treika.com
:: تريكاوي محدش قده ::
المشاركات : 1402
العمر : 16
تاريخ التسجيل : 06/10/2008
التقييم : 5
نقاط : 9425
::: : 
|  موضوع: مش طريقة دى  2013-01-16, 3:02 pm | |
| مش طريقة دى
بقلم - عمر طاهر
المبرر الدفاعى الوحيد الذى لم يطلقه أنصار مرسى حتى هذه اللحظة هو «أصل
الريس محسود»، مش طريقة دى على فكرة، عارف حضرتك الرجل الأشيب بتاع «لقد
هرمنا» لقد أسود شعره كله ثانية من فرط متابعته لأمرين، الأول طريقة رد
الأنصار فى مصر على المعارضين، والثانى هو ضحكة عصام سلطان فهى الضحكة
الوحيدة فى العالم التى يتطاير منها الشرر فى الوقت نفسه، بحيث يصعب عليك
إلى الأبد أن تمسك عليه شعورا بعينه ولو حتى من خلال تعبيرات الوجه.«هو مرسى يعنى اللى كان سايق قطر البدرشين؟»، وهل ثاروا على مبارك، لأنه
هو اللى كان سايق عبارة السلام أو قطار العياط؟، لا يا سيدى مرسى لم يكن
يسوق القطار لكن مرسى (سايق اللى سايقين القطار) فماذا فعل منذ أن سالت
دماء الأطفال على القضبان نفسها منذ شهر تقريبا؟ أقول لك أنا.. عزل النائب
العام.«إدِّيله وقت؟» شئنا أم أبينا سنمنحه الوقت فى ما يحتاج إلى الوقت فعلا،
مشروع قومى ضخم مثلا، لكن بديهيات الحياة اليومية من أمن وسلامة ألا تحتاج
على الأقل لإسعافات أولية تحسن مستواها؟ سرقة الآثار عينى عينك فى دهشور
والعمر الذى يضيع فى زحام العاصمة والتثبيت بالأسلحة فى عز النهار وقطارات
متهالكة يمكن الاستغناء عنها بتقرير لجنة ومستشفيات كلما مر بجانبها حادثة
متوسطة انتفضت البلد كلها تولول فى منتصف الليل لتوفر لها الدم الكافى
لعلاج المصابين، كم من الوقت يلزمك لشوية قطن وبيتادين تضمد بها كل هذه
الجراح ولو مؤقتا؟ قُبض على الإخوان فى الإمارات سافر لهم ناس فى اليوم
التالى، وقت الزنقة استطاع رجال أفاضل أن يقفلوا الدستور فى 72 ساعة، تحديت
الصعاب كلها بمنتهى العبقرية، غابوا القضاة «طب أعمل الاستفتاء على
مرتين»،
المحكمة الدستورية تزعجكم «طب أطرد اللى عاملين الدوشة بالقانون
والدستور»، المجلس العسكرى يحجم سلطاتك..» طب تعالَ يا عاطف سلم يا عمو وخد
قلادة النيل «مركب غرقانة عند مرسى مطروح؟» طب طلع الجيش ينقذها «الجيش
دعا القوى الوطنية على غداء.. طب والله ما حد طافحها»، الداخلية حاطة أبو
إسماعيل فى دماغها. طب واحنا قد أولاد أبو إسماعيل؟.. روح يا وزير عايزينك
فى البيت.ما المطلوب بالضبط؟ أن تخرب البلد فنشاركك الهجوم على حمدين صباحى
باعتباره واحدا خمّنا بعد اتفاق فندق فيرمونت؟! أو الهجوم على البرادعى
باعتباره نمساويا عميلا يرسل بخطابات غرامية لملك النمسا؟، أو غيرهم من قوى
المعارضة؟، يعنى أبو تريكة يضيع ضربة الجزاء أروح مهاجم الوايت نايتس؟!أم أن الكلام عن «المؤامرة» هو عهدة رئاسية موجودة فى القصر لا بد أن
يستخدمها الرئيس أيا كان فيلبسها مرة للإخوان ومرة للفلول ومرة للمعارضة
المهم أى حد يلبسها وخلاص؟!أم أن الموضوعية التى تطالبون بها هى أن «انتو والله تستاهلوا مبارك
خسارة فيكم مرسى الطيب»، يا عم الطيبون للطيبات إحنا مش فى قعدة طلاق،
والبلد تستاهل ما هو أفضل من مبارك ومرسى بكثير، صحيح أن مرسى تسلم «البلد
خربانة» لكن المشكلة أنها ما زالت خربانة، بينما مرسى يقول نفس كلام مبارك
«البلد بخير والسياحة رجعت والاقتصاد ينتعش، ينتعش من فين وأيام الاتحادية
الإخوان كلوا دماغنا بـ«هنجيب من فين فلوس فى الأزمة اللى احنا فيها علشان
نبيض سور الاتحادية اللى بوّظه المتظاهرين؟، بينتعش من فين وعشرات آلاف
المستمثمرين الذين التقاهم الشاطر ما حدش فيهم أعلن حتى عن مشروع عربية
كبدة، بينتعش من فين وانتو مشغولين بالحرب على القضاء والإعلام والمعارضة
وتأديب الداخلية ومليونيات التأييد، إنتو بتتكلموا وبس يا جماعة ولّا إيه؟
«إنت كنت تقدر تقول الكلام ده أيام مبارك؟»، علشان أريحك خالص «لا يا عم
ما كنتش أقدر أفتح بُقّى»، أصبحت الآن بفضل الثورة، لا بفضل الرئيس قادرا
على ذلك، ستقول لى «الإعلام بيهول» سأقول لك «والنظام بيتغول» وحفنة من
المذيعين والكتاب لن يستطيعوا أن يخدعوا شعبا بأكمله (كان نفع النظام
القديم شلته الإعلامية)،وبعدين هو انتو بتشوفوا الشعب واعى وناضج لما يروح صندوق الانتخابات
وتأتى النتيجة فى مصلحتكم، وبعدين تشوفوا الشعب قاصر ويتخاف عليه وعلى مخه
لما يوتركم عشرة برامج ولا عشرين كاتب صحفى.عزيزى المبرراتى فى النهاية أقول لك قول رياض المنفلوطى لحسن حسنى «أدهم..
حركة الترقيات قربت.. خلى دوسيهك يعدى على خير». |
|
الفيديو 
