السلام عليكم و رحمه الله و بركاته

طبعا نتيجه الثانويه قربت للاسف و دا الحدث الكبير الكبيــــــــــــر
اللى كل الناس بتستناه و مش شرط يكون ليهم حد ف ثانويه اصلا بس هو كدا

انا و الله ما فارق معايا النتيجه قد توابع النتيجه
اللى هى التليفونات و الزيارات المفاجئه و كميه الناس اللى عايزه تعرف انت جبت كام ؟
و بالذات الستات اللى ليهم ولاد و يا سواد الحلل لو كانوا جابوا اعلى منك
ع الذل اللى هتشوفيه انتى و اهلك

فعشان كدا انا بطلب من كل شاب ف ثانويه عامه ان لو طنط سألته "جبت كام يا حبيبى " يقولها ماكليش دعوه يا طنط البركه ف ابنك

حمله " ملكيش دعوه يا طنط انا جبت كام " ربنا يخيلك المحروس ابنك
ده ايه وصلة الردح دى ههههههههههههه

يا ستى كبرى دماغك انتى عملتى اللى عليكى وربنا مش بيضيع جهد حد .. اعتقد الاهم هو انتى وتقييمك لنفسك مش كلام الناس
بالتوفيق ليكم كلكم : )

مش فكره ردح و الله بس اصلى بكره الناس اللى بتدخل ف اللى ميخصهاش
بس الحمد لله طبعا على اى حاجه

شكرا يا محمد نورت

: )

هههههههه توبيك جامد يا فوءا
بس انا عن نفسى اتعودت على حرقة الدم من اول السنة كل ست تشوفنى ايه يا ميرو عاملة ايه ف الكيميا ؟ :D اقولها انا ادبى يا طنط تقولى ادبى ؟؟؟؟؟ ليه بس ده انتى شاطرة ودايما م الاوائل كأنى روحت انحرفت ههههههه ربنا يهــــــدى
ميرسي يا فوءا ع التوبيك وربنا معانا ان شاء الله

ههههههههههههههههههه بس خسارتك ف ادبى يا عسسسسسسسسسسسل

معلش يا ميرا جهل بعيد عنك
نورت يا حبى

حلو بالجامد يا فوءة

بصراحة حاجة تقرف

الواحد نفسه ان النتيجة متظهرش للابد لمجرد ان الناس هتضايقنى وتبهدلنى وتطلع عين اللى ............

ربنا يسترها علينا

هيستر ان شاء الله يا لوشا
حتى عشان اهالينا الناس الطيبه دى

نورت يا جميل

عليكم السلام ورحمة الله

والله يا وفاء الواحد مش خايف من النتيجة انا خلاص بعد عناء اقلمت نفسي اني مش هزعل ع الدرجة اللي هجيبها
لكن وما ادراك من لكن دي اللي خانقني حكاية الاسئلة الكتير اللي من القاريب والجيران
وبالذات لما يكون ناس كتير حاطه عليكي امل وانتي زي العسل كدا تضيعي املهم بجد حاجة قرف لا ويا سلاااااام بقا لما يكون مفيش الا انتي ف كل قرايبك ال ف ثانوي يعني الكل فاضيلك يا معلم والكل منتظر
يلا كلها كام يوم والواحد يخلص من الموال دا

شكرا فوءة

marwa adel كتب:

عندك حق والله انا جربت
بس كل واحد ووضعه وكل واحد وظروفه
وماافتكرش ان فى مجال للمقارنة
ربنا معاكم جميعاااااااااااااااااااااا
بالتوفيييييييييق

اللهم امين نورتى يا جميل

Treikawia Ana كتب:

عليكم السلام ورحمة الله

والله يا وفاء الواحد مش خايف من النتيجة انا خلاص بعد عناء اقلمت نفسي اني مش هزعل ع الدرجة اللي هجيبها
لكن وما ادراك من لكن دي اللي خانقني حكاية الاسئلة الكتير اللي من القاريب والجيران
وبالذات لما يكون ناس كتير حاطه عليكي امل وانتي زي العسل كدا تضيعي املهم بجد حاجة قرف لا ويا سلاااااام بقا لما يكون مفيش الا انتي ف كل قرايبك ال ف ثانوي يعني الكل فاضيلك يا معلم والكل منتظر
يلا كلها كام يوم والواحد يخلص من الموال دا

شكرا فوءة

ربنا يسترها علينا و ينجحنا جميعا ان شاء الله
نورتى يا ساره

ههههههههههههه
بس الواحد عايز النتيجه تبان دلوقتى قبل بعد شويه انا مش عارفه اعمل
اي حاجه غير انى افكر فى النتيجه
بس برضو بربنا يستر من توابعها طبعا و
خصوصا انى الوحيده الى فى العيله ثانويه عامه
ربنا يستر يا جميل
تسلم ايدك

عاشقة الماجيكوابوتريكة كتب:

ههههههههههههه
بس الواحد عايز النتيجه تبان دلوقتى قبل بعد شويه انا مش عارفه اعمل
اي حاجه غير انى افكر فى النتيجه
بس برضو بربنا يستر من توابعها طبعا و
خصوصا انى الوحيده الى فى العيله ثانويه عامه
ربنا يستر يا جميل
تسلم ايدك

طب احمدى ربنا انك الوحيد اللى ثانويه ف العيله
انا نص عيلتى ف ثانوى حاجه ذل يعنى
ربنا يوفقك يا جميل
نورتى

ربنا معاكوا كلكم يارب

اللهم آمين
نورتى يا ايمان