حوار ساخن بين
الجنـيه ( الشرق الاوسط ) والــدولار ( القوى العظمـى )


الجنيه قال للدولار : ابعد عنى قربك نار

انـت صحيح أكبرمنى لكن معايا المولى ومش هنهار

انـت الظـلم بعـينه لكن فوق الظلم عظيم جبار

الدولار قال للجنيه : يا ويلك منى سياستى خطيره وفيها دمار

الجنـيه : ياما وياما أخطر منك راحوا ومبقلهومش آثـــار

راجع نفسك يمكن ترحم طفل من الأبــــرار

الـدولار : عمر الرحمه ما كانت طبعى دايما قربى كله مرار

أنا البطش الأكــبـر لا يهمنى لا ديـــن ولا دار

الجنـيه : بطشك عمره قصـير ما له أسـاس ولا أفكــار

غرورك فجوه هتهوى مهما اتسعت ليها نهاية الأشرار

بكــره تــروح زى مـا راح الباشـا والاستعمـار

بكـره غضب المولـى يصـيبك مش هـتلاقى منه فرار

بكـره هيطرح فرحه وعيـد طول ما ايمانـنـا بيطـفى النـار

بكـره هنـزرع ورده وسـط الشـوك مهما تعبنا من الأقدار

بكـره هنبنى ونـعلا مهـمـا جـرفـنا التيـار