- خالد بيومى : أول مرة
تظهر على حقيقتك (الصفراء ) !! فى توجيه الخطأ على إتحاد الكرة لأنه عاقب
الإسماعيلى بمباراة بدون جمهور !!الكابتن المحترم بيقول مش وزير الداخلية
منع إقامة المبارايات بدون جمهور !! دا ردك وضميرك كدا مستريح !! بدل ما
تقول سلوك معيب ومتطرف ومرفوض من الجماهير المقتحمة !! يا أخى إتقى الله فى
الكلمة وفى رصيدك المحترم عند الجمهور ، ما تقعش فى غلطة غيرك بالإنتماء
الأعمى الواضح والفاضح ، وعيب تعمل ( كومبينة) إنت ومذيع أحمر الشفاة (
كيمو ) على أحد زملائكم بتلسين وتلقيح كلام ، يا كابتن إنت أحد المحترمين
فى التحليل نرجوا عدم الإنزلاق فى هوة التعصب والشخصنة .



- مديرية أمن بورسعيد : نتمنى رجوع لاعبى وجماهير الأهلى سالمين ، سلامتهم فى أعناقكم .



- إسلام عوض : إنت بسرعة
كدا إتعلمت التمثيل والسقوط فى منطقة الجزاء من المدرسة اللى روحتها !!
ماشاء الله ، هم عندهم طابعة بيدخلوا فيها اللعيبة ولا إيه!! وبعدين إنت
أصيل يا بنى جداً تتحايل للحصول على ركلة جزاء ضد ناديك القديم اللى عملك
!! صحيح ما جمع إلا ما وفق !!



- جمهور الزمالك : هل سبب نزول أنبوبة لمباراتكم مع إنبى ؟ هو حقاً للتدليل على عدم وجود أزمة أنابيب فى البلد ؟!!



- حسام البدرى : إتقى الله يا راجل لازم ترسخ العقدة عندهم من إنبى !! حرام عليك إنت معندكش فراخ بيضة تربيها ولا إيه !!



- سمير عثمان : ضحكتنى
لما قولت إن سبب سقوطك هو دكتور علاء صادق !! وإدمانك السقوط فى كل
الإختبارات السابقة كان بسبب مين ؟!! الطرف التالت ولا إيه !! خللى الشاى
بالياسمين ينفعك يا أبيض ..



- أحمد ناجى : مطلعش العيب فى الواد أهو يا كابتن ؟!! بتهيألى أبوالسعود كدا أحرجك لسنتين قدام !!



- أحمد السيد : حصرياً
عرض إحتراف فى الدورى الأميركى فى الطريق ، لكن فى كرة القدم الأميريكية !!
يا راجل الكورة بعيدة عن المرمى ب 30 ياردة تعمل فاول ليه !! كبير على إنك
تطلع الكورة أوت !!



- دومينيك : إنت يابنى واكل حق حد ولا ايه !! كل ما تتلعب وتبدأ تتألق تتصاب تانى !! إدبحلك حاجة وإخلص ..



- مدحت عبدالعزيز : مع إنك كنت متجنى على أحمد السيد فى الطرد ، لكن لأول مرة أفرح من ظلم ييجى على الأهلى !! بس مش كنت تخليهم طردين أو تلاتة !!



- حسن شحاتة : إنت كدا
بتظلم نفسك وبتظلم تاريخك التدريبى ، نخشى أن تكون آخر محطة تدريبية لك فى
مصر تنتهى بهذا الشكل ، ويصبح هذا هو المشهد الأخير الذى سيعلق فى أذهان
الجماهير تجاهك ، حتى جماهير الزمالك هتقول أهو جه الزمالك وما عملش حاجة
وضيع الكاس !!



- قمة الدورى : رجعتى لحضن حبيبك الأهلى !! وما الحب إلا للحبيب الأولِ !! ملحوظة : دا قبل مباراة الحدود _ يارب كلامى دا يتحقق بعد المباراة .