Treikawymagoody
:: مراقب سابق ::
المشاركات : 4146
العمر : 45
محل الاقامة : مصــــــــر
بتشجع نادي إيه : الأهلــــــى
لاعبك المفضل : أبو تريــكة
تاريخ التسجيل : 14/07/2008
التقييم : 4
نقاط : 7708
::: : 
 |  موضوع: انا اللى اخترت اكون  2008-08-09, 11:15 am | |
| تذكير بمساهمة فاتح الموضوع :أنا اللى اخترت اكون
انا اللى اخترت اكون عاشق مالوش حدود
وان كان حبك جنون يبقى الجنون يسود
واكون او لا اكون ومش ممكن اعود
اخترت اكون معاكى لاخر الطريق
واللحن اللى فغناكى وطير اخضر برئ
والنسمة اللى فهواكى وبحرك الغريق
اخترت اكون هلالك وقمرك والنجوم
وشمس منورالك مهما تزيد الغيوم
وضلاية نهارك تفضل فوقك تحوم
اخترت اكون مرايا تشوفى فيها روحك
والناى اللى فى غنايا يبكى بدالك جروحك
واحلف وانتى معايا مش هاسمح يوم بنوحك
اخترت انى اكونك واخترت تكونى بيا
والقلب اللى فضلوعك دقاته تدق ليا
والهمس اللى فشفايفك يصرخ ويصحى فيا
كلمة كان نفسى اقولها ولقتنى بقول واعيد
الدنيا دى بطولها هارميها هناك بعيد
واجرى واقولك بحبك وكأنه كلام جديد
دى حروف الكلمة ديا لما بتلمس شفايفى
بتلف الدنيا بيا وماله يا دنيا لفى
ده كلام الحب كله خلاص مابقاش يكفى
لو هاوصف حبى ليكى محتاج مليون قصيدة
محتاج مليون كتاب محتاج حروف جديدة
محتاجلك تبقى جنبى واحس انك سعيدة
والله الدنيا ديا من غيرك مش جميلة
وحياتى فى بعدى عنك خرافة مستحيلة
وانتى الاصل الوحيد وكمان مالكيش بديلة
انتى حروف الكلام وانتى كلام الحروف
وانتى السما البعيدة وانتى قمر يطوف
وينور كل ضلمة ويضوى فليل الوف
انتى عارفة انتى ايه يمكن ماتعرفيش
انتى اغنية حلوة كلماتها ماتتنسيش
انتى يا حبيبتى بكره بكره مايبنتهيش
علشان لو جيتى بكره هاقولك انتى بكره
فتبقى انتى بكره وانتى بعد بكره
وبعد بعد بكره انتى الهام وفكرة
انتى البسمة السعيدة انتى النسمة الوليدة
انتى الحب وكلامه انتى الحاجة الوحيدة
اللى بتخلى قلبى يحس حاجات جديدة
انتى مليون بحبك وباختصار( فريـــــدة )
بحبك بحبك بحبك ( مجـــــدى )
|
|
الفيديو 
