حقا ولقد خلقكم اطوارا

موضوع: حقا ولقد خلقكم اطوارا 2008-10-03, 11:16 pm

لما ربنا هدانى وذاكرت كلمتين عرفت معلومات والله طول وانا بذاكر اقول سبحان الله لايقدر على هذا الا الله

وهى مراحل تكوين الجنين داخل الرحم

فى الشهر الاول من الحمل بيكون طول الجنين 1 سم

فى الشهر الثانى بيكون طوله 4 سم وبتظهر فتحتين منفصلتين خاصة بالانف والفم

فى الشهر الثالث بيكون طول الجنين 9 سم ووزنه 30 جم وبيدأ تكوين المشيمة

(placenta)

فى الشهر الرابع بيكون طوله 16 سم ووزنه 100 جم وبيبقى وزن المشيمة 100 جم وبيدأ تكوين الاظافر

وممكن عند الشهر الرابع نحدد جنس الجنين

فى الشهر الخامس بيكون طول الجنين 25 سم ووزنه 300 جم ووزن المشيمة 200 جم وشعر الرأس بيبدأ فى النمو

فى الشهر السادس بيكون طوله 30 سم ووزنه 750 جم والمشيمة 300 جم وبيبدأ ظهور الرموش والواجب وبيكون مكان الخصية فى الجنين الذكر فوق الكليه

فى الشهر السابع بيكون طوله 35 سم ووزنه كيلو ونصف والمشيمة 400 جم والجلد بيبقى مكرمش زى كبار السن والاظافر بتكبر شويه لكن مش بتصل لنهايه الاصابه

وممكن لو الجنين اتولد عند 7 شهور يعيش

فى الشهر الثامن بيكون طوله 40 سم ووزنه 2 كيلو ونصف والمشيمه 500 جم والجلد بيبقى ساطع fleshy و

يعنى عامل زى اللحمه والاظافر بتصل لنهايه الاصابع وشعر الرأس بيبقى كثيف وملون

عند 9 شهور ودة لما الجنين يشرف وينور الدنيا

بيكون طوله 45 سم ووزنه 3 كيلو ونصف والمشيمة 600 جم والحبل السرى 50 جم وبتبقى الاظافر بارزة عن نهايه الصابع(يعنى ظوافره طويله ممكن يخربشك ههههههههه) وبيبقى طول شعر الرأس 2 او 3سم وبتصل الخصيه لمكانها النهائى فى كيس الخصيه

شوف انت ازاى بقيت كدة من 1سم ل170 او 180 سم شوف قدرة ربنا فى خلقه

انا لما قريت الكلام ده تذكرت قول الله تعالى فى سورة نوح

مالكم لاترجون لله وقارا وقد خلقكم اطوارا صدق الله العظيم
ازاى مانسبحش ربنا ونحمده طول الوقت
لو عجبكم ممكن يتثبت ولو مش عاجبكم بردو ممكن علشان عايزة يبقالى ذكرى فى المنتدى لان ماحدش ضامن عمره هههههههه وظروفه

موضوع: رد: حقا ولقد خلقكم اطوارا 2008-10-03, 11:22 pm

سبحان الله
تسلمى يا شيمو على الtopicالهايل دة ...الله ينور عليكى يا جميل

موضوع: رد: حقا ولقد خلقكم اطوارا 2008-10-04, 4:40 pm

شكرا ياهبة ع المرور
معلشى يامشرفين الموضوع نزل مرتين ياريت تحزفوا واحد