حازم أبو إسماعيل: التحقيق مع اسماء محفوظ عار ما بعده عار

استنكر حازم صلاح أبو إسماعيل المرشح المحتمل لرئاسة الجمهورية ماحدث
للناشطة السياسية اسماء محفوظ على يد القضاء العسكرى، واصفا اياه بانه عار
ما بعده عار .

واكد ابو اسماعيل- فى بيان له الثلاثاء- انه يدنس
اليوم شرف كل جماعة مصرية أن ترى من تستضعف من بين الأفراد والجماعات لتكون
عبرة ونكالا لأن من معها لايخشى جانبهم فتسكت كل الجماعات دون إنتفاضة لا
تبقى ولا تذر.
واشار الى تضامنه مع أسماء محفوظ، مؤكدا أن النظام لم
يُعد للناس حقوقهم فعليه انه (ميزعلش) إذا خرج الناس يأخذون ثأرهم بأيديهم،
وإنها كلمة الحق وأفضل رد ان يكررها كل مصرى حتى تصم أذان الباطل بدوى
الكلمة.
أما جهة القضاء العسكرى وما يتبعها من إدارة المدعى العام
العسكرى (النيابة العسكرية) فإننى أعرفها حق المعرفة أعرفها جيدًا جدًا
وعاملتهم وأعرف حقيقة أمرها وحقيقة تقيمها من كافة الجوانب الظاهرة والخفية
والرأى فيها محسوم.
واوضح انه طالما المجلس الأعلى للقوات المسلحة
لا يزال مستخفًا بنداءات العدالة ولا يزال يحيل المدنيين والقضايا السياسية
للقضاء العسكرى فأنا خصم له وهو خصم لى حتى يرتدع عن هذه الإحالة ويعيد
الناس الى قاضيهم الطبيعى خاصة وهو يحمى أفراد نظام مبارك وغيرهم لهذه
الإحالة.
وانتقد ابواسماعيل دفع كفالة 20 الف جنية على أسماء محفوظ
قائلا "كفى بها تنكيلًا ولولا الرفق بها لرأيت ألا تدفعها لنرى كيف تحرك
الاحداث هذا الشعب اليوم وغدا.
وعلق حازم ابو اسماعيل على خلفية
اسماء محفوظ استدعاء المذيعة ريم ماجد والإحالة للقضاء العسكرى لما تجرأت
وتكلمت عن المجلس العسكرى واليوم أسماء محفوظ وبينهما فلان وفلان وها هى
الشخصيات المصرية تضيع من جديد.

عار ليه
واحده بتشتم وتهزء ف الناس اللي حموا الثوره

مش عيب يعني ولا ايه

ولا هيا الحريه يعني نهزء ف بعض

ربنا يهديكوا

المشكله يا احمد
انها تتحاكم عسكرى
المفروض محاكمات المدنين تبقى مدنى والا العادلى اللى قتل الاف
يتحاكم مدنى ودى عسكرى؟

كلام كويس يا ايمان
بس الي مزعلني انها ف كلامها عن المجلس العسكري
محترمتش الناس دي
انهم حموا الثوره

ولا هيا يعني مش بتفرق لو مش بتفرق بين الصالح والفاسد
تبقي دي حاجه تانيه
انا بصراحه محتقر تصرفها

لكن محكمتها عسكري اه انا معاكي انها تتحاكم مدني
مع ان النوعيه دي من حركه 6 ابريل مينفعش معاهم مدني

شكرا يا ايمان

هي غلطت في المشير طنطاوي وفي المجلس العسكري وطالعة تشتم وتهزء فيهم دا مش احترام ولا اخلاق ابدا
تستاهل المحاكمة ما دام غلطت

شكرا ايمان ع الخبر

يا جماعه لو تستاهل المحاكمه
يبقى تتحاكم مدنى
هو اللى قتل يتحاكم مدنى وهى تتحاكم عسكرى
فين العدل؟

خلينا نوضح الصورة المجلس العسكرى هو اللى وصل الناس انها تشكك فى نزاهته وتقوم بشتيمت
رموزه لما يبقى طنطاوى بيتحايل على الشعب المصرى بوضع رموز الفساد فى طره وبيتباطء فى محاكمتهم ولما الشعب ينزل ويعمل مليونيات يبدء يتحرك ونشوف محاكمات على الهوا يبقى يستاهل اللى يحصله وانا قولتها وبكررها لما يبقى طنطاوى صديق لمبارك على مدار 30 سنة ومبارك صاحب الفضل عليه ووصوله لما كان عليه ايام مبارك يبقى اعرف انك مش هتشوف مبارك محكوم عليه ابدااااا
اما عن اسماء محفوظ سواء غلطت اولا او معاها او بنختلف المفروض يكون محاكمتها مدنية والا فليحاكم
العادلى ومبارك عسكريا وليرمى كلا منهم بالرصاص فى حالة تورطهم
تسلمى يامنمونة على الخبرررر