ما لهذا خلق الزواج أيها الحمقى!

[rtl]"محدش بيتجوز حد بيحبه يا بني .. اتجوز اللي تحبك وتصبر عليك"_ ستي الله يرحمها

مش عارف ليه كل مرة افتكر المقولة دي وابص على الواقع ألاقي معظم الناس مش بتتجوز عن حب فعلا ..
وبفتكر بيت الأعرابي اللي لخص كل شعر الحب تقريبا:
جننا بليلى وهي جنت بغيرنا .. وأخرى بنا مجنونة لا نريدها!

وتلاقي بقى اللي بيتجوز جواز صالونات .. واللي مجرد معجب بجمال واحده .. او فلوسها او حسبها او نسبها .. واللي بيتجوز عشان القطر ميفوتهوش مش عارف قطر ايه بس ماشي .. واللي بيتجوز عشان دي سنة الحياه بقى ومحتاج حد "يخدمه" ..
واللي جالها عريس "لقطة" .. واللي مفهمينها ان السعادة هي الجواز ومن وهيا صغيرة عقبالك ما نفرح بيكي يا حبيبتي ..
والمجتمع المريض اللي بيعامل البنت كتلاجة هتتباع واللي معاه فلوس يشيل ..
والبنات اللي بيتجوزا وبعدين يطلعوا تعساء زي امهاتهم بالظبط .. يمشوا جنب بعض متلاقيش فرق .. مسوخ .. نفس التعاسة ..
نفس الكآبه .. نفس الوش العكر .. نفس التخن ..

ما لهذا خلق الزواج أيها الحمقى!
يا تتجوز الشخص اللي عاوز تكمل معاه حياتك يا متتجوزش ..
مفيش حاجه اسمها لازم اتجوز وخلاص!
في حاجه اسمها شريكة حياتك .. اللي بتمشي جنبك في طريقك .. اللي بتعينك .. اللي بتمشي معاها ع الجسر اللي بيقودكم للجنة ..
اللي بتشاركك حلمك! .. اللي هتربي معاها ابن يقود الأمة .. مش ماشيه عماله تجرجره ف الشارع ومش سامعه الولد عمال يتسائل عن ده ليه وفين ومش مهتمه باللي بيقولوه!

ايه التخلف اللي احنا فيه ده يا ربي ..
ستي الله يرحمها تطبعت بطبع المجتمع وللأسف كلامها طابع عليه الخضوع والقنوع.. مش ممكن ف يوم أفكر كده في ظل
مجتمع مريض متخلف ورجعي بعاداته وتقاليده والهبل بتاعه ..
من أول الشبكة والقايمة والنيش والسفرة والشقة التمليك والشغل الثابت لحد الأفراح والجهاز والماديات اللي بوظت قدسية الزواج!

الزواج اقتداح روحين! امتزاج روحين!
عمره ما كان بالعته والمادية والتخلف ده ..

بره .. هو بيجيب خاتم .. والاتنين بيشتغلوا وبيدفعوا إيجار الشقة بالنص ..
في الحيوانات .. فيل شاف فيله .. عجبها .. حبته .. اتجوزوا!

يعني ايه أجيب ب 40 ألف جنية حتة معدن بيلمع اصفر مش فاهم؟
يعني ايه أجيب ب 100 ألف جنيه حتة خاتم كان كربون وضغطوه؟
يعني ايه اعمل فرح بكام ألف عشان اشغل كام أغنيه والناس تلبس حلو وتيجي واللي عاوزه تجوز بتها تعرض "بضاعتها" ويقعدوا يتكلموا عن العريس والعروسة وينموا شوية .. ويستنوا لحد الجاتوه بعدين يمشوا! ايوا مش فاهم؟!

#يارب_صبرني
#مجتمع_متخلف
#هياس_اخر_الليل [/rtl]
[rtl] مما أعجبنى
[/rtl]

لا بصراحة التوبيك دة
قال كل اللى انا بفكر فيه

انا فعلا خايفة جدا من موضوع الجواز دة خايفة اووى
ربنا يستر
شكرااااا اووى ياروبى

لله الامر .. والله انا مبقتش عارفة العيب فين يامروة
ربنا يستر .. يسلملى مرورك

تســــــــــــلم ايـــــــــــــــــــدك

بس فعـــلا احنا بقينا مجتمــع عقيــمـ