كنبة وتليفزيون وريموت
يبتدي اليوم..
وينتهي زي كل يوم..
وجع قبل النوم..
كنبة وتليفزيون وريموت..
وكلام كتير..
يصبح الصبح يموت..عادي.
عارف..
من كتر حكايات البلطجة..
بقيت اخاف اروح الحمام ارجع مالاقيش ولادي..
انا مش مشغول بالمحكمة..
طول ما ف المحكمة عدل وميزان..
وضمير قاضي..
انا خايف ع الأمل..
كل شئ لسه ف مكانه..
و الترس اللي إتكسرت سنانه..
عمال يلف ع الفاضي..
يا تري إحنا محتاجين ولي..
ولا عسكري..
ولا دكتور..
ولا ميكانيكي..
رد علي يا اللي لسه بتسمع..
فين راحت بركة ال 18 يوم..
اجمل ايام ف عمر بلادي..
وقولي ليه..
ليه كل ما ابص ع المستقبل..
بتشدني احزان الماضي.
علي سلامة
الفيديو 
أحدث الصور 
موضوع: كنبة وتليفزيون وريموت 
2011-10-28, 1:25 am
