انا بصراحة مامرتش بالتجربة دى

الحمد لله والدى ووالدتى مؤمنين بانالواحد يختار مستقبله لانه هينجح فيه اكتر

بس هقولك ع شىء اختيار الاباء لاولادهم بيكون صح لانهم اكتر خبرة او عايزين الافضل لابناءهم
يعنى لو انت تقدر تنجح ف اللى اختاروه ليك مافيش مانع طالما ف النهاية هتنجح ومش دايما الواحد بيوصل للى عايزه

لكن لو متأكد انك مش هتنجح عشان مش اختيارك يبقى حاول معاهم واقنعهم بالحاجة اللى هتنجح فيها

وخليك فاكر دايما ان علم الغيب عند ربنا ومافيش حاجة مضمونة يعنى مش شرط ولا لازم ان الدنيا والحياة تمشى زى ماخططت ليها

واتمنالك كل خير والتوفيق ف حياتك يارب

انا مريت بالموقف دة لما ظهرت نتيجة الثانوية انا جبت مجموع الكلية الى كان نفسى من صغرى ادخلها وقولت دة اول طريق مستقبلى
وبابا كان عايزنى ادخل كلية تانية هو كان بينصحنى بس انا اخترت الكلية اللى عايزاها
احيانا باندم لان الكلية صعبة زى بابا كان بيقول بس انا لانى عايزه ده باستحمل وبقول لازم احقق هدفى
فانت اختار الطريق اللى انت عايزه بس من غير ماتزعل باباك وصلى استخارة

مشكور جدا على التوبيك الرائع ده