الموضوع ماخوذ
من احدى الجروبات على الفيس بوك من فتاة
السلام عليكم و رحمه الله و بركاته
بسم الله الرحمن الرحيم
الحمد لله رب العالمين
و الصلاه و السلام على أشرف المرسلين
رب اشرح لى صدرى و يسر لى أمرى و أحلل عقده من لسانى يفقه قولى
سبحانك لا علم لنا اٍلا ما علمتنا اٍنك انت العليم الحكيم

الدنيا قصيره مهما طالت , و أمامنا سفر طويل فلابد أن نتزود له , و خير الزاد التقوى .
سُأل سيدنا نوح عليه السلام عن الدنيا و قد عا ش فيها 950 سنه , فقال دار لها بابان دخلت من باب و خرجت من الأخر .

النفس تبكى على الدنيا و قد علمت ان السلامه فيها ترك ما فيها
لا دار للمرء بعد الموت يسكنها اٍلا التى كان قبل الموت يبنيها
- اٍن الله اٍذا احب عبدا ساق اليه من يذكره به, فالحمد لله الذى اصطفانا و أسمعنا عنه و أذن لنا أن نعبده , فواجب علينا شكر هذه النعمه بالعمل . " اعملوا آل داوود شكراً "
و شهر رجب من الأشهر الحُرم, و خلااااااااااااص ان شاء الله رمضان قرب اللهم بلغنا رمضان .
ياله بينا نمشى على الجدول ده و كلنا نشجع بعض على طاعه الله , و نكون ممن قال فيهم النبى صلى الله عليه و سلم: "يُنصب حول العرش منابر من نور , عليها أُناس وجوههم نور , و لباسهم نور , ليسوا بأنبياء و لا شهداء , يغبطهم النبياء و الشهداء , قيل : من هم يا رسول الله ؟ قال : المتحابون فى الله "
اللهم انى اشهدك انى احب كل الخلق اٍكراماً لك و احب كل المسلمين اٍكراماً للنبى صلى الله عليه و سلم , فأحبنى يا من
أحببتهم من اجلك

الجدول كلآتى:-
1- الصلاه :-
الفرائض : -
للرجال : فى المسجد صف اول جماعه اولى .
للنساء : فى البيت فى أول الوقت ( و ان صلت فى المسجد فلا بأس ) .
السنن و النوافل :-
- ركعتين قبل الفجر .
- 4 ركعات قبل الظهر و 4 بعده .
- 4 ركعات قبل العصر .
- ركعتين بعد المغرب .
- ركعتين بعد العشاء.
- 8ركعات ضحى ( من بعد الشروق بثلث ساعه حتى قبل الظهر بربع أو نصف ساعه ) .
- 13 (ركعه قيام ليل ( 10 + 3 وتر .
كده يبقى 17 ركعه فرض و 39 ركعه سنه يبقى 56 ركعه فى اليوم يعنى تسجد 112 سجده لله تعالى فى اليوم
و كل سجده تُرفع بها درجه و تُمحى بها خطيئه .
2-الصيام :-
اٍن شاء الله هنصوم كل يوم اثنين و خميس , و الأيام البيض ( 13 , 14 , 15 ) .
و طبعا اجر الصيام لا يحصيه اٍلا الله " فاٍنه لى و انا اجزى به " .

3- القرآن :-
اٍن شاء الله هنقرا فى اليوم 3 أجزاء من القرىن و ده مش كتير , الجزء بياخد نصف ساعه قراءه يعنى جزئين فى ساعه و نخلى الجزء الثالث نقوم به الليل , يعنى هو كتير على الله ساعه واحده فى اليوم كله !

4- الذكر :-
يا من تحب النبى صلى الله عليه و سلم فهو القائل " احق الناس بى يوم القيامه اكثركم عليه صلاهً "
" ألا أدلكم على خير اعمالكم و أزكاها عند مليككم و ارفعها فى درجاتكم و خير لكم من اٍنفاق الذهب و الفضه و خير لكم من أن تلقول عدوكم فتضربوا اعناقهم و يضربوا اعناقكم ؟ قيل : ما يا رسول الله ؟ قال : ذكر الله تعالى "
- 1000 صلاه على النبى صلى الله عليه و سلم ( لأ طبعاً مش كتير ده عشر مرات بالسبحه يعنى 15 دقيقه و طبعا هنقسمها ع اليوم )
- 100 سبحان الله .
- 100 سبحان الله و بحمده , سبحان الله العظيم .
- 100 سبحان الله و الحمد لله و لا اله الا الله و الله اكبر .
- 100 لا اله الا الله .
- 100 لا اله الا انت سبحانك انى كنت من الظالمين . ( دعاء سيدنا يونس عليه السلام فى بطن الحوت ) .
- 500 استغفار بأى صيغه ( استغفر الله الذى لا اله الا هو الحى القيوم و اتوب اليه ) ( استغفر الله العظيم و اتوب اليه ) ( استغرك ربى و اتوب اليك من ذنوب احصيتها و نسيتها )........................................
- اذكار الصباح و المساء .
- اذكار النوم .
- أذكار بعد الصلاه .

5- الصدقه :-
ياريت يا جماعه نعاهد ربنا اننا كل يوم نطلع صدقه و لو شق تمره
لا تحقرن من المعروف شيئاً , فاٍن الجبال من الحصى .

آه اهم حاجه بقى و هى الأخلاق و المعاملات " انما الدين المعامله " .
1- بر الوالدين .
2- صله الرحم .
3- قضاء حوائج المسلمين .
4- الاجتهاد فى العمل و اٍتقانه .
5- التعامل الحسن مع جميع الخلق و الألفاظ الطيبه .
و ما شابه ذلك من أخلاق مثل عدم الكذب وعدم الغش و الأمانه ..............................................
و ياريت نحاول نبعد عن الحاجات اللى بتضييع الوقت او حتى نقللها .
طبعا الشيطان مش هيسيبنا كده , هيقول لنا ده كتير اوى و احنا لسه صغيرين , بس ان شاء الله احنا جدعان و هنفتكر حواره مع الله " قال فبما أغويتنى لأقعدن لهم صراطك المستقيم " و هنفتكر اللى عمله النبى صلى الله عليه و سلم عشانا .

قال رسول الله صلى الله عليه و سلم : " من عاش على شىء مات عليه , و من مات على شىء بُعث عليه "
لعل الله يقبضنا على ا عمل من هذه العمال و يتوفانا و هو راضٍ عنا .
الدال ع الخير كفاعله
اللهم ارزقنا الاٍخلاص و الصدق فى القول و العمل .
و لا تنسونا من دعئكم .
و صلى اللهم و بارك على سيدنا محمد و آله و صحبه اجمعين.
و الحمد لله رب العالمين .

الجدول الأقل عشان ميكنش صعب على حد
الصلاه:-
الفرائض هى هى
السنن و النوافل :-
ركعتين قبل الفجر
أربع ركعات قبل الظهر و اثنين بعده
ركعتين بعد المغرب
ركعتين بعد العشاء
أربع ركعات ضحى
احدى عشر ركعه قيام ليل (8 +3 وتر
الصيام:-
ان أمكن أى اثنين و خميس و لو مش قادرين يبقى نخليه 13, 14 ,15
القرآن:-
جزء واحد فى اليوم
الصدقه:-
كل يوم لو حتى نصف تمره أو ربع جنيه
الذكر:-
300 صلاه على النبى صلى الله عليه و سلم
100 سحان الله
100 لا اله الا الله
200 استغفار
و أى عدد سبحان الله و بحمده , سبحان الله العظيم و اى عدد سبحان الله و الحمد لله و لا اله الا الله و الله اكبر
و اى عدد لا اله الا انت سبحانك انى كنت من الظالمين
و أذكار الصباح و المساء
و أذكار بعد الصلاه
و أذكار النوم

الجدول الثالث و ده ان شاء الله هيكون حد ادنى
الصلاه:-
الفرائض فى اوقاتها و فى المسجد للرجال
السنن و النوافل:-
ركعتين قبل الفجر
ركعتين قبل الظهر و اثنين بعده
ركعتين بعد المغرب
ركعتين بعد العشاء
ركعتين ضحى
أربع ركعات قيام ليل و ثلاثه و تر
الصيام
الأيام البيض
و يوم اثنين واحد و يوم خميس واحد فى الشهر كله يعنى 5أيام بس
الصدقه :-
هى هى
الذكر:-
هو هو ان أمكن بس و الله هو مش كتير و حتى جربوا و شوفوا الفرق
القرآن :-
جزء قرآن فى اليوم و ده هياخذ نصف ساعه بس ان شاء الله
و طبعاً الأخلاق و المعاملات مش فيها فصال
و جزاكم الله خيراً ووفقنا الى ما يحب و يرضى
و صلى اللهم و بارك عاى سيدنا محمد و على آله و صحبه أجمعين
و الحمد لله رب العالمين


منقول

انا الموضوع قريته وعجبنى وقولت اجيبه لكم وكل واحد يعمل اللى يناسبه وعلى حسب مقدرته وربنايعينا على طاعته
ودى فرص فعلا ياريت مانضيعهاش

ان شاء الله مش هنضيعها
وجزاكى الله خيرا على الموضوع الجميل دا

شكرا ياتغريد ياقمر نورتى الموضوع

الموضوع منور بصحبته يا قمر

جزاك الله كل خير يا شيمو ويكون انشاء الله في ميزان حسناتك
وربنا يقدرنا ونمشي علي اول جدول اكيد مش كتير علي ربنا ان احنا نعمل كل ده دي اقل حاجه الواحد ممكن يعملها

جزاكى الله خير ياشيمو

وفعلا هنحاول مانضيعش الفرصة دى

وهابقى اقولك عملت اية

جزاك الله كل خير شيمو
و جعله في ميزان حسناتك

فعلا شهر رجب المفروض الواحد يستغله كويس وانا الحمد لله بدات استغله
رمضان قرب والفرحة قربت والعتق قرب
اللهم قرب الينا رمضان واجهله شهرا مليئا بالطاعات والبركات والعتق من النار
موضوع رااااااااائع يا شيمو بجد تسلم ايديكي

جزاكم الله كل خير على كلامكم الجميل
وزى مقالت خلود مش كتير على ربنا ساعة ولا ساعتين

ربنا يضع كل عمل يقوم به كل من يقرأ موضوعك فى ميزان حسناتك امممممممممممين ويجمعنا واياكى فى الفردوس الاعلى امين يا رب العالمين

شكرا لبقايا انسان وmohyعلى المرور
وجزاكم الله خير