سؤال للشباب؟ ونصيحه للبنات !!!!

السلام عليكم ورحمه الله وبركاته
___
سؤالي لشباب لماذا تعاكس ؟
السؤال بطريقه أخري ليه بتعاكس البنات مع ان انت لو حطيت البنت اللي بتعاكسه مكان
أختك , أمك , بنتك , قريبتك
معتقدش أبداًُ انك هتفكر حتي مجرد التفكير في المعاكسه
وبعدين مش كده وبس ده ممكن تبدأ الحكايه بكلمه ومعاكسه صغيره اوي
ممكن توصل لرقم تلفون او ايميل والباقي طبعاً معروف
مش لازم اقوله صح واله ايه يا شباب ؟
ده سؤالي ارجو الاجابه من كل شاب ؟
*****
المهم ان كل واحد منا لازم يحفظ أخته .
كيف أحفظها ؟؟؟
أحفظها بمراقبه طريقه لبسها ..
احفظها بتوجيهها الي طريقه التعامل مع الاخريين
احفظها بحفظ اعراض الاخريين
احفظها تحفظ شرفك
احفظها من العيون التي تلتهم جسدها
احفظها يحفظك الرحمن
من هي أختي ؟
هي كل مسلمه
هي كل أنثي
وليكن شعارك
اختك هي اختك
امك هي امك
زوجتك هي أختي
زوجتي هي ايضاً أختك
فلنحافظ عليهن
_____________________

نصيحتي للبنات بقي
ان مش اي كلمه يقولها الشاب تصدقيها يا أختي والله مش بقلك كده غير اني بحبك في الله
لانك أختي بجد .. احنا بيربطنا دين واحد رسول واحد
اللهم صلي وسلم وبارك عليه
فحاولي تاخدي العبره والعظه من اللي يحبوكي بجد
مش تقولي اني معملتش حاجه غير اني كلمته وبس
يأختي طيب وهي دي قليله ...
كفايه أنك كده بقيتي خاينه !!!
نعم خاينه متستغربيش اوي اني بقلك خاينه
تعرفي خونتي مين ؟
خونتي اقرب الناس ليكي خونتي بابا خونتي اخوكي خونتي ماما خونتي اللي بيحبوكي
وبيخافو عليكي من الهوي
تعرفي خونتيهم كيف اقلك يا اختي
خونتيهم لما خونتي ثقتهم فيكي
خونتيهم لما سمحتي لحد يتكلم عنهم كلمه مش حلوه بسبب تصرفك بحسن نيه
خونتيهم لما سمحتي لاخينا ده انه يكلمك
شوفتي بقي انك مش كنتي واخده بالك انك بتخونيهم
معلش يا اختي انا بقلك الكلام ده لاني بخاف عليكي
وكمان الشباب ياريت يعتبر اي بنت بيعاكسها اخته
ويشوف هو هيقبل ليها ده واله لاء
المهم ربنا يستر علي بناتنا واخواتنا جميعاً
هكتفي بهذا القدر
وبأنتظار اجابه الشباب علي سؤالي ؟
ورائ البنات في نصيحتي !!
وجزاكم الله خيراً علي حسن المتابعه
اخوكم في الله محمد الاسواني
_____
إذا كنت لا تقرأ إلا ما يعجبك
فأنك أذاً لن تتعلم أبداً ..

بس ياريت كانا نتعلم من النصايح دي هي فعلا نصائح مهمة لينا كلنا
وجزاك الله خيرا

جزاك الله خيرا موضوع مهم فعلا وياريت نتعلم كلنا من النصائح دى

كل الحكي يلي بتؤلوا تمام يعطيكم الف عافية

معك حق
شكرن على ىهادا التوبيك المفيد وياريت من الكل يتعظ

جزاك الله خيراً

بجد موضوع مهم ويستحق النقاش
ويا ريت كلنا نستفيد منه وشكراً على النصيحة

توبيك هايل جدا
وجزاك الله كل خير علي النصيحه

سندس
شكرا علي مرورك وان شاءالله اللي عايز يتعلم هيتعلم من غير ياريت ومن غير بس اهم شي النيه
دلوعه
شكرا علي مرورك واكرمك الله واكرمنا جميعاً بالخير والجنه
عرين
اولا مرحباً بيكي علي منتدي ابوتريكه لاني اول مره اتشرف بزيارتك ثانياً هذا جزء من الحكي واكيد انتي تعلمي الباقي
المهم مش محتاجه شكر الحكايه لكن محتاجه عزيمه واصرار علي الفعل
glover
فعلاُ موضوع مهم ويستحق النقاش لكن الاهم هو مرورك وايضا مفيش شكر بينا يا قمر
meshmesha
فعلاً هائل بس عايز مننا جميعاً تطبيقه يا من طرفنا احنا او من طرفكم انتم
المهم نحاول تغير هذه الظاهره من معاكسه الي حب واحترام متبادل بين الطرفين .
وشكراً علي مروركم جميعاً