الى استاذى
ايها الرجل المبدع دعنى اقف لك احتراما
فلعمرى ان لم يكن قلمك انت لا كانت اقلاما
ولكان الشعر العامى اضحى رمادا وركاما
يا استاذى جئت اليك فعلمنى كيف تصوغ الشعر
علمنى كيبف تصف الابيات عند ضفاف النهر
علمنى كيف لبيت من كلماتى ان يتلألأ مثل البدر فى منتصف الشهر
علمنى وجهنى ارشدنى لكأنى ان قالو إذ قالو عنى انى شاعر
اقف عند حنايا ابياتك خجلا مكسورا واقول اين منك اى شاعر
أنت كتبت الشعر بيوتا لا ابياتا انت غرست الشعر نخيلا كى يحيا اعواما
ان كنت اعز عليك فكفكف دمع عيونى
ان كنت اعز عليك فانظرنى وادعونى
ان كنت عرفت انى احببتك يا ابنودى
فلترسل لى عند غروب الشمس سلاما
الى الابنودى
مجدى

مرحب يا دعاء
ميرسى على مرورك الرقيق الجميل
دى انا لسه مألفها من ربع ساعة بس
بجد والله
كتبتها اعترافا للابنودى بفضله على شعر العامية
وشكرا مرة تانية على مرورك

شكرا يا ست البنات
يا سكر نبات
يا احلى حكاية
بين الحكايات

انا بعشق الشعر
احب اقوله فى كل وقت
وفى اى مناسبة
وبعدين يا ستى بتشكرينى على ايه
استنى بس انا لازم اعملك قصيدة
زى ندى اللى واحشانا كلنا بقالها مدة غايبة عن المنتدى
وزى ايات ملكة الحركات الزئبقية ولا بركات
بس بصراحة الدور على ابتهال انا حتى اتاخرت عليها
وبعد ابتهال انتى اوكى

ماتقوليش كده ازاى انتى مش مهمة يعنى
لا طبعا مهمة ونص
انتى تلميذتى يا بنتى بتتكلمى ازاى

ميرسى ليكى انتى
يا دودو يا عسولة

نسيت اهنيكى على الترقية الجديدة
الف مبرووووووووووك

تستاهليها يا تلميذتى
العزيزة

من الان فصاعدا
القيت القلم من نافذة الغرفة
وسكبت الحبر على الاوراق
وتركت الشعر لان الشعر
سلعة لا تجد من يهتم
شكرا يا تريكاوية
انا اعتزلت الكتابة فى هذا المنتدى

مجدي ليه الكلام ده
حقيقي نفسي اعرف السبب
وبعدين انا ليا معاك كلام تاني
اول ماتفتح ياهو رنلي

انا مش هاسيب المنتدى يا احمد
بس هابطل اكتب فى المنتدى الادبى عموما الشعر وكله
لان ما حدش بيهتم باللى بكتبه
فى لاول كان فيه اهتمام بس دلوقتى انا حاسس ان الناس كرهت تواجدى فى منتدى الشعر
وكأنهم بيقولولى اشبع بيه بقى
يلا مش مشكلة بس هاكون موجود فى باقى المنتديات
انا ماقدرش اسيب المنتدى خالص انا اتعودت عليكم
وشكرا يا احمد على اهتمامك

ماكنا ماشيين تمام
قلبت لية بس
اولا القصيدة جميلة جدا
واكتر حاجة عجبتنى فيها التشبيهات
وفعلا الابنودى يستاهل اكتر من كدة
بس اعتقد انك مدرسة والابنودى مدرسة
على حد فهمى يعنى
لكن يستحق التقدير والاحترام
ثانيا انت ودعاء ماشيين تمام وكمان جبتو سيرتى وانا عملت انى مش واخدة بالى يعنى
هههههههههههههههههه
فى اية ياشاعر
خلى نفسك طويل والا اية
وبعدين الواحد مابقاش عارف يتابعك فين والا فين
انت بقيت بتاع كلو سياسة وشعر وصور واسلاميات ونقاشات
اية بس اية اللى حصل
ماتزعلش وخلى نفسك طويل
تقبل تحياتى واعتذارى

مش عارف اقولك ايه يا ايات
انا حبيت المنتدى عموما
بس بجد بقيت حاسس انى عامل مشكلة للناس
بسبب مشاركاتى الكتيرة فى منتدى الشعر
زى ماقلت كده بطلوا يدخلوا او يردوا
كأنهم بيقولولى اشبع بقى بمنتدى الشعر
ده حتى كانت العضوة قمرهم كلهم بتشارك فى منتدى الشعر
لما علقت فى مرة على مشاركة ليها زعلت وبطلت تدخل منتدى الشعر من اصله
هاحاول افكر مرة تانية فى قرارى ده بس مش عارف فى النهاية ايه هايكون قرارى النهائى
شكرا على اهتمامك

ماهوش محتاج تفكير
انت الشعر فى دمك
بس ملحوظة انا قولتهالك قبل كدة
انت تطرح قصيدة واول مالناس كلها تتفاعل معاها
والردود تبتدى تقل تطرح واحدة تانية
لان دة افضل ليك كتير
علشان نلحق نتفاعل مع القصيدة الاولى وتدى لكل قصيدة حقها
وتحفر لها مكان فى المنتدى
والا اية ياشاعر
طبعا انت عارف اننا اخوات
ومابتتردتش ابدا فى ابداء النصيحة وانت عارفنى يا مصور
والا اية
وبردو خلى بالك طويل

انا متفهم كلامك جدا يا ايات
وانا بيسعدنى اهتمامك بيا كأخت
وكمان نصايحك مهمة ومؤثرة
وبالنسبة ليكى يا دعاء انا متشكر قوى
على كلامك الجميل واهتمامك باستمرارى
فى المنتدى وانا خلاص مش هاسيب منتدى
الشعر بس هاوقف مشاركاتى فيه شوية زى ما قالت ايات
وهاحضرلكم مشاركتين مهمين جدا جدا
واسف لو كنت ضايقت حد بكلامى فى اى موضوع فى المنتدى كله