أبي \ أمي \ منكم لله

السلام عليكم ورحمة الله وبركاته

من المرات النادره ان اتابع برامج عربيه وكمان فى رمضان بس انا
شدنى برنامج وموضوعه عن الزواج والعشره بين الزوجين وكانت
المقدمه اسئله للناس فى الشارع وكانت المفاجاه ان الضيفه بنت
عندها تقريبا 15 سنه طبعا سنها فى حساب عمر الحياه صغير

لكن مرارة التجربه للبنت اللى ابوها وامها انفصلوا عن بعض وهى عندها
4 سنين اعطت البنت دى خبره فى الحياه والقدره على الحكم على
الاشياء بطريقه مذهله
كانت بتتكلم وتحس انها عندها 40 سنه موش بنت 15 سنه الغريب
ان البنت كانت بتتكلم رغم المراره وكلها امل فى الحياه وانها عاوزه
تبقى دكتوره واتضح انها من الاوائل كمان
وانها موش هاتعمل حاجه غير التركيز فى دراستها حتى التخرج
اكيد دا كويس بس اللى اثر فيا انها حكمت بالاعدام على مشاعر
نبيله موجوده جوا كل اسان فينا مهما كان التزامه الدينى
وانها موش هتفكر تتجوز وهى صغيره وهى تقصد فوق العشرين
كمان علشان موش تكرر علظة ابوها وامها
صدمت من كلامها مع صغر سنها لكن اكيد انا فاهمه وحسه
لأني شخصيا مريت بنفس التجربه الاليمه وبصراحه ان اى انسان
يحصله الموضوع دا بينطوى على نفسه والاولاد هما ديما اللى بيدفعو التمن
وميهمش هنا مين اللى غلطان الاب ولا الام ولا حتى الاتنين
رغم اني بفتخر بامي فى كل مكان وبحسن تربيتها ليا انا واخواتي
الحمدلله لكن الاهم فعلا هو النتيجه الاهم هو المحصله

اتمنى واترجى واقبل قدم كل من يقرء هذه الكلمات عندما يكون زوج
او تكون زوجه انكو تفكرو فيها الف مليون مره وقت اى مشكله لا قدر الله
لا زم نضحى علشان ولادنا موش يبقو الضحيه
لا تقتلو اولادكم كام مره
مره بالفراق ومره بالتشتت بين هنا وهناك ومره بنظرة المجتمع اللى
لسه لحد الوقتى متخلفه ففى كل الاحوال الاولاد هما اللى بيتحملو اوزارنا

انا اسف انا عارف اني طولت بس البنت ببرائتها فتحت جرح كبير
وكتير حاولت اداويه صحيح كل شئ بيتنسى او بنحاول ننسى
علشان نقدر نكمل ونعيش بس لما بتيجى مناسبه زى دى بيتجدد كل
شئ مره واحده
ورغم الحمدلله ان ابى لما يتزوج ابدا وامي اضاعت شبابها واحلى سنوات
عمرها علينا إلآ اننا فى النهايه كنا نتمنى اننا نفضل عيله واحده ديما
لكن قدر الله وما شاء فعل
بس هى رساله حبيت اوصلها لكل الناس
فاتقوا الله فى انفسكم وتخيروا لأنفسكم اولا
ثم اولادكم
قبل ما يجي يوم تسمعوا فيه
أبي \ أمي \
منكم لله

مشكوووووووور

السلام عليكم ورحمة الله وبركاته

متشكر على مرورك يا محمد
كل سنه وانت طيب واهلنا فى الجزائر طيبين

» انا زحلانه منكم
» بجد لقد سئمت منكم
» حد منكم مسلم ؟

أبي \ أمي \ منكم لله

أبي \ أمي \ منكم لله

مواضيع مماثلة

مواضيع مماثلة