اخر توبيك ليا فى المنتدى\ عقيدة العسكر الفاسده

السلام عليكم ورحمة الله وبركاته
دا اخر موضوع ليا فى المنتدى بإذن الله

ها قد وصلنا الى منحى وبُعد اخر فبعد أنْ القى انصاف رجال الجيش المصري الجدد بثقلهم
من الدفع بالقوات النظاميه للقوات المسلحه ومن قبلها الشرطه العسكريه مروراً الان بـــــــ
سلاح المظلات ثم تخويف الشعب بحرب اهليه بين الشعب والجيش عبر الاعلام الوثني القذر
ها قد وصلنا الى يصير مصير الثوار البلطجيه الى أنْ يلقوا الى أفران الزعيم النازى ادولف هتلر
فهل بعد كل هذا عرفنا او للحظة استوقفنا انفسنا وحكمْنا عقولنا وضمائرنا ولو مرة لله ثم
للوطن ثم لدماء الشهداء ثم لجريح ضاع نور عينه او فقد جزء من جسده من أجل ماذا لا شئ
سوى حريه "عيش حريه عداله اجتماعيه " أنا لا أحكم على ضمائر الناس لكني استطيع أن
احكم على افعالهم.اللهم اني اشكوا اليك دماء سفكت واعراض انتهكت وبيوت خربت
========================
انت مقتول إذاً أنت بطلجى وأنا قاتل إذاً بطل قومي وحامى الحمى.
يُدارس الان سلخنات الجيش المصري ويطبق فوراً بدون تجارب
====================
دايرة الاتهام كل يوم بتكبر وبتوسع من الدخليه وقناصتها الى الجيش الى الشرطه العسكريه
الى سلاح المظلات تعرف ان الايادى الخفيه منين وتبع مين وابقى سلملي على حزب الكنبه
==========================
كلامى انتهى والوقتى مع كلام بعض المشاهير

واولهم جزء من قصيده للشهيد الشيخ عماد عفت
السنة بتتنتهى و دم الشهداء ما بينتهى مهما الكلاب تشتهى ريحته
ما بينتهى مجدهم يا موت يا صوت صلاة الفجر فى الجامع
الآه بتعلى و الخسيس مش سامع يا صوت صلاة الفجر فى الزاوية
النية صافية و الكلاب مش ناوية تبقى بشر
===========================
الاعلامي المحترم يسري فودة

أوسعونا وعوداً بأن القوات المسلحة المصرية لم ولن تفتح النار على أي مصري مهما كانت الظروف.
هذه رصاصة في الرأس ..طالب فيكلية الطب بلطجي في أعينهم وهذه رصاصة
في الصدر أحد أئمة الأزهر الشريف بلطجي في أعينهم أوسعونا فخراً بأن أخلاقهم ترتفع
طبقات فوق أخلاق من يصفونهم بالبلطجية، والبلطجية من قلة الأدب هذه براء
............................................
يسري فوده

أوسعونا حديثاً عن كرامة الإنسان المصري وعن عرض المرأة المصرية، لكن هذه المرأة حين عراها هؤلاء سحلاً وضرباً؛
كانت هي قد التحفت علم مصر وطهر الإنسانية، وكانوا هم قد تعروا أمامنا، وكانت أكاذيبهم قد تعرت أمام العالم كله هكذا
على عينك يا تاجرإلى أن يصل اليوم إلى أن يطالب لواءٌ بأن يلقى بهؤلاء إلى أفران أدولف هتلر
=========================
انتهى الكلام والسلام

السلام عليكم ورحمة الله وبركاته

فيه حاجه كنت نسيت اقولها: انا ليا اخر فى الخدمه العسكريه الوقتى فى الجيش المصرى
هو فى اجازه وراجع تانى .بإذن الله بكره هتصل به واقوله لو الموضوع كبر زى 25 يناير
واخدت امر بضرب النار .اقلع بدلتك وسلم سلاحك وانزل مع المتظاهرين موت معاهم اشرفلك
ولو وصلت لمحاكمه عسكريه حتى .ولو عرفت انك ضربت نار على الناس هتبرا منك ليوم الدين
وكل اهلنا وهتبقى عار علينا . وانا متاكد ان اخويا هيسمع الكلام لأنه راجل بجد
دا موش كلام وموقف بطولى منى ولا منه ولا شعارات دا اللى لازم يتعمل
ولينا رب اسمه العليم المطلع على عباده .وبلاش حكاية الاستقرار دى اصلها بقت بايخه
وتقرف المساله بقت دم ومحدش يقول فيه ناس مندسه بينهم مين اللى دسهم كفايه قرف
وكمان اليوم زوجة اللواء الشهيد البطران رئيس سجن تقريبا الفيوم اللى قتلوه الكلاب
امن الدوله علشان وقف ومرضيش يخرج البلطجيه يقتلو فى الناس وقت الفوضى
وكماان اتعرض عليها 100 مليون جنيه او دولار موش متذكر علشان مكذبش
طب موش هنتكلم فى المبلغ ليه عاوزين القضيه بالذات تموت ولمصلحة مين
انا موش داخل المنتدى تاني بإذن الله ودا موش شئ شخصى