هشام الجخ - أنا إخوان




انا اخوان وكل المسلمين ......... اخوان

فـ ماتصنفش اسلامي على كيفك حقيقتي اقوي من زيفك وصابعي لوحده بكفوفك
ولا اتهزش قصاد خوفك ياخوف ياجبان انا اخوان

باطيع الله فى ملكوته وبادعي يزيدنى من فضله ومن قوته واصلى واصوم واجاهد نفسي واصبر ع البلا واحمد
وحمدي يدوم لانه الرازق الوهاب وهو مسبب الاسباب
فـ ليه الفضل والمنه وليه الطاعه فـ ماتبصش لديني نظرة طماعه انا ديني لا هو سلعه ولا بضاعه ولا ليك سوق

لا انا بايع ولا شاري ايماني هو راس مالي فاصحى وفوق منيش اخوان على نهجك
فـ لِم من الدروب همجك كفايه شكوك مش انت لوحدك الاخوان انا اخوان بحق الله وبالسنه وبالقران
وقت الجد انا عثمان ووقت الحرب انا حمزه ووقت الفصل ببقى فاروق انا اخوان على الرحمه وعلى التقوى وحب الناس لكن عمرى ما هـ اتأخون بأخونتك على الصندوق

عنيكم فيها كل النور ومش شايفه
غباوة انك تهدد ناس مهيش خايفه بتهدد فى مين ياحزين دا انا الـ آها الى طلقونى وجيعه وسارحه فى الشارع
ومش ممكن هاتخفونى هاتسمعنى وغصب عن عنيك الجوز على دماغك هاترفعنى
انا الناس الى عاشت تحت خط الفقر وانا الناس الى ماتت ماتلقتش القبر
فـ سيبك من اللى بيجاملك وبيهيص وركزلى واسمع كلمتى كويس
انا الثورة اللى عملت منك الريس

انا الى يدوب من سنتين كنا بنتحبس صحبه ، وكنا بنتجلد صحبه ، وكنا فى الميدان صحبه ، بتبعد ليه وتكتب ع الطريق غربه
بتمشى فى الطريق الصعب وحدك ليه مهملنى فـ لو صعبه عليك الشيله حملنى
تلاقيني بعارضك اه لكنى وراك باجدف فى السفينه معاك اكون ودنك اكون عينك اكون قوه فى دراعينك
نبني بلدنا لهوانا مش لهواك وخيرنا يبقى جوانا مش جواك
مش انتى تاخدلى بالقرارات وانا امسح بايدي .................... قرارك


ماتتلككش بالناس اللى بيعارضوك ماتتشتتش ماتتسوحش
بلدنا عايزة ريس وحش يسمع نبضه بودانه مايتكبرش يكون جبار على الظالمين رحيم بينا
ينام بينا ويقوم بينا يمشي يعس فى الشارع على الجعانين ويفهم ان فى الشارع شباب ثايرين ملحقوش يبقوا كارهينك
فماتزودش نار الكره فى قلوبهم شباب شايف فلوس بلده مش بتخش فى جيبوهم
ماتخدعناش بـ بوقين من بتوع حسنى يامولانا ورمنا كلام وصدا من الغنا قفانا

ماتدبحليش حمامه يتيمه على عينها وتقنعنى انه ديك رومي متلعبش انت فى الميه وتمسح ايدك المبلوله فى هدومي
ومش كل اما توعد وعد تطلع بُق ماتشدش فرامل اليد وتطلب منى انزل ازق

ولما الناس تقوم ثايرة ومختلفه ماتخطبليش فى اتباعك
ولما تكون مع وزيرة متلعبليش في ..........

ولما تكون مع وزيرة متلعبليش في .......... دراعك ( تشوف الساعه )

ولا تسمعني ولا اهلى ولا عشيرتي وخيرنا يبقا لبلدنا قبل ماابص على جيرتي
بلدنا حوض من البركه بعمر النيل بلد دفيانه بالقران وبالانجيل