى المصرى او الزملكاوى بأى انجاز
؟؟

بصى .. اولاً ظلم كبير اوى انك تقارنى اى لاعب ب ابو تريكة حتى ولو كان الخطيب !! لأن ابو تريكة عمل انجازات كبيرة جدا وده حالة خاصة

اما بالنسبة شيكابالا فى كذا نقطة هتكلم فيها

الاولى انه فعلا احسن لاعب الموسم ده .. والدليل الاهداف اللى احرزها وساعدت الفريق فى ماتشات كتير الموسم ده وخلته فى مركز متقدم زى اللى هو فيه

تانى حاجة عامل السن .. شيكا لسه صغير على الانجازات دى كلها ولسه قدامه مشوار كبير ويقدر يعمل كتير

تالت حاجة اللى بتتكلمى عليه ده صعب جداااا انه يحققه لوحده .. الزمالك مفيهوش إلا شيكابالا بكل صراحةً .. اما ابو تريكة فكان حواليه كتير اوى سواء لاعيبة على مستوى عالى امثال بركات ومتعب وفلافيو ونص ملعب ودفاع قوى بجانب الاستقرار الادارى والفنى .. ودى عوامل مهمة جدا

بكل صراحة انا شايف شيكا موهبة كبيرة جدا .. بس محتاج يركز محتاج يفصل شوية .. لأن النجم لازم يواجه انتقادات بس عليه انه ميسمعش ليهم

انا بقول كده لان انا مصرى فى المقام الاول وافرح جدا انى اشوف موهبة زى دى وازعل جدا لما الاقيه مش منتج ومعملتش حاجة لحد دلوقتى !!

ربنا يوفق شيكابالا وكل الموهبين .. وشكرا ليكى

يا جماعه حضراتكم فهمتونى غلط

انا مش بعمل مقارنه بين تريكة وشيكا لا السبب واضح
حضرتك قلتله يا استاذ احمد (مدين) ان تريكة مش مجرد لاعب
وكمان سبب اهم انا ده هيكون انقاص لتاريخ تريكة العضيم
وايضا ظلم لشيكابالا وتحطيم لمستقبله الذى لم يبدا
دى اهم نقطة

لكن هذة مجرد معاير لكى يكون اى لاعب افضل لاعب فى مصر .

افضل لاعب =(لعب +فائدة لناديه ومنتخبه +اخلاقة داخل لملعب وخارجه )

بلاش يا جماعة نقول لعبه حلو بس مش فاد فريقة لعبه حلول لكن اخلاقة وحشة الى اخرة ......

بلاش هنفصلة معاير لحسابة .

سياسة ( اطبطب وادلع ) الموجوده دى هى الى وصلت بشيكا لهه الدرجه

لا يحترم جمهور لا يحترم نادى لا يحترم اى احد هوه وبعده الطوفان

انا مصريه زيك يا محمد(مايكون) ممكن يكون اكتر لانى بحاول اقوم مستقبل مصر

انا اتمنى شيكا يصبح افضل لاعب فى العالم لكى يفيد مصر لكن هذا يستوجب تقويم حداد ليقابل

الدلال المفرط الذى تعود عليه شيكا .

وحاجه ممكن تردو عليها تريكة كان بدون بركات فى اليابان .

وحاجه تانيه الموسم ده تريكة ليس فى المنافسه لانه معظم الموسم مصاب لم يلعب ماتشين ورا بعض بسبب الاصابات .

فالمقارنه اصلا بلا جدوى .

لكن ليس بذنبى ان تلك المعاير عندما تحضر يحضر امير القلوب .
هى مجرد معاير ليس اكثر وتقويم لشيكا لكي يحترم الجميع

شكرا على مروركم
نورتو التوبيك
الاختلاف فى الراى لا يفسد للود قضيه.
شكــــــــــــــــــــــــــــــــــــــــرا مره تانيه

اكيد

شكرا ياسارة على التوبيك
الجميــــــــــــــــــــــــــــــل

شكرا يا وليد ع المرور
نورت التوبيك
شكرا

كلمة حق اتقالت

فعلا شيكا مش احسم لاعب فى مصر

ده من وجهة نظرى الشخصية

نورتى التوبيك يا مشمش التريكاويه
شكرا ع الرد يا قمر