Treikawymagoody
:: مراقب سابق ::
المشاركات : 4146
العمر : 45
محل الاقامة : مصــــــــر
بتشجع نادي إيه : الأهلــــــى
لاعبك المفضل : أبو تريــكة
تاريخ التسجيل : 14/07/2008
التقييم : 4
نقاط : 7657
::: : 
 |  موضوع: كلمــة مـن حـرفيــن  2012-03-22, 4:32 am | |
| <p class="MsoNormal" align="center" style="margin-bottom:0cm;margin-bottom:.0001pt;br /text-align:center;line-height:normal;mso-pagination:none;mso-layout-grid-align:br /none;text-autospace:none;direction:ltr;unicode-bidi:embed"> كلمــة
مـن حـرفيــن
وهى
كلمــة مـن حـرفيــن بطعم الملح والصبار
بتطلع
من حشايا الجمر وليل سهران مع الأفكار
عناوين
ضايعة فى التوهة سواد عاتم وماله نهار
تلف
الدنيا حواليا وانا من كسرتى بنهار
وماشى
السكة مش عارف لبير الحيرة أى قرار
كأنى
فـ كوكب الأحزان بدور والغربة ليا مدار
بعيش
والغربة جوايا وأموت لو يوم رجعت لدار
وأدوق
المر يحلالى وحلو الناس فـ حلقى مرار
وهى
كلمــة مـن حـرفيــن وبينهم يجى مية
مليون
مسافة
كبيرة بين همى وبين اخر حدود الكون
ومشوارى
ما بين الحرف والتانى طريق مسكون
بـستين
ألف تنهيدة وجرح مابين ضلوع مسجون
وذكرى
تشق أيامى وأحلامى بسيف مسنون
تنادى
من ورا أستار وألف جدار ندا مجنون
وبتقولى
وعود بكرا تملى كلها بتخون
ومافى
حلم بيواعدك وبيحافظ على وعدك ولا بيصون
وهى
كلمــة مـن حـرفيــن ما بين نفسى وبين
نفسى
بشوفك
فيها لما بتغدرى بيا ولما بتوعدى وتنسى
واشوفك
مركبة ضايعة وبايعة الحلم ومسافرة ولا بترسى
وأشوفك
فيها لما تحبى كل الناس وتيجى عليا انا وتقسى
وماسكة
الخنجر المسموم وطاعنانى ومهما اعانى ما تحسى
واشوفك
طيف ووهم وزيف مابين بكرة وبين أمسى
فى
وسط الزحمة والتوهان كما الدخان بتدارى وتندسى
وأشوفك
كلمة من حرفين ومنقوشة على صدرى بخط الكوفى والفارسى
وهى
كلمــة مـن حـرفيــن مصاحبانى بطـــــول
عمرى
بقولها
واجرى من خوفى تلاحقنى وتجرى زى ما بجرى
ومتغرب
مع المطاريد ومتعود على الغربة كما الغجرى
تبكينى
فى وسط الصحرا والرملة دموعى المالحة بتطرح غصون شجرى
شجر
حنضل حلاوته مرار وليله نهار فروعه فـ قلبى وجدوره تمد فـ سلسلة ضهرى
شجر
ولا ليه ورق يرمى عليا ضل ولا بيطرحلى غير الذل وغير قهرى
وسابينى
كما الحبشى فى عصر الكل كانوا عبيد ومافى غيره هو سيد دفع سعرى
مقيدنى
وحابسنى وبتألم وبتقطع وكاتم صوتى لا يطلع
اصرّخ ينكشف سره مع سرِّى
وهى
كلمــة مـن حـرفيــن لا بتداوى ولا تشفى
ولا ترجع خطا اللى تاه
يسافر
تصحبوا فـ سفره يحاول منّها يهرب يلاقيها فى مد خطاه
يدوَّر
وشُّه مية ناحية تروحله فـ أيها ناحية ينام تفضل كده صاحية وتستناه
يخبيها
بعيد جواه يلاقيها على شفايفه وواقفاله ومش خايفة وتتحداه
ولما
مايلاقيش فايدة ولا مهرب يصب الكلمة فى كاسه ويفضل منها يشرب تقيد النار فـ قلب
حشاه
يصاحبها
كما الدراويش فى محرابها يلف الدنيا يطوح ويتسند على دروبها تروح سانداه
وتضحك
ضحكة ملعونة وتصرخ صرخة مجنونة كأنه بضحكها قاصداه ومتقاصداه
يبص
لدنيته بحسرة يلملم نفسه م الكسـرة يجمع قوته ويصرخ يقول كلمة وهى كلمــة مـن حـرفيــن
تفسر
كل معنى الحزن
و
آآآآآآآآآآآآآآآآآآآآآه منك يا كلمة آه
وهى
كلمــة مـن حـرفيــن
مجـــدى
نبيـــل |
|
وفاء الادهم
:: من كبار التريكاويه ::
المشاركات : 3505
العمر : 36
محل الاقامة : فلسطين
الهوايات : المطالعة والتغيير والعمل
بتشجع نادي إيه : الاهلي
تاريخ التسجيل : 04/05/2010
التقييم : 53
نقاط : 10461
::: :
| | موضوع: رد: كلمــة مـن حـرفيــن 2012-03-23, 1:21 am | |
| اااااااااااااااااه من كلماتك وشجنها بجد سلمت على هذا الابداع
قمة في الجمال يا مجدي |
|
Treikawymagoody
:: مراقب سابق ::
المشاركات : 4146
العمر : 45
محل الاقامة : مصــــــــر
بتشجع نادي إيه : الأهلــــــى
لاعبك المفضل : أبو تريــكة
تاريخ التسجيل : 14/07/2008
التقييم : 4
نقاط : 7657
::: :
| | موضوع: رد: كلمــة مـن حـرفيــن 2012-03-23, 8:31 am | |
| - وفاء الادهم كتب:
- اااااااااااااااااه من كلماتك وشجنها بجد سلمت على هذا الابداع
قمة في الجمال يا مجدي شكراً وفاء تسلمى يا رب |
|
الفيديو 
