عايز تموت ازاى

موضوع: عايز تموت ازاى 2008-09-09, 2:03 am

:oops:

واحد سألني.. عايز تموت إزاي؟
*******

عاوز تموت شهيد؟

ياتركب طيارة.. ياتركب عبارة

عاوز تموت م الجوع؟

ياتشتري شقة.. ياتشتري عربية بالقسط

عاوز تموت م الحسرة؟

ياتتفرج ع الفاترينات فى سيتي ستارز.. ياتروح زيارة لمارينا

*******
عاوز تموت م الغيظ؟

ياتتفرج ع القنوات المحلية.. ياتتفرج ع النشرة الجوية

عاوز تموت م الزهق؟

ياتستنى الأشاره لما تفتح .. ياتستنى دورك فى الطابور فى التأمين الصحى

عاوز تموت م الهبل؟

يا تخش ع النت.. ياتسمع نجوم الإف إم

*******
عاوز تموت مخنوق؟

ياتروح مصلحه حكومية.. ياتقرا الجريدة اليومية

عاوز تموت مفروووس؟

ياتركب تاكسي.. ياتركّب دش

عاوز تموت مرعوووووب؟

ياتستنى نتيجة الثانوية العامة.. ياتستنى نتيجة التحاليل عند الدكتور

*******
عاوز تموت منكاد؟

ياترشح نفسك في الانتخابات.. ياتخش ف اتفاقية الجات

عاوز تموت مشهور؟

ياتتجوز رقاصة.. ياتنصب على بنك

عاوز تموت مليونير؟

ياتعمل فيديو كليب.. ياتلعب كورة

*******
عاوز تموت ورا الشمس؟

ياتشغل مخك.. ياتفتح بؤك

عاوز تموت م الحزن؟

ياتفكر دايما ف أحوالك.. ياتحط الحكومة ف بالك

عاوز تموت ف حالك؟

اعمل نفسك دايما.. مش واخد بالك

موضوع: رد: عايز تموت ازاى 2008-09-09, 2:40 am

ههههههههه
جميلة اويييييييييييييييييييييي
يسلمووووووووووووووووووووو متعب

موضوع: رد: عايز تموت ازاى 2008-09-09, 2:47 am

hhhhhhhhhh
kda kda hanmot
bs el mafrod kona motna mn zman 3la keda
topic hail ya a7md

موضوع: رد: عايز تموت ازاى 2008-09-09, 3:13 pm

<div align="center">شكرررررررررر نديفد وساره على مروركم الجمييييييييل ده<br><br>وعندك حق ياخلود والله<br><br>نورتم التوبيك<br></div>