إزاي تثبت بنت؟!!!ا..(سؤال بيطرح نفسه)

عشان مش نخـتلف من أولها ..الموضوع ده موجه لكل شاب دايب في واحده وهي مش هنا(من الاخر يعنى مش معبراه) ..والحاجات اللي أنا هقولهالك دي هتخلى "فيرجينيا" بتاعتك تيجى زاحفة إلي باب خيمتك وأنت زى الباشا.....ده علي أساس انك الملك "آرثر" في "الناصر صلاح الدين" .......خد بقى منى أنت وهو خلاصة السكك المتعارف عليها للوصول لقلب أي بنت مجعلصة .............بس افتكروا الجمايل دي يا معلمين ......

1- سكة الجيوب الثقيلة...

ويفضل اتخاذ هذه السكة إذا كانت البنت غاوية مظاهر وعايزة شاب متريش وبما انك أنت "منـتوف الريش" فعليك إتباع سياسة "الصيت ولا الغنى" .....يعني خليها دايما تشوفك واد شيك وبتلبس غالي و استايل وشايل في ايدك موبايل اتنين كامييرا (يستحسن N73 المعدل) ولابس في رجلك جزمة توكيل (يستحسن جلد طبيعي من ايطاليا لرجلك) ....أو بقي تستلف الحاجات دي كلها لحد ما تدبس الزبونة .

2- سكة الدخول من الباب ..

امشي في السكة دي إذا كانت الحاجة راسمة علي جواز وبتاع وأنت ظروفك عنب وعايز تستقر وتبطل المشي البطال .....أما إذا كانت ظروفك طبيعية ( يعني زفت ) أو كنت بتحب المشي البطال يا معلم.... يبقي سكتك المناسبة هنا هي النط من الشباك وتبقي في الخلعووون..(اجرى يااااض)

3- سكة المعاناة ...

للأسف هتضطر تمشي في السكة دي إذا كانت اللي عينك عليها كلها عقد وكلاكيع أو مصدومة عاطفيا ...ووقتها هاتكون مسئولية سيادتك صعبة جداااا...وهي انك تفك كل العقد دي وفي الوقت نفسه تحسسها انك غير كل الناس اللي عقدوها قبل كده وتمشي بشعار " نحن نختلف عن الآخرين " وتكون السكة دي مثاليه جداا لو كنت بقي أنت كمان مصدوم عاطفيا ومكلكع ....... وتقضوها عقد بقي أنت وهي ....بس شوفوا بقي حته بعيده طلعوا فيها عقدكو علي رواقة......

4- سكة تلاقى الأرواح ....بس مش في فيلم رعب ....(علشان الذكاء بس)

يعني يا صاحبي تحسسها دايما إن ميولك أنت وهي واحدة ورغباتكو كمان واحده ...يعني تقول انك بتحب المطرب اللي هي بتحبه و بتحب ألأكله اللي هي بتحبها و بتحب اللون اللي هي بتحبه ...وان برجك هو نفسه برجها ( شوف الصدف يا أخي ) ......وكمان لازم تكون بتكره كل وأي حاجه هي بتكرهها ...بس الطريقة دي يا معلم تستلزم منك دراسة وافية كاملة عنها ومعرفة دقيقة لكل تفاصيل حياتها ....عشان تعرف تفصل عليها تفاصيل حياتك ....(ربنا معاك يا باشا)

5- سكة التسبيل وعيون عمر الشريف ...(بس ابقى اغسل عينك الاول مش تيجى بالعماص)

السكة دي بقي ممكن سعادتك تسلكها بكل راحة ضمير وتحط في بطنك كمان شااااادر بطيخ صيفي مش بطيخه واحدة ....وطبعا ده إذا كانت البنوتة رومانسية وعايشة فيها دور " زبيدة ثروت " وبتدوب في الأفلام الرومانسية وبتلاقي نفسها في قصص الحب الحالمة ....ويا معلم البنت اللي زى دي تبان من عينيها ..كل ما ضاقت كل أما تخش بقلب جامد حديد يا مان ......بس خلي بالك ..متطمعش في أكتر من حب عذري ....

6- سكة الندامة ...(انا اللى جيبت ده كله لنفسى)

[/size]ودي السكة اللي أنت هتمشي فيها بإذن واحد أحد إذا طبقت النصايح اللي فاتت دي .....وده ببساطه لأن مفيش فايده......وابقوا قابلووووووني...

مع تحياااااااااااااااااااااات

Ritaa

هههههههههه ماشى يا ريتا .. من اولها كده بتلبسينا فى الحيط :D
البداية شكلها خير .. استمرى بقى Smile

تسلم ايدك

ههههههههههه انا ؟

ده انا بنصحكوا والله مش قصدى حاجة اوعى تفهمنى صح

ميرسى لمرورك ميكون

[quote="Ritaa"]عشان مش نخـتلف من أولها ..
الموضوع ده موجه لكل شاب دايب في واحده وهي مش هنا
(من الاخر يعنى مش معبراه) ..والحاجات اللي أنا هقولهالك دي
هتخلى "فيرجينيا" بتاعتك تيجى زاحفة إلي باب خيمتك وأنت زى الباشا.....ده
علي أساس انك الملك "آرثر" في "الناصر صلاح الدين" .......
خد بقى منى أنت وهو خلاصة السكك المتعارف عليها للوصول لقلب
أي بنت مجعلصة .............بس افتكروا الجمايل دي يا معلمين ......

السلام عليكم ورحمة الله وبركاته

ياريت حتى لو عاوزين نضحك ميبقاش دا الكلام بالطريقه دى
حتى لو كانت نيتنا طيبه واحنا موش بنشكك فى حد
وبعدين اللى يبقى فاضى يعمل الكلام دا من غير هدف يبقى
شاب تافه وبعدين احنا مهما تمدن يعنى البنت لازم يبقى كلامها
شويه موزون
اتمنى تتقبلى مرورى

اكيد طبعا يا احمد معاك حق بس انا مش قصدى حاجة الموضوع كله فكاهة

ميرسى لمرورك

نورتنى احمد

Ritaa كتب:: اكيد طبعا يا احمد معاك حق بس انا مش قصدى حاجة الموضوع كله فكاهة
ميرسى لمرورك
نورتنى احمد

السلام عليكم ورحمة الله وبركاته
متشكر يا ريتا انك تقبلت مرورى وانا اسف ممكن كلامى
كان شديد شويه انا اسف مره تانيه

[quote="احمد مرعى"]

Ritaa كتب:: اكيد طبعا يا احمد معاك حق بس انا مش قصدى حاجة الموضوع كله فكاهة
ميرسى لمرورك
نورتنى احمد

السلام عليكم ورحمة الله وبركاته
متشكر يا ريتا انك تقبلت مرورى وانا اسف ممكن كلامى
كان شديد شويه انا اسف مره تانيه

مفيش مشكلة يا احمد احنا فى اخر اخوات واعضاء مع بعضنا هنا ولازم يبقى فى راى والراى الاخر امال ازاى هنقدر نوصل افكارنا لبعض

ميرسى لمرورك مرة تانية يا احمد

ونورتنى

» ***(((سؤال يطرح نفسه ؟)))***
» متخيل الموقف هيكون إزاي ؟!؟!
» هي الناس دي عايزة تثبت ايييييه:D

إزاي تثبت بنت؟!!!ا..(سؤال بيطرح نفسه)

إزاي تثبت بنت؟!!!ا..(سؤال بيطرح نفسه)

مواضيع مماثلة

مواضيع مماثلة