فى حديث شريف انا قريته وقلت ايه ده لازم اغير شوية من نفسى
الحديث بيقول ايه
ياتى العبد يوم القيامة وقد صام وصلى ولكنة يأتى وقد سب هذا وشتم هذا وأخذ مال هذا فيأخذ هذا من حسناته ويأخذ هذا من حسناته حتى اذا فرغت حسناته أخذ هو من سيئاتهم ثم القى فى النار
صدق رسول الله صلى الله عليه وسلم
يالله انتوا متخيلين يعنى الواحد يصوم ويصلى ويقول الحمد لله انا كدة تمام ورضيت ربنا وانشاء الله ادخل الجنة
لكن اه من السان كلنا ممكن فى لحظة غضب نشتم يعنى انا ساعات اشتم اختى الصغيرة واقولها بلاش غباء مثلا وساعات اشتم دكتور مطلع عينى انا واصحابى ونقول ده رخم وغلس وغيرها من الامثال الحديث بيقول انهم هايخدو من حسناتى وانا اخد سيئاتهم هو احنا ناقصين ذنوب علشان كدة حفظت الحديث وكل ماجى اقول كلمة وحشة افتكر الحديث وامسك لسانى ولو شتمت استغفر ربنا على طول وماتقولش انا هادنى اعمل حاجة غلط واستغفر وربنا هيغفر لى والشيطان يضحك عليك ويخليك يائس من رحمة ربنا لكن انت اغلبه وقول نفسك (قل ياعبادى الذين اسرفوا على انفسهم لاتقنطوا من رحمة الله ان الله يغفر الذنوب جميعا) وكمان الحسنات يذهبن السيئات
فياريت نحقظ لسانا وجوارحنا ولو غلطنا نستغفر ربنا
ورب كلمة يقولها عبد تكون سبب فى رضا ربنا طول العمر وكلمة تكون سبب فى سخط ربنا طول العمر
ومش هاطول عليكم وكل سنة وانتوا طيبين

تسلم ايدك ياشيمو والله

انا من كتر اعجابى بالموضوع مش عارفة اقولك ايه بجد غير جزاكى الله كل خير

وربنا يجعله ف ميزان حسناتك يارب

شكرا ليكى ياندى وشكرا على كلامك الجميل

جــــزاكـ الله الجنــــة ع الإفادة ..
باركــ الله فيكي ..

موضوع هايل ياشيمو
تسلم ايديكى وجزاكى الله خيرا

شكرا ياحمد وياحمادة ويابتهال وياايات ع المرور

شكرا ياتريكة ع المرور الجميل ده
وكل سنة وانت طيب

تسلم ايدك بجد يا شيمو
وجزاكي الله كل خير

تسلمى يامها
الموضوع ده من رمضان يارب يكون عجبكم